الحلقة 62
فاتت ليلة كيف اي ليلة ...ملاحة على ناس ...وحزينة على ناس ...وطلع نهار جديد ...و الامل جديد تزرع في نفوس المرهقة ...وشرقت شمس جديدة ....كان نهار شباب بزاف ...لهذا جنة قررت تروح للجامعة ...لحتى ماتفوتش ...دروس اكثر من هك ...وكيما كان الحال. ...ناضت خدات دوش في ساع ...لبست بالزربة ونزلت في دروج ...كانت الخادمة فايتة من تما وقفتها جنة تسأل
جنة همام الاغا وينو ..قصدي ج..جدي وينو
خدامة في بيرو
جنة اومتلها بالراسها وتخطاتها طول للبيرو ...وصلت دقت الباب ...ودخلت
جنة صباح الخير نجم نحكي معاك
همام رفع راسو ليها اشرلها لحتى تقدم عندو ورفد يديه لحتى تبوسها
جنة كانت مترددة ...من بعد رفدتها وطبعت بوسة ....همام حكملها وجها وخر خصلات من شعرها وطبع بوسة على جبينها ...جنة تفاجاة من لي صرا. ...وفي نفس الوقت عجبتها وفرحت ...سخرت وغمظت عينها ونطقت مرة وحدة ...نحب نرجع للجامعة وجيت نستاذن منك ...لحتى نروح ...
همام ضحك على جاست الى عملاتو ...ونطق ...في نفسو لهذي درجة يخافو منو ...هو صحيح كان ضالم ...أما ضروف ماكنتش معاه ...ولا لصالحو ..وحكى بشرط تروحي وتجي مع لي قارد ...ومانسحقش اعتراض ...ولا دخلو وخروج ...من جامعة للقصر ..من قصر للجامعة
جنة بهتت امتولو براسها ونطقت في سرها حصار هذا ولا شنوا..نسفت اصلا كانت متوقعة انو موحال يسمحلها ترجع للجامعة ....جنة خرجت طول من غير فطور ...كانت حابة تبدى يومها من غير ماتشوف حد ...لحتى يعكر ليوم هذا ...
ركب في طوموبيل ...درياكسيو للجامعة ...
في قصر زمردا ...الأمر ماكنش يختلف برشا ...وقت زمردا استعدت وهمت بالخروج ...للجمعية الى تترأسها (جمعية حقوق المرأة وحمايتها من عادات والتقاليد )يعني كاين جمعية هك المهم هاني عملتها انا 😂😂 جمعية هدفها الأول الاخير انها تهتم بالمرأة واي مرأة تعرضت لضلم راح يواجه زمردا ...الى حلفت انها تغير هذي العادات وخصوصي وقت فقدت ولدها ...خرجت من القصر وأشارت ليشوفور لحتى يفتح لباب طوموبيل ...تقدمت ركب وديراكسيو ..للجمعية بينما كل هم للخروج ... وكان كاين شكون تعطل على العمل بسبب طريق كان كاين الاشغال طريق تكسرت وقاعدين يصلحو فيها ...في هذاك الوقت طوموبيل الجنة كانت جنب طوموبيل زمردا ...وقت لمحتها زمردا ...نزلت كارو تع باب ...وشافت فيها جنة ...زمردا ...شهقت هذي لعيون ...موحال تنساها عيون هذي ...
جنة حولت عينيها ليها وبادلتها بابتسامة بريئة
زمردا كانت تشوف معها وساهية في جحيم الماضي وقت وعدت نفسها انها ترجع حق ولدها ..كانت مستغربة من كمية الشبه الى بيناتهم ....وقت تحرات على همام ...مذكروش انها عندو بنت ...وهذا الى صعب الأمر وماقدرتش تواجه آرام وحدها ....لهذا استبعدت الامر ونفضت راسها ...
جنة كانت مستغربة من نضراتها ليها لوكان جات رصاص راهي ثقبتها بيهم لدرجة انها طلعت لي كارو تع الباب ....
ماتعداش برشا وقت ...وتسرحت الطريق وكل واحد توجه للاشغال تاعو....
