الحمد لله اذا انتو شفتوها لاامي وتعلقتو بيها فـ انه ما شفتها ولااريد اشوفها
بتول تسكت بيا بس انه ماخليت و الي يقهرني يگولون نحبها ونريدها تخبلت عفتهم. طلعت
رحت على الغرفة ابچي شوي وطلعت رنده هي وبنتها
جتي بتول حچت يولي فشلتيني هو هيچ ربيتچ
انه نهديت بيها طبعاً انتِ مرتاحة بس انه اذا انتِ شفتيها وبدلت الج وطعمتج انه نحرمت من كلشي
ارضع منها وتركتني شنو ذنبي انه اذا بنية شنو ذنبي
بس فهيني كلمة يمة حرمتني اگولها اشوف البنات ينادون وانه اتحسر من غير ذلة هذا ذالني بيها
امچ نهبت وعافتكم عوفيني بتول يرحم اهلچ تريدون هسه دورون عليها اذا هي تخل عنة على شنو اسأل عنها مااسامحها ابد على شي الي عيشتني ياه
شافتني هيچ غيرت الموضوع گالت والله انتِ يرادلج
چتلة زينة من چتلاتي اعيد چتلات اول تضحك
تذكرين من چنتي ماترضين اسبحچ واحط واذبحچ
فـ هسه راح اعيدها مسحت دموع صرت اضحك بعز دموعي
يولي والله مافتهمنة هسه تبچين لو تضحكين اول مرة اشوف وحدة نبچي وتضحك بنفس الوقت
صرت اضحك امسح بدموعي گالت
ماانتِ بحال احمد هسه بس يچي غير اكاونو على شكوو شايف روحو
خلي يضل يحچي يطبه وجع
اسكتي يااختي الله كتب علينا الذلة والتعب والقهر مكتوبة مايفيد الحمدلله بس نحمد الله
مرت اشهر ايمان جابت ولد سماه يوسف وضعي انه واحمد نفس ماهو لا هو يچي عندي ولاانه اتقرب منه واحچي وياه
چنت اطلع على بستان عمي مرات اشوفة يراقبني يتمنى اسوي زلة علمود يكمشها علي رغم مرت السنين بس مانسى سالفة الولد كل ماحچيت
گال روحي على بستان لاتهنيت وياه بااكلة ولابلبسة
تحملت وياه في سبيل مايحچون علي مثل امها مطلگة
انور زوج مرتة رغد كانت الي اخت حبلت وچابت ولد
سمته مروان
يوسف رغم ابن ضرتي بس چنت احبة لان هو ماالو ذنب
مرات حتى هي ماالومها اگول هي راحت عليه لا هو زوجها هي ماعليها
خالد اخوي صار شاب ١٨ سنة عمرة اخواني ١١
خالد زلمة ينشد بي الظهر رغم اخو بس من ابوي
بس يحنبي ويحترمني وحنين مرات اگول تعبي بيهم ماراح
مايرضي على تصرفات احمد ومعاملتة الي بس مايحچي بس ينقهر مايحبة ولايطيقة حچي قليل يحچي وياه لخاطري
أنت تقرأ
رحلة صبر
Misterio / Suspensoقصة عراقية حقيقية لـ فتاة تعاني من اهل داعش لـ تفكر بالهرب من ماضي فيلحقها الى المستقبل لتدفع ثمن هي واخواتها شمسنا كئيبة روحنا سجينة الحياة آمالنا منكسرة الجناح عقولنا أسيرة العادات نشاء نحن وتشاء الحياة بحسب رغبتها هي دون أدنى اكتراث لرغابتنا...
