الحلقة 58
عند مريم الى كانت هدرة أدم كيف الفيروس تخدم في مخها ...يمكن يكون عندو حق ...وهذاك حقها وحق بنتها ...موحال تسمح فيه ...ولهذا قررت وقت تروح تحكي معاها وتفاتحها في الموضوع ...لحتى تاخد قرار يكون في صالحها ...هيا محابتش تكون حياة بنتها كيف حياتها ...لوكان حازم ماخلاش هذي شريكة مصدر رزقهم ....كانت تحطمت من زمان ...لاكن رغم صغر سنها وذكائها وفطنتها ...خلاها سيدة اعمال متميزة ...وصارت شريكتها تنافس اكبر شريكات ...وكسبت عملاء بزاف ...وحبو خدمتها ....
جنة ماكنتش بعيدة بزاف على تفكيرها ...كانت تتمشى برى قصر ...من وقت جات مخرجتش لهذا قررت .. تعمل جولة ...كانت تتمشى تستكشف في المكان ...الى كان كلو طبيعة خضراء ...وخصوصا انو وقت فضل الربيع حل ...وجاب معاه خيرومعاه ...كانت تتمشى وتتمايل كيف باربي ... لمحت بعض البنات صغار يلعبو ويضحكو ...تقدمت منهم ...وهبطت لمستواهم ونطقت نجم نلعب معاكم وضحكت تقدمت منها بنت صغيرة كانت ملابس تاعها بالية وبعض حموم على وجها ومتناثرة(شهقت طاطا عيب انت كبيرة ماتلعبيش )
جنة ضحكت من عينها ممم صار هك وحكمتها دغدغ فيها
البنت صارت تضحك بالصوت خلاص خلاص غلبت اطاطا يزي برك
جنة مممم ودرك نجم نعلب
البنت أشرت لصحباتها وتلمو على شكل دايرة وصارو يهمسو بين بعض لحتى يقرواذا تلعب معاهم ولا نو (رئيسة عصابة طفلة 😂😂) ...
جنة كانت تشوف معاهم وتضحك ..
البنت اه تنجمي تلعبي وصرفقت باليدها ولات تنقز لهنا ولهيه فرحانة
جنة شافت مرجوحة كانت منصوبة تما تقدمت من البنت ورفدتها حطتها فوقها وصارت تمرجح فيها
جنة عجباتك
البنت ممم عيشك طاطا زيدي شويا
جنة باهي هك
البنت ياس ياس
جنة كانت تخزر معاهم وتفكرت صغرها وقت كانت تطيح تجري لحضن حازم
كان يضحك عليها وقت طيح وتجي تشكيلو ...خانتها دموعها ونزلت وقت شافتها البنت اشرتلها لحتى تنزل عندها
نزلت عندها جنة ...مسحتلها دموعها وطبعت بوسة على خدها ونطقت ماعدتش نحب نشوفك تبكي باهي
مامي قاتلي الى يبكي ربي مايحبوش (وانتم ربي قال إذا تقراو وماتجمجموش يديكم لنار 😂😂)..وانت تابني حبابة ...
جنة ضحكت وسط دموعها مممم باهي ماعدتش نبكي ...
البنت هك وليتي زينة
جنة قوليلي ماماك درك وينها
البنت مامي تخدم علينا كل
جنة كيفاه تخدم عليكم كامل
البنت في الارض في لفلاحة
جنة استغربت وقررت تستفسر اكثر على الموضوع تنجمي تديني عندها
البنت باهي تبعيني
جنة اومتلها براسها وتبعتها البنت كانت تنقز لهنا وليه لحظة حبستها جنة واش اسمك انت
البنت اسمي نور
جنة مم وشكون سماك هك
نور مامي وبابي في زوج
كانو صاي وصلو وين لقات مجموعة من خدامين تقريبا كلها نساء كانو يلقطو في المحصول ويحطو في صناديق الى لتما لحتى يحملوها من بعد يبيعوها ... وقت لمحوها صارو يهمسو مابين بعض ...هذي حفيدة همام واش جابها لا تكون راح تطردنا منا ...نور سيبت يدها وتقدمت من أمها تجري وحكمتها من دفارها وتجبد فيها وتشاور لجنة ...جنة في لحظة هذيك كانت راح تحكي معاهم أما قاطعها صوت الفون الى كان ينوقز ...رفدة
ياسر جنة وينك
جنة صارت تقلب في راسها ماكنتش عارفة المكان الى جات ليه
تقدمت منها ام نور ونطقت في اراضي الاغا همام
ياسر وقت سمعاها زفر ماتتحركيش من تما درك نجي
جنة كوبات عليه ودارت ليهم ماتشوفهم غير كي تلمو بيها بقاو يشوفو مع بعضاهم ومستغربين هذي اول مرة واحد يجيهم من عايلة هذي ودب الخوف في قلوبهم وخوفهم لكبير أنهم يفقدو خدمتهم راح يضيعو بيهم بالصغارهم ....يتبع
أنت تقرأ
حب مقيَّد بالشرف _جنة آرام_
Mystery / Thrillerتمهلي سيدتي.... فانا رجل شرقي بربري ..... تحكمه غرائزه حيوانية ..... لاافقه لغة الحب .... بل اجيد لغة الجسد ..... تمهل سيدي فانا امرأة خلقت من طين .... كرمني الاسلام .... وأوصى بي الرسول ..... وسورة انزلت من القرآن..... تمهلي سيدتي ..... فان...
