رحلة صبر

27

گلت لا سحبني من ايدي گعدني على الفرشة نزعت حجاب الصلاة باس راسي نزل باس  خدي باس رگبتي گال احبچ..........

گام باس راسي گال مبروك االه يقدرني اصونچ واسعدچ ابتسم اكو شي يجعج نامي ارتاحي اني راح  اروح اجيب اكل وشغلات واجي مااطول لا تفتحين الباب لااحد

راح فاتح سبح وطلع انه گمت فتت سبحت وطلعت
البيت شقة كانت حلوة وصغيرة بس ظلمة مايدخل عليها ضوة اختنگت منها يمكن لان مامتعودة على شقة

كانت طابق ارضي تمشيت بيها ادور على المطبخ كان اظلم فرد مرة رحت كان تارك موبايل شغلت الضوة بس ماكو شي اسوي المطبخ ماكان اكو كاونتر مجرد رفوف اكو بطالة مي فارغة جثيرة كمت غسلتها وخليت منها بالثلاجة

رحت مشطت اندك الباب رحت سمعت يستغفر فتحت الباب گال السلام عليكم

رديت السلام شافني ابتسم گال ها شلونج مااتأخرت مو بس عبالي اجيب كباب يطول جبت فروج مشوي على گولت السوريين

-ابتسمت گتلو انطاك العافية بس البيت اظلم شوكت تجي الكهرباء

-ليش ماشغلتي النشرات اكو نشرات على البطاريات تشتغل موجودة وحدة بالمطبح وحدة بالصالة معرف شوكت تجي الكهرباء بس يمكن على سبعة هسه نص ساعة تجي ترا حتى كهرباء وطني اكو السبلت يشتغل هم

-مااعرف بس اذا اكو كهرباء خوش انطينث الغراض اخذها على المطبخ

گال بس حطي الببسي بالثلاجة علمود يبرد

اخذت الغراض حطيت ببسي بالثلاجة وكان جايب فواكهه وحب وعلبة نساتل

حطيت الدجاجة والمقبلات ماكو صنية ماشفتا الا حط راسة على ركبتي گال يلا ترا متت جوع

-ماكو صنية جاي ادور عليها بعد راسه صار يدور وياي مالقينا

گال وصلة مشمع اي شي حطي عليه ميخالف عيوني انتِ

حطيت مشمع بالصالة گعدنة نأكل هو كامش ايدي يگول طيب ترا الدجاج عبالي اجيب شورما هم طيبة بـ سوريا وفلافل مأ كلتها

گتلو يعني اطيب من الفلافل العراقية؟

-شنو الفلافل العراقية ولج فلافل العراقية حاطيلج كيلو زلاطة على فلافل اثنين اهنا العادية تعادل ثلاث لفات عراقية هاي العادية نوب الدوبل گرصتين خبز
متروسة فلافل تخبل

-ههههه دوبل شنو يعني دوبل

-مضاعفة ضعفها مرتين العادية بس ماتشبعين منها ابد ورخيصة غير ٢٠٠ ليرة ماتطلع الف دينار

-اي صح سوريا رخيصة وحلوة ههههه اشو بس تحچي على الاكل

-ههههه غير شفتچ مربربة گلت اكيد تحبين الاكل دا احچيلج لعد على شنو تردين اسولف الج