رحلة صبر

البارت 20

شهر الخامس اهنا جا امر بنسحاب الجيش العراقي من الرمادي  اهنا سيطرو التنظيم على الرمادي

بلشت اشتباك بعض احياء المدينة حظر تجوال ماكو شي ينسمع بس صوت الضرب والطلق هاونات

الجو كان حار احنا نترقب شنو راح يصير الكهرباء ماكو اجا عمي عدنان عدنة گعد ابوي هم اجا صرنا عائلة وتريد اكل بلشنا نسوي اكل والضرب فوك راسنا

إبراهيم طلع على السطح يشوف من وين ماتسمع بس صريخ عمي يول انزل تريد تبليني هسه يضربك قناص استر علينا

تغدينة وتركنا المواعين على جهه واكفين انه وعمة رغد نحچي على الوضع ماشفتها الا رجعت لورة گتلها شبيچ گالت يولي مدري شنو ضربو هاون مدري قذيفة فوتي تنشوف شلون

بعدها بـ ساعة  اختفى صوت الضرب  مانسمع بس صوت جوامع تكبر وتحمد تم سقوط الرمادي كامل بيد الد*ولة الإسلامية

عمامي طلعو يشوفون انه اگلهم شنو يعني سقطت هاهية صارت بيد الد1عش 

اي هاهية سقطت تنشوف شلون

ولدنا كلهم طلعو الا ابوي ماستر يطلع ولايشوفهم گاعد بالبيت ويشرب چكاير مدري بـ شنو يفكر

ماكو ربع ساعة ورجعو يگولون كل واحد لحية وشعر لـ نص ظهرو وملابسهم تلعب النفس وصخين

گالو طيران يفتر لـ يشوف تجمعات ويصير يقصف

مصوريهم ابوي يگول والله نور محمد مقطوع من وجوهم والله يخوفون غدي شوف هذا گاتلة الوصخ

عمي  انور يگلة روح اگعد بـ الصحراء وشوف شيصير بيك
طبعاً كان بـ جهاد وتراب وحرب ماتريدة يلمع

الكل استغرب من كلام عمي بس ماحچو شي

العصر فتحت المحلات بس وضع يخوف محد يعرف شنو راح يصير

بعدها صار يطلعون ابناء المناطق يتلمثون ويوگفوون
بـ الافرع يراقبون رايح والراد

ورها طلبو اعلان التوبة لـ كل شرطي ضابط مخبر سري  وشيوخ الي كانو حاطين ايدهم باايد الحكومة والحزب الاسلامي  وعليهم الامان

صار الضابط يعلن التوبة يسلم سلاحة ويگعد وشرطي كذالك كلهم اعلنو التوبة بس الوضع مايطمن ابد

بعدها اعلنو مبايعة لا بو *بكر الب*غداي  خليفة على المسلمين الي يريد يبايعوهم  صارو ابناء المناطق  يبايعوهم 

بوگتها عمي صافن گال هز راسة گال هسه اجا وگت

اگوم اروح على عدنان  طلع عمي من البيت واحنا مانعرف بـ شنو يفكر

طلع من الصبح ماشفنا الا المغرب جاي هو وعمي عدنان شايلين علم الاسود اصعدو على السطح
وحطو على  سياج الحايط السطح ونزلو