حب مقيَّد بالشرف _جنة آرام_

بارت 57

الحلقة 63
في بلاصة خلاف جمعية حقوق المرأة وين كانت زمردا قاعدة في المكتب وتشوف في كمية الملفات الى وصلتها من قبل النساء معرضين للعنف ....وتحرش الجنسي ....وحتى كاين الى تعرضت للختان (وهذي ضاهرة موجدة بزاف مش عندنا أما في مصر منتشرة ياسر).... مكانتش كيف اي جمعية هيا حبتها سبيسيال ...لحتى اي وحدة وقت تجيها تحس براحة... وكأنها في دارها ....كانت عبارة عن منزل كامل بالابيض..... وفيه مطبخ ....وين تقدر لمرا تعد  قهوة بنفسها ....وهذا يساعدها في تحسين نفسيتها فعلا.... ويخليها تتحرر من افكارالسلبية ..  كان كاين حتى فضاء خاص بالاطفال ....وين يلعبو.... ومكتب تاني لحتى المرأة تستريح وتشرب قوتها وتحكي مشكلتها على راحتها .....في هذاك الوقت زمردا كانت تتصفح في الملفات ...لفت نظرها ...مرأة تستنجد بيها لحتى تنقد ولدها من عملية الثار...وسمحت روحها انها تدي خلوة بينها وبين نفسها و ترجع للماضي
                   **فلاش باك**
وقت خرجت من كلنيك مالقات حد بجنبها قررت تروح تستظعفو على الاقل يخليها تعيش في دارها ....وتشم ريحة كبدتها ...لاكن محاولتها كل على فاضي ...في هذاك الوقت خرجت ليها زهرة ...كبست على جرحها ...واستعطفتها بالولدها الصغير ...وصت لقارد عليها وصلها للعنوان الى مدتهولو ...وخذات وعد منها ...انها تروح وتنسى الى صرا وتعيش على جال ولدها...يمكن كان انتقامها وحقدها اكبر من. وعدها الى وعدتهولها ...نهاية فلاش باك
قاطعتها سكريتاريا. قت دخلت ...مدام وتقدمت منها لحتى ...تمدلها رسالة 📩📩 ...حكمت عليها....اشرتلها لحتى تخرج ...فتحت هذيك الرسالة ...كانت عبارة على مطلب من مختلف الجمعيات ...لحتى تتراس رئيسة العشيرة ...وتقدم ترشح في الانتخابات الجاية ...بعد ما تاكدو من سمعتها ...وخدمتها الى تشهد عليها ....
زمردا :فرحت جاء ليوم. وين تقدر تكون ند لند ليه وخصوصي بعد دعم هذا...لاكن الخصم نتاعها لايمكن انو يستهان...بيه لهذا حبت ...تتريث وماتتسرعش وتشوف خطة ...تقلب كامل الموازين العشيرة ...وبعدها تضرب باليد من حديد ....مازلنا عند زمردا ...الى كانت تستنى في ضيف ...لمعو عيونها وقت سمعت موطو حبست ...وعمل ضجة كبيرة لبرا...مخداش دقيقتين ووصل للبيرو ...فتح ذراعها ليه ...تقدم يرجي ليها كيف كل مرة ...وكانو مزال صغير
زمردا : تيم ياروحي ...ياكبدتي ...طبعت بوسة