الحلقة 73
في بلاصة خلاف عند سمر وين كانت قاعدة ...تريفيزي ...عندها شحال وهيا مهملا دراستها ...لاكن بلا فايدة ...عينها في لاب توب أما عقلها مش معاها ...نسفت ...رفدت الفون وقررت تسال على صحبتها ...الى من نهار لجامعة ماسؤلوش على بعض ...كان فون تع جنة يصوني وقت شافتها تبسمت ...شحال توحشتها وتوحشت صوتها
سمر جنة
جنة وقت سمعت صوتها عارفتها انها مش مليحة ياروحي شحال توحشتك
سمر وقت سمعت كلمة ماقدرتش تحبس دموعها ..وصارت تبكي كيف جامي بكات ....جنة شحال عزت بيها حال صحبتهاا ...وحاولت انو تهديها....سمر ياروحي ...اهدي وتنفسي وفرغي واش كاين قاع في قلبك نسمع فيك...
سمر ماكنتش مين معاكسين ...وصارت تشكي كيف صيغر...توحشتك توحشت روحتي معاك للجامعة ...تعرفي انو بلابيك ..كل شيء ...سماط ...
جنة كانت تسمعلها حتى هيا توحشتها ....وخصها حل تخمم فيه ...باقت ساكتة مدة من بعد حكات راح نبعت شكون يجيبك لعندي...ومنها راح نحضرو مع بعض ...سمر وقت سمعتها عينيها لمعو ...بجدك تحكي
جنة ممم ومن وقتاه كدبت عليك ...
سمر باهي نقوم نوجد روحي ...وكوبات عليها ...جنة وقت سمعت طيط .. طيط ضحكت ودوحت براسها ...رفدت الفون وبعتت رسالة تخبرو لحتى ...يروح يجيبها ...ماتعداش برشا وقت كان وصل لدار ....
ياسر جبد الفون وبقى يبعت لسمر في ميساج (اهبطي )
سمر في الوقت هذاك كانت قدام لمرايا تعمل في آخر روتوش ...كانت متأكدة انو راح تتلاقاه ...أما يجي لحتى يوصلها بنفسو الأمر مستبعد ...ولاكن حبت تجرب حضها ...(حست بالفون يصوني فوق تابل دو نوي رفدت شافت شكون وقت شافت ميساج عينيها توسعو وقلبها قفز من صدرها )
سمر واش راك دير لهنا امشي من هنا
ياسر هبط من طوموبيل راح تنزلي ولغ نجيبك من شعرك
سمر كانت حابة تخرج فيه لقديم وجديد ...وترجع كرامتها الى ضاعت ...اكتفات بزوج كلمات ممم مليح
ياسر وقت قرا ميساج ...قرر يكسر روتين ...وتقدم دق الباب ...لحتى يفتحو ...ماتدعداش وقت وفتحت الباب
ام سمر خير ياولدي شكون تحتاج
ياسر غير خير يالحاجة ماتتخلعيش ...
جيت لحتى نوصل انسة سمر ...للقصر آل همام
ام سمر تبسمت معاه ...تفضل أدخل لحتى ناديلها ...
اوملها براسها ...وتقدم دخل شحال تمنى انو هذي دخلة وقت انو تكون حلالو ...ويجي يطلبها على سنة الله ورسوله ...
سمر وقت سمعت الحس لتحت قررت ...تخرج تشوف ...واذا بيها كانت. صدمة ...هذا انت ...يتبع
أنت تقرأ
حب مقيَّد بالشرف _جنة آرام_
Mystery / Thrillerتمهلي سيدتي.... فانا رجل شرقي بربري ..... تحكمه غرائزه حيوانية ..... لاافقه لغة الحب .... بل اجيد لغة الجسد ..... تمهل سيدي فانا امرأة خلقت من طين .... كرمني الاسلام .... وأوصى بي الرسول ..... وسورة انزلت من القرآن..... تمهلي سيدتي ..... فان...
