گاعدين بالحوش المغرب ننتظر المولد دنيا تقريباً ظلمة مانسمع بس دكت الباب گام فتح الباب ابن عمي ويشوف
فتح الباب صاح ابوي دنيا ظلمة بعدة ما جاية الكهرباء على صوته طلعنا
اشوف عمي انور وعمي عدنان يسلمون على ابراهيم ابن عمي عدنان
جدة خلود خطية تريد تگوم ماتگدر
بلشت هلاهل عماتي ونسوان عمي يهلهل مكيفات
على صوت التمو الجيران علينا يباركون بطلعتهم
ابوي سامع اجة هو ومرتة طشت چكليت فوك راسهم
شغلو المولد الصغير ودخلو على ربعة صار كلهم زلم
ناس تجي تسلم شوي وتروح احنا ملتهيات بالجاي والمي
لـ ١٠ بليل يلا راحو ضل بس الاقارب گاعدة وعمي انور گال يولو وين ريحانة
انه ابتسمت گالتة عمة رغد هياني صار يضحك
گمت انطيتة ايد حضني وباسني عفتچ هل گدودچ صايرة مرة
سلمت على عمي عدنان گعدو لـ ٢ الصبح يسولفون
يذكرون ايام قبل
ابوي گام راح احنا فرشنة ونمنا
ثاني يوم من الصبح گعدنة نظفنة بيت راحو جابو ببسي وكيك خاف الناس تچي وماعدنة
خلصنة ريوك ماشفنة الا ليالي فاتت سلمت على عمامي هي وخالة رندة
لـ شوي اجة رجل خالة رندة خطية جايب بعربانة
حاط كيس تمن وصندوك دجاج هذا البرازيلي بوگتها ساديا اسمو يمكن
وطبقتين بيض وصندوك ببسي نزلها ابو العربانة وراح
سلم على عمامي وطلع خطية رغم حالتة مو شي بس ماقصر
البيت انترس خالة بتول اجت هي جنتها وليالي هوسة
جدة دنيا تضوج من الصوت الجهال كامشة عصاية عليهم كل واحد يتحرك تهفة بيها
اخر شي ضاجت منهم گالت عوذة ان شاء الله ماتنجمعون الا بـ فرح ذبحتونة كل وحدة مخلفة
عشيرة شعدچن
احنا نضحك على سوالفها
للمغرب يلا راحو جدة دنيا حطت راسها ونامت من التعب احنا اخذنة فراشنة وصعدنة مدينها بالسطح بعد مارشيناه فرشنة ونزلنا سوينة عشة تعشينة وصعدنة عمامي نامو احنا ضلينة نلعب نوب صقلة نوب جلاد حرامي
وصياح وضحك الى ان عمي انور صاح بينا كل واحد راح على فراشو ونمنا
ثاني يوم عمي انور طلع كانو ناطي يمكن اربع ورقات مدري اكثر مدري اقل امريكان وراح صرفها واتسوك للبيت
بعدها عمي عدنان اشترة كية وصار يبيع ثلج وعمي انور اشتغل بمحل تصليح كهربائيات هل اليطلعو عايشين بي
أنت تقرأ
رحلة صبر
Mystery / Thrillerقصة عراقية حقيقية لـ فتاة تعاني من اهل داعش لـ تفكر بالهرب من ماضي فيلحقها الى المستقبل لتدفع ثمن هي واخواتها شمسنا كئيبة روحنا سجينة الحياة آمالنا منكسرة الجناح عقولنا أسيرة العادات نشاء نحن وتشاء الحياة بحسب رغبتها هي دون أدنى اكتراث لرغابتنا...
