رحلة صبر

البارت 23

رحت بـ غرفة وحدنة گالت سمعي اريد احچي وياچ بموضوع

-تفضلي ام حيدر اسمعچ

-سمعي ريحانة حبيبيتي اني اهنا لااريد اتعلم ضرب ابر ولاشي اكيد انتِ متعرفيني اني اهنا ويا الحسبة وقبل شوي اجوي اشتكو منچ ومن بنية صديقتچ الب لابسة حذاء احمر وتفتر بالمستشفى والصبح جاية انت وهي وحدچن بدون محرم اني اعرف اهلچ مايصير هيچ وفهمي البنية وياچ اقسم بالله اشحطها اذا ضلت هيچ

-تنهدت كتلها تمام انه احچي وياه لا تخافين وبعدين على السيارة كانت عاطلة واضطريت اجي انه وياه مو وحدة

-مايصير تطلعن بدون محرم هل المرة عدت بس مرة ثانية تتحاسبن

-ان شاء الله ،،،، عافتني وطلعت عوجت حلگي دخلت وحدة وياي على الغرفة انه صافنة حطت ادوات الجراحة مثل هاي الي تغسل بس تكون درجة حارة عالية علمود تتعقم سألتني شبيچ ماحچيت عفتها وطلعت

رحت على رويدة كانت ماتخاف تگول اني مااخاف ابد شعلية بيهم كل عمري ٢٠ سنة واذا لبست حذاء احمر شكو بيها،،، كتلها انه گتلج انتِ بكيفج بعد

بيومها هو هذا ضل بالمستشفى كل مااطلع اشوفة كانت نضراتها بـ تجاه غرفة البنات واضح جاي يراقب

كان لابس فروة لونها جوزي لاف وجهه بالغترة سودة من البرد بس مبين عيونو وخشمة

لـ ساعة ١١ اجا مريض مرتفع الضغط احتاجو ممرضات بس كان بالممر ماكو غرف بس سديات وبردات طلعنا انه وكم بنت للممر كان واقف هو واحد ثاني ويراقبون البنات انه سبحان الله مدري شلون لبست كفوف بيض بس ماسمعت الا يصيح غطي عيونچ مارديت عليه لان مااشوف الا ارفع عن عيوني صار يرزل بالبنات هو وياه نازلو عيونكم كفوف شاب الي وياه احنا بنات وممرضين بس بعيدين مو كلش صار يصيح

ابعدو شنو هل التقرب مايصير حرام دوخنة اخر شي مافاد عافنة وگف برا المستشفى

وحدة يمي تگول لا شرفاء شرفاء شرف ينقط منهم تنقط انه بس اضحك گتلة استري على نفسچ ام حيدر وياهن حاطيها يرقبون بينا اسكتي يرحون يشيلوچ هي هم سكتت صارت سالفة من وحدة لـ وحدة توصل انو ام حيدر وياهم يخافن لا يحچن شي جدامها

خلص الدوام رجعت بالسيارة كانت مصلحة كنا بيها تقريباً عشر بنات ومخلين ولد مضمد ويانة ويا سايق علمود مانضل وحدنة

رجعت فتت شفت وردة تلعب بالحوش گال هلا ريحانة شنو جايبتلي گتله هلا وردة كلشي ماعندي والله ماعبالي تجين وينها ماما فوتي يولي باردة شطلعج برا

فتت شفت ريحانة شادة شعرها الي صابغتة اصفر بس صاير نحاسي ولامة جسمها ومخلية راسها عند رجليها تفكر مدري بشنو ولازكة بالصوبه

فتت گتلهم سلام عليكم رفعت راسها ردت گتلها ها اشو اليوم لافية عدنة شكوو لازم سمعتي مسوين جمة وجيتي