رحلة صبر

35الاخير

گال الشيخ الحمد لله ماضل شي بس تلتزم بالاذكار والصلاة واتركو البيت

ارشد گال ريحانة بنتي تحسين بـ شي قبل لا اسد موبايل

الشيخ گال لا مابيها شي بس ديرو بالكم من هذا الشيخ ترا جذب ماكو هذا هو يعالج مس بمس ثاني
يعني بستعين بـ جن اقوى يسكن بجسمج  ديرو بالكم من الوسخ مايبات بلبيت اكرم الله حفاظات الجهال ماتنحط ويا الكل لان الجن يأكلون من النفايات اذا هما تأذو راح يأذوكم اذكار الصلاة النوم على وضوء كلها تحصين من اذى الجن  احمدو الله ماتخبلت لو صار بيها صرع يمكن دعوة ام هي مسوية شي بحياتها اذا على الوزن والشعر كلها تتعوض

ديرو بالكم من البخور المحروگ الي ينترك بالمبخرة هذا مقعد للشيطان ان شاء الله ماعدها الا العافية

طلع ارشد يحچي وياه ويتشكر منه ذاك مارضى يأخذ اجرة لان احنا بدولة هو بدولة ثانية

رجع ارشد گال ها شلونج شلون صرتي اني راح انتقل على غير بيت اخذكم واطلع شنو يروح واحد يلا

فعلاً ايام تمر ارشد يدور على شقق لان مايگدر يتركنا كل وحدة بـ مكان بعدها بـ مدة شاف ثلاث شقق بس كانت ثامن طابق كلها بنفس الطابق

نجهز علمود نطلع غراضي حظرتهم الجو كان حلو

گلت اطلع على الحديقة نزلت على الطابق الي بي شقة زينب اسمع صريخها

فضولي ردت اسمع شكو  هو يگلها سكتي عاد معليج

هي تگول بس روح شوف من وين اخذت اسأل على امها وجدتها ناهبات اسأل عمك مو يعرفهم  اني مرتاحة اهنا ماانتقل سوت هل الفلم هذا

انه سمعتها تحچي على امي لو تخبلت دكيت الباب فتحتة اميرة

دخلت على الصالة گتلة والله بس جيبين سيرة امي على لسانج الا اگصبج والله

زينب :امشي ياوسخة يادايحة ام الرجولة يلا برا بيتي منو سمحج اصلاً تدخلين

-اي مو ميتة على بيتج الوسخ مثلج ياوسخة

-والله محد وسخ غيرك روحي اسألي عن امج تعالي احجي على النظافة

هي حچت هيج انه هجمت عليها كمشتها من شعرها واضرب بيها براسها جنت لابسة قميص جديد اول لبسة تكمشني منه وتشكة عضتني من زندي

ارشد بعدني عنها صار بنص هي تسب بيا انه اريد اكمشها ماحسيت الا نضرب ارشد باايدي على حلگة

سحبني وطلعني برا گال وين الله تجي البوليس يأخذوكم واخلص منكم  صعدي فوك

هي مستمرة بالغلط علي اني اريد انزل عليها گام يصيح طلعت مااعرف شنو صار جوا

نزعت القميص ذبيتة الجهال صارو يبجون لان مااخذتهم

شوي واندك الباب دخل ارشد كنت بـ صالة هو گعد على القنفات گال هسه ارتاحيتي بالله انتِ ماتستحين