رحلة صبر

29

عندي موضوع ضروري وياج لازم تعرفي

گتلة احچي حبيبي شنو الموضوع خير

ابتسم گال حلوة منج حبيبي قابل اهنا نروح على البيت ونتفاهم

-هههههه زين وشلون البيت مابي غراض ولا مسواك

-لا اني رحت وتسوكت وسبحت وجيت عليج گومي عيني  بـ سرعة لان والله تعبان

-تمام اخبر جدة واحطلك اكل لو متغدي

لا مااريد بس استعجلي....

رحت على جدة خبرتها گامت راحت عندة تسلم عليه انه لميت ملابسي ليالي گالت لا تأخذيها كلها هن يومين وترجعين غير تبهذلج

انه هم گلت هيج حطيت كم تراك ولبست ملابسي وطلعت شفت جدة تحچي وياه وتسولف

گال نمشي جدة گالت يولي صبي الغدة عيب من زلمتج روحي

گال لا والله متغدي بالطريق نريد نصل بسرعة تعبان
يلا طلعي

طلعت جدة طلعت سلمت عليه الله يحفظلك ولدك ياابني ويحفظلك شبابك تصلون بـ خير وسلامة

صعدنة گال خرب جدتج شگد تحچي دخت والله گمت اثاوب تگلي لا تنام خلي اكملك السالفة واني السالفة مافهمت منها ابد 

-هههههههه خطية تحبك حيل

-ابتسم گال فقيرة على نياتها تحبها العافية اني احبها هي وبنت ابنها

-هههههههههه خوش عجل

وصلنا على الشقة فتح الباب گال دخلي شغل الاضوية

گال البيت بارد اني شغلت السبت وطلعت بس يمكن طافية الكهرباء بس باردة الشقة مو بالله

هزيت راسي ابتسم گال مشتاقلج بس تدرين اجيت اذبحج اني لو لا

ذبيت الكفوف والبوشي على جهه گتلة ليش شنو سويت ها متگول  النت هو فصل مو انه بعدها طلعت من القاعة

صغر عيونة گال صدكتج مو موضوعنا هذا تعالي گعدي يمي

-اي والله مو هذا موضوعنا شصار راح تأخذني على اهلك لو لا

-اتنهدت گال اخذج والله اخذج ليش مااخذج بس مو هل المرة مرة ثانية

-ليش بس اريد اعرف شنو السبب يعني مستحي مني لو شكو

-من شنو استحي مثلاً بس دا اكلج ماتحملين الحچي تردين گومي هسه نمشي بس اقسم بالله اتركج اهناك
واخليج ناس تذبح بـ ناس ها شكلتي

-اي اروح ميخالف معليك بيا شنو قابل انه جاهل والله لي يكمشني أكلة بـ سنوني لا تخاف ابد

-ههههههه على كيفك محمد علي كلاي هسه تركيني من سوالفج مو دا اكلج مشتاقلج

اي صح مشتاقلي حيل گال يعني اجذب عليج مو اگوم انام احسن من الحچي الي يغث بعدين اني اعرف ليش تردين ترحين لـ حاجة في نفس يعقوب حجاها وگام ابتسم وراح على الغرفة