جنة حبست قدام الجامعة ...قابلتها سمر من هيك ..وقت شتفتها تقدمت تجري ليها
سمر طبعت زوج بوسات على خدها لوكان تعرفي شحال توحشتك
جنة ضحكت معاها انا وسي ياروحي
سمر ندخلو
جنة اومتلها براسها زربو ليتيدي...دقو ودخلو ..السلام ...الاستاد خزر معاهم من فوق لتحت ...تفضلو ... تماشاو لداخل و قعدو في بلاصتهم ...بداو يهمسو مع بعض ...على ليمات الى تعداو ...من غير بعضاهم...الاستاذ طلع راسو ...شاف معاهم ...ونطق ...مادموازال مولات شعر المجعد والى معاها اطلعو برا...
جنة انا ؟؟
الاستاد أنعم انت والى معاك مايزيش جايين روطار و زيد حالين قصرة لهنا
اطلعو برا كملو حكاياتكم
جنة كانت راح تنطق قرصتها سمر هزو صاكهم وخرجو ....كانت هذي اول مرة تتعرض لموقف هذا ...شافت في سمر لقاتها كاتمة ضحكتها ...
جنة اطلقاها علاه حابستها
سمر في لحظة هذيك تفلقت بالضحك انت عادي علاه مكبرة موضوع ....وزيد حصتو ماسطة ....هيا روحو نشربو حاجة
جنة هذا فاه فالحة غير في ماكلة ودوحت براسها
سمر مكانش خير من ماكلة عزيزتي هيا
جنة اومتلها براسها ونطقت كانت باينة تكمل كيما هك نهار من اولو باين وزفرت على شعرها
تعداو للكافيتيريا ...لحتتي يشربو حاجة ...
سمر تفكرت وقع قالها شعر لمجعد شافت فيها شعر هك خير جاك يهبل
جنة ممم نعرف وضربت شعرها بيدها رجعاتو لور
سمر ضحكت عليها حبت تفاتحها في موضوع ياسر
سمر عضت على شفافها ونطقت ياسر باسني
جنة وقت سمعت خرجت الماكلة كاملة الى في فمها ولات تكح ...عاودي عاودي واش قلتي ..
سمر افففف قتلك ياسر باسني منعرفش ولا انا كنت نتخيل ماعلاباليش قاع كيفاه ...
جنة عينيها توسعو وحطت واش كان في يدها مممم احكيلي كامل واش صرا من الف الى ياء وغمزتها
سمر ماكانتش مين العاكسين دفقتلها كامل واش صرا
جنة كانت حالة فمها وتخزر معاها هذا كامل صرا وماحكيتيش قاع
سمر منعرفش كنت ضايعة منعرف الا صح ولا كنت نتخايل
جنة حكمت خصلة من شعرها وبقات دور فيها مابين صبعها قوليلي كيفاه حسيتي يعني
سمر حست روحها انها ضايعة ومشاعر كامل تخلطت عليها خصوصي بعد تصرف الاخير معاها مازادش حوس عليها عينيها كانو يلمعو تعرفي انا ماجربتش علاقات بالصح مع ياسر حاسة بحاجة جامي حسيتها وقت باسني عجبني حال ياسر وحبيت نزيد
جنة تبسمت عليها ودوحت راسها رامي طايحة على راسك وتقولي حاسة بالحاجة ...
سمر بالنبرة سؤال ..بالصح علاه ماعيطش ولا
جنة ضحكت عليها سير درتيلو درس في الأخلاق ...على هذي سيد هرب بالجلدو
سمر بالعكس أنا نقولك عجبني حال وماحسيتش قاع وانت تقوليلي درس في الأخلاق ...
جنة بقات تخزر معها وحبت تساعدها اممم مالا نروضو سي ياسر هذا .
سمر كيفاه بالصح
جنة خليها عليا نخمم ونقلك ..الا هوا ماعيطش مالا نخلوه يعط وفوتت لسانها على شفافها... يتبع
أنت تقرأ
حب مقيَّد بالشرف _جنة آرام_
Mystère / Thrillerتمهلي سيدتي.... فانا رجل شرقي بربري ..... تحكمه غرائزه حيوانية ..... لاافقه لغة الحب .... بل اجيد لغة الجسد ..... تمهل سيدي فانا امرأة خلقت من طين .... كرمني الاسلام .... وأوصى بي الرسول ..... وسورة انزلت من القرآن..... تمهلي سيدتي ..... فان...
