رحلة صبر

البارت 19

عمر احچي شتريد بسرعة گال اريد نتعرف

ماحسيت الا احد فتح الباب بس كان مقفول

سمعت جدة تگول يلا منو هين ريحانة يمة انتِ جوة

-اي جدة انه اجيت معرف شلون سديت الموبايل شلعت البطارية منة وضميتة بين ملابسي رحت فتحت الباب

-سنة صارلچ جوا شنو جاي تسوين ليش قافلة الباب

-جدة جنت ابدل ملابسي خاف احد يفوت علي قفلت الباب

-لا تخافين ماكو احد بالبيت بس نساوين گومي فرشي اريد انام

رحت فرشت حطت راسها ونامت انه من رجفتي وخوفي ماسترت اگوم من فراشي خاف تشك بيا بـ الزايد

ضليت اتگلب بـ الفراش الى ان نمت گعدت على صوت جدة جاي تگوم على صلاة الفجر

گمت توضيت وصليت گعدت شلون اترك الموبايل خاف احد يشوفة وين اضمة والله اذا شافوه غير انذبح

ضليت حايرة اخر شي فكيت المخدة بنص الصوف  ضميتة  لميت الفراش خليتها اخر علمود محد يگدر يسحبها  بدلت وطلعت....

شفت عمر بالفرع مكتف ايده مشيت شافني تقدم

گال ريحانة بيچ شي بالي عندچ ليش سديتي موبايل
احد شافج

-اي لان جدة اجت  بس جنت قافلة الباب

خوش الحمدلله والله ليل مانمتة وانه خايف عليچ هسه طمنت يابة ديري بالچ انه مفعل خدمة بسيم كرت بس تفكين الخط تصلني رسالة انه ادك عليچ تمام

اي ماشي،،،،

وصلت على المدرسة حچيت لـ مرام گالت يعني يتعرف عليچ وبعدين يحبچ ويخطبچ

يولي بس خايفة والله اذا درو اهلي غير يموتوني وانه البارحة انصح هذيچ البنية اليوم انه اخابر

-ترا انتِ فسگانة هسه هل تشوفيهن عدهن حبيب ترا شغلة عادية يچي يخطبچ  ونخلص منچ هو ابن خالتچ مو غريب

خلصنا دروسنا ورجعنا على البيت ركضت على الغرفة شفت الفراش مصفط محد جاي يمو

طلعنا نظفنا البيت وسوينا عشة اجة عمي گال باجر يچون العمال يخلصون شغل البرا بلكي بـ شهر يخلص البناء شيلو الحبل من الحديقة لاتشرون بعد شي خاف عدجن شي هم لا تخلن شي  برا

بليل فرشنا بالغرفة جدة نامت انه گعدت اقرة اجت فردوس تقرة عندي وشوي وطلعت انه طلعت الموبايل من مخدة شغلتو شوي اتصل عمر

دحچت على جدة نايمة تشوخر فتحت الخط

گال الوو ريحانة شلونچ

-الوو هلا عمر تمام انت

يابة شبيچ رفعي صوتچ كلشي مااسمع

زينة اگلك انت شلونك

يولي ها منو نايم عند عبالك تنكتر