رحلة صبر

البارت 22

مر اسبوع وماشفنا الا مرت ابوي اجت گالت ترا عدنان بايك فلوس  التنظيم ومنهزم هو وعائلتو محد يعرف وينو

عمة رغد عظت شفتها بـ خوف گالت تورطنة والله هسه يذبحونة وين نهج نصخم بالله مافكر بينا ماگال راح يتورطون اهلي اذا تعرف هذا الطريق غلط شكو مشيت بي تورطنة فكيت روحك واحنا راح نطيح

هسه بس يعرف انور يتخبل بس لا يذبحوه هذول ماعدهم يمة رحميني

گالت ايمان يمعودة بلكي هم هو يطلع ونفتك ترا روحنا لعبت منهم غدي انه والله خايفة على جهالي
راح اخذهم واطلع على بغداد

عزا بعينچ احمد هم يطلع لو لا

لا والله انه خيرتة گتلة لو تطلع لو اطلع واعوفك وانتِ هم خيتي اطلعي اخذي جهالچ صدكي يكيفون محد يحچي وياج

اي والله مو جنا  گاعدين بالرمادي حرام حرم مافد يوم من الجيش لو شرطة حچة ويانة بس ولد عبد الحق الله ينتقم منهم

اي والله والنبي احسن من هذول عوذة منهم بري الاسلام منهم ماشفنة الاذية غير منهم

دسكتي ياعيني يرحون يسمعون غير يذبحوج نوب يسمعوج  تگولين النبي تحلفين بـ غير الله  اقري على روحچ الفاتحة

ضلو يحچون انه اتصنط عند الباب عيوني. تشوفهم اخر شي كامت راحت

رحت على عمة گتلة شصاير گالت مصيبة يا ريحانة
عمج عدنان شارد بس لا نگع بيها احنا

عمة احنا شعلينة وبعدين عمي هم من تصرفاتهم شرد شيريد يسوي مابيهم عليه يجون علينا يرحون يلگوه معلينا احنا

گالت هسه حچي ياريحانة والحچي شگد سهل هاي نار ولي يلعب بيها ينحرك اذا مو گد ليش تورط روحك

بعدها باايام  اجت مرت ابوي گالت انه راح اطلع ترا على بغداد اليوم بليل احمد خايف مايرضى يطلع وياي انه جيت اودعكم اخذ ولدي واطلع عند بيت اخوي بلگي نوصل هناك ويجي احمد ورانة وانه هدى مااگدر اخذها وياي لان راح اگعد عند اهلي واخواني عدهم شباب هي ماشاء الله حلوة انه مااگدر عود من يجي ابوها ويجيبها وياه

هدى تبچي عليها انه ادحچ عليها شلون تبچي دموعها فعلاً دموع وحدة راح تفارك امها للمغرب وطلعت مرت ابوي ودعناها وداها ابوي على بيت المهرب  وطلعت

ابوي اجا گعد هو وهدى عدنا عاف البيت بس مرات يروح على بيت ويرجع بس وگت الوجبة.

كنا گاعدين بعد الغدة نشرب جاي  عمي انور صارلها اسبوعين ماكو ابوي نايم بالربعة وهدى عند راسة جوا بارد  ماشفنا الا عمي فات ويا حرمة وطفل يناديها فوتي گام ابوي طلع دخلت المرة على الربعة
وحدة تصفن بوجهه الثانية وتسأل مني هاي بس نستحي نگول منو انتِ

عمي انور گال فوتي ام انس گالها هاي امي راحت تركض باست ايد جدة وراسها جدة مافتحت حلگها بس هزت راسها