رحلة صبر

البارت 1

عام ١٩٦٦_الانبار _الرمادي

ساعة وحدة بليل كعدت على صوت ونين امي رغم جنت صغيرة بي اذكر عمري ٧ سنوات تلوب من مكان لمكان ابوي جان نايم فز على صوتها  حجة گال ها خير شنو راح تولدين شبيچ وينچ

امي ماترد من الوجع ابوي مايشوف بليل عندة عشى ليلي مجرد نزل المغرب خلص بعد مايشوف

امي تلوب بالغرفة رايحة رادة ابوي ينادي يارب انطيني ولد  اخر شي امي طلعت من الغرفة  ابوي گال گومي شوفي امچ رحت وراها شفتها بالمطبخ جدة چايبة تمر گاعدة تأكل تأكل شوي وتتوجع تبجي من الوجع يروح ترجع تأكل جدة كعدت على صوت بچيها حجت ها يمة جاي تطلگين هز امي براسها

جدة گالت هسه نصيب الجدة تولدچ گولي يالله

گعدت مرت عمي وعمي راح على مرة چبيرة فاتت امي على غرفة ابوي نادة علي يريد يطلع نادة بتول

تعالي اريد اطلع رحت عليه كمشت ايدة وطلعت كعد بالربعة گعد على الكرويتة اجت المرة ابوي يدعي

امي صوتها بلش يعلة وينسمع تغطيت جوا بالبطانية عمود مااسمع صوت صريخها ل٦ الصبح سمعت صوت بچي طفل كشفت البطانية وركضت على الغرفة اشوف امي شفت جدة لفت الجاهل حطتة عند امي

امي واضح عليها التعب جدة نادتلي گالتي حدري يمة شوفي خيتج ركضت عليها يالله تخبل جدة بيضة والها خدود اگدر اشيلها

كعدي وحطيها بحضنج امي تعبانة شوي ودخل ابوي

كان واضح عليه علامة القهر گال لاامي الحمد لله على السلامة وطلع ابوي راد اخ بس الله ماراد

امي نامت من تعبها طلعت اسمع جدة تحجي ويا ابوي وتهدي بي

يگلها ماريدها لا هي ولابناتها عبالي جيب ولد ماتشوفين رجلها طلگها وابتليت انه بيها خلفتها كلها بنات

رجل من يعني امي مزوجة غير ابوي شلون يصير

رحت على امي شفتها گاعدة تبچي گتلها يمة شنو يوجعج ماحجت بس گال ديري بالچ على اختج انتِ صرتي جبيرة

انه كتلها اي يمة ميخالف بس ماسترت اسألها يعني مزوجة اثنين  اخذتني عمه خلود  على المطبخ سوتلي دهن وحط عليه شكر ريوك. تريكت وگمت

شفت اختي گتلهم اريد اسمها بسمة ابوي ماحجة امي عازلة روحها جدة كالت خلص اختچ بسمة

مرة فترة ابوي صار يضوچ مني مايحبني صار يضرب امي وامي بس تبچي اختي صغيرة چانت تعزلنة بالغرفه وتگعد تبچي

بيت ابوي هو بيت جدي عبارة عن غرفتين ومطبخ وربعة البيت مكان من طين من جوايز بالصيف نار وبالشتا يصير يسرب مي امي الها غرفة وعمي عدي وعمة خلود غرفة  جدة وعمي سعد بالربعة ينامون عمي عندة ولدين انور واحمد