رحلة صبر

32

شوي واجا وجهه ارشد مايتفسر گال ريحانة السجن نقصف

-يا سجن هذا الي عند بيتنا القديم قصدك لو غيرة

-اتنهدت گال الي مسجون بي عادل  كل السجناء ميتين

-شنو يعني عادل مات الله عليك تحچي صحيح لو تشاقة

هز راسة گال گولي يالله  امر الله هذا كلنا راح نموت

انه فقدت صرت  ابچي اضرب بايدي على راسي بس اريد اعرف شنو سوينا والله حتى الزنت والباكت وقتلت الله تاب عليها الا انه وخواتي من ٢٠٠٣ احنا نتحمل لليوم هذا بس اريد اعرف شوكت نرتاح ردت اطلع اخلص من كل هل العالم اشو ماتت اختي وزلمتها لسه ماطلعت لو اصل شنو يصير

-هو كامش ايدي يگلي بس اهدي ريحانة هسه تختنگين دنيا مو دار راحة وأن عظم البلاء مع عظم الجزاء استهدي بالرحمن

-ارشد انه ارجع مااريد اطلع الله يوفقك اطلع انت ونسوانك انه ارجع اخذ الجهال وارجع عساه مااموت بالطريق  بس اليطلعون الجهال بالقصف وارتاح

-نرجع اذا ماعبرنا خلص اني هم تعبت راح يصير شهر بالطريق طلعت روحي اموت بالقصف هاهية

بس اعرف انه تربيت بدون ام واب نوب هنة والله لو انتحر احسن الي من هل العيشة

-ريحانة ابوية انتِ صيري قوية لـ خاطر الجهال هذولة امانة برگتج شوفيهم هسه شيصير بيهم كوني انتِ الهم ام واب عمري انتِ والله بااذن الله مااخليهم يحتاجون شي بس صبري قوية ساعديني الله يساعدج

-شگول لـ جهال من يسألون عن اهلهم بس اريد اعرف هاي ابد مابطلو منين اجيب الهم ام واب

-حبيبتي جاهل ينسى نضل نصبر بيهم الى ان يكبرون يلتهون بـ طلعة بـ اكلة  نگول الهم يوم يجون وباجر السنين تمر الى ان هم يفهمون والله يصبرهم مثل ماصبر غيرهم

حسيت ماعاد اگدر اتنفس عيوني تتلفت على الجهال بوكتها يمكن حسيت روحي جاي تطلع كل تفكيري نوب اذا متت منو يضل للجهال

شافني ارشد اجا عندي يركض گال لـ بنتة جيبي مي بـ سرعة  طش على وجهي شوي گال اشربي مارضيت گال ارتاحي هسه تصيرين زينة گال نامي شوي اني اضل عند الجهال البيت كان شبه فارغ بس كم بطانية غاطي وطلع

ماحسيت نفسي الى ليالي تمسح على راسي التفت عليها  تبچي دموعها كانت دم گالتي ريحانة يكفي اذيني

فزيت من نومي التفت والله كانت هين عند راسي تعوذت من الشيطان گمت فتحت الباب ماكو احد بالبيت

دحچت بيت بالجبل بس تنشاف بيوت الناس دنيا عصر جوا البيت اكو حجار كبار لونة كان غريب ابيض

المفروض ياعمري ليالي ويانة هسه تكيف كانت مامصدكة تطلع  يالله شنو وضع خالة هسه الله يصبرها