حب مقيَّد بالشرف _جنة آرام_

البارت 36

الحلقة 37
فاتت ليلة طويلة بزاف ....اصبحنا واصبح الملك لله ....جا نهار جديد كانت من مطلع تاعو غيوم الشمس ابت انها طل وتشرق تضامن مع الى صرا البارح في قصر كانت أمور تقريب رجعت لمجريها وين كان آرام هذاك وين فاق لقى روحو في غرفة جنة قام استوى روحو ونطق اخر عمرك بايت تعمل في كمدات اخ وتبسم طبع بوسة على جبينها وتقدم خرج من غرفة هذا كل تحت انظار دارين الى صارت تغلي من وقت جات ماعبرهاش صارت تقارن روحها  معاها علاه هيا ماهتمش بيها هك فالوقت انو هيا تتمنى ولو ربع من هذا الاهتمام  اذا طلب روحها تقدمهالو مسحت دمعة حسرة من عينها وتقدمت ليه
دارين صباح الخير
آرام خير مبكرة مش عوايدك
دارين ماتعرفش تصبح كي ناس اوو نسيت الاغا مايتنزلش ويصبح علينا مش هك
آرام زفر كان كره من هدرة معاه مش وقتك خلاه تعرفي وتقدم رايح ومخليها وراه تغلي ولا هامو فيها
بقات تخزر معاه ماتنكرش انها من نهارحلت عينها كان تحبو تموت على تراب الى يمشي عليه أما هو كيف عادتو ديما شايف روحو ضحكت وسط خيبتها الى ماتكون ليا طيشت شعرها وراء وتقدمت بخطوات كلها ثيقة ومتاكدة مالي راح تعملو ..
آرام رفد الفون في يده وطلب ياسر نحب درك تكون لهنا خمس دقائق في يدك
ياسر حاظر الاغا اصلا في طريق جاي
آرام مليح كلش جاهز مش هك
ياسر اه جهزت كلشي
آرام ممم وكوبا عليه خرج من لقصر (دوح براسو وركب في طوموبيل حالف مايلقى مول العملة الى مايعمل من عذابو صنعة ) قلع عجاجة مخلي لغبار من وراه سارح في افكارو كيفاه غفل وماحسبش حساب كون جاء جدهم معاهم كان سحب منو الاغاوية ضرب يده في فولون طومبيل بالوقت وصل ياسر المستودع وكان جامع كامل لي قارد ماتعداش برشا وقت ووصل حتى هوا ....لي قارد كانو مستفين عارفين رواحهم ليوم راح تكون نهايتهم
تقدم ليه ياسر...يحب يعاونو ....وعاذرو وفاهمو ..يحب يزيح عليه حمل الثقيل أما ماعندو حتى قدرة ...نزل من طوموبيل من غير كلمة ...وتمشى بخطوات راكزة وثابتة نضرات حادة وقت واحد يتجرأ ويقرب من عيلتو راح يدوق جحيم اسمو آرام
آرام راح نسألكم سؤال واحد وين كنت وقت صرا حاذث ها قولو راني نخدم في خرفان مش عباد انطقو يارب عالي كيفاه نق*يدخل للقصر وانتم مافقتوش كنت راقدين ...لي قارد كانو مهبطين ريسانهم راح يعملوها تحتهم نطقو مع بعض س..سامحنا الاغا اخر مرة تصير
آرام ضحك بالصوت ومش راح تكون أخر مرة ورفد سلاح من خصرو وضغط على زناد موجه سلاح ليهم  بالوقت ماتسمع كان صوت رصاص كبس على قبضت يده هك ومزال ماشفاش غليلو هذا وقت واحد يخمم يقرب من حاجة تخصني
آرام خلينا نمشو مابقاش وقت .. ركبو في طوموبيل ..متوجهين لمجلس العشيرة الى طلبو آرام وحب انو يجتمعو لحتى يشوفو حل للمصيبة ....
بعد تقريب نصف ساعة
في مجلس العشاير وين كان كاين كل مجتمعين  منهم كبير العشيرة الى متراسهم ورؤساء العشاير الأخرى وكان ادم معاهم
آرام كان هذاك وين وصل قطب حواجبو وقت شافو
آرام شايفك لهنا
ادم عيلتك هيا عيلتي مش هك
آرام ماتلعبش بذيلك نمحيك تعرف
ادم واش لزوم لهذي لهدرة نحب نوقف معاك
آرام خزر معاه من فوق لتحت ضرب في كتافو وزاد لمكانو ...يتبع