رحلة صبر

30

كنت مصدومة من كلامة على عمي اگول مستحيل عمي يطلع هيج وكفت على حيلي گتلة انه طلعة مااطلع اخذ نسوانك واطلع ومن باچر ترجعني على اهلي

دحچت علي صفن بوجهي گال براحتج هاهية سدي الموضوع  تركني وطلع

شلت البقلاوة حطيها على جهه نمت على المخدة واذكر شلون يحچي على عمي صعبة انسان عشتي وياه تكتشفين عندو قاتل بركبتة دم ناس أبرياء
ساعة اگول مستحيل عمي مايطلع منه هيج شي
تعبت من التفكير ليل مانمتة ابد انه افكر بكل كلمة گالها

جنت مخنوگة محتاجة اطلع على الحديقة بس خفت كهرباء طافية وطيران يفتر خفت اطلع ضليت اتگلب بالفراش بس مانمت باليلتها ابد اريد انام مااگدر ابد

البنات كانو قافلين الباب اذن الفجر اسمع الاذان صافنة هسه نزلت رجلي من السرير اسمع دكت الباب

صوت ابو رداد هو ينادي گومن على الصلاة يلا ينادي بااسمائنا

ظلمة ماكو اي ضوة بس ضوة الموبايل من جوا الباب واضح گمت فتحت الباب انه شايلة موبايل

رحت على المغسلة توضيت سديت المي طلع هو من الحمام  شافني ابتسم گال صباح الخير

هزيت راسي گتلة صباح الخير  عفتة ورحت على الغرفة صليت هو اجا گعدت خواتة تنهد گعد على الچرباية مالتي انه كنت اشوفة شيريد يسوي

گال نهجم دارجن ولجن نار شلون نايمات اهنا
تمدد حط راسة على المخدة گال تشوف اگدر انام بالله

البنات يبتسمن عرفو سالفة جذب شوي وگال راح انام لا تسولفن مابيا اصعد

گمت انه طلعت على الحديقة حسيت روحي طالعة هين گعدت احفر بالتراب افكر لـ منو احچي صحيح هذا الحچي لو لا اگول ليالي هي ماتحب زلمتي عمة وجدة مايرضون عليه حترت حيل

شوي وسمع صوت وراي التفت شفت ام ارشد شايلة البطل تريد تخبز ابتسمت ابتسم الها صبحت علي وتوجهت على التنور

گتلها بس بعد وگت گالت يمعودة كلش يبزع التنور عساس يجيبون بيلر من سوريا اشو بعد ماجابو يگولون زين نخبز عليه احسن والله بهذلة هيج

گتلها راح اگطع العجين العجين انه اخبز وياج

گالت تسلمين رحت گطعت العجين اخذتة گعدت تسألني گالت انتو كم اخت

احنا ثلاثة بنات ولدين گتلها انه معرف شنو اسمج لان اسمع الكل يناديج ام ارشد گالت اسمي خولة ضلت تسألني انه اجواب جاي نكمل طلع ارشد گال ها انتو اهنا والله جوعان انطوني خبزة

انطيته هو بااصبعة لمس اصبعي دحچت عليه هو ابتسم

گالت خولة گومي سوي جاي اني هسه اخلص هل كم گرصة هسه يگعد عمي

رحت على المطبخ ادور على الچداحة اجا ارشد  گال وخري اني اشغل البريمز لا تشغلي انتِ ترحين تنحركين بعدين منين نجيب ريحانة ويضحك وبعدين مو بالمطبخ تشغلي برا بالطرمة