بقلمي #مروى
البارت الاول 🥂
الحلقة 1:🌹بقلم مروى🌹
في دنيا...هذي على قد ماتمدلك....على قد ماتاخذ منك..
أما تكون... تقسى عليك... بالشكل هذا... وقت حتى من عايلتك... تتخلى عليك... وتنعتك بأبشع الصفات... وقت تسمعك انك كي ولدتي... تجلبي العار لهذي العايلة... وقتها يمكن موت... اهون من هذي العيشة
في منطقة في ريف... معروفة بالكره للبنات... هذي عداتهم وتقاليدهم... الى تولد بنت تشوف يوم اسود... من راجلها
وعلاش لا هوما... تربو على انو... البنت تخلف العار لأهلها... كان ما زال في ذلك... الوقت الإعتقاد... بأن الزوجة هي المسئولة... عن الإنجاب... و عن نوع الجنين... وهذا مع وقت كبر وصلو... وين اسقاط الجنين... او قتلها عند الولادة... وهذا جاء مصدقا لقوله تعالى "و اذا بشرى أحدهم بالانثى ظل وجهه مسودا وهو كظيم " صدق الله العظيم
في قصر يغلب... عليه طابع تقليدي... ساحة كبيرة محاوطة... المكان في وسط كاينة... نافورة مقابلة باب عليه... راس اسد رمز خاص بالعايلة... عاداتها وتقاليدها... خط احمر الى يتجاوزو... معناها تجاوز هذي عائلة... وراح تكون نتيجة... وخيمة...
زرابي كانت مغطية الأرضية... القصر كاملة مزيج... من الثرات قديم... والتقاليد على جنب كاين رف... صغير فيه كتب قديمة... ثتحدث عن سيطرة... الرجل سمح روحو... انو الف كتب تحكي على مسيرتو... وسلطتو لحتى احفادو يمشو على... نفس الخطوات في وسط صالون كانت ارائك مصممة... خصيصا للعائلة وكرسي خاص بيه... هو من افخر انواع... الخشب بيلسان مرسوم عليه راس اسد دلالة على السلطة والهيبة.آل همام الڨاسمي رجل سبعيني راسو مغطيه شيب لاكن مزال حاكم روحو لهنا ودراهم تلعب دور في حياة الإنسان معروف بالسلطة والسيطرة وهو كبير عشيرتهم والناس كل تهابو وتخافو كلمة كلمتو واحد ماينجم انو يكسرها وعلاه لا وهوا عندو زوج ولاد يرفعو الرأس وجهو خالي من المشاعر الى يوقف قدامو اذا ماداش كرتوشة في وسط راسو يكون سلكها وامو داعيتلو كان يمد تعليماتو ليوم زواج ولدو واخيرا جاء ليوم إلى راح يفرح ويصير عندو احفاد يحب يعمل عرس ماصراش في عرش عرس بالسبع ايام وسبع ليالي وهو عن قريب راح يحمل حفيد لأول مرة في يده
كانو كل واقف منزلين رأسهم للرض ويدونو في اي كلمة يقولها اذا نساو حاجة راح تكون نهايتهم موت لا محالة
نطق بالصوت كل هيبة تقدرو تروحو تجهزو من درك نسحق كلش واجد منا لغدوة
في هذاك الوقت كانت مرتو متوجهة لحتى تختار العروس بنفسها وتعاينها على ذوقها لازم تجيب عروس إلى تنجم تجيب حفيد لحتى يكمل مسيرت جده وبوه ...يتبع
أنت تقرأ
حب مقيَّد بالشرف _جنة آرام_
Mystery / Thrillerتمهلي سيدتي.... فانا رجل شرقي بربري ..... تحكمه غرائزه حيوانية ..... لاافقه لغة الحب .... بل اجيد لغة الجسد ..... تمهل سيدي فانا امرأة خلقت من طين .... كرمني الاسلام .... وأوصى بي الرسول ..... وسورة انزلت من القرآن..... تمهلي سيدتي ..... فان...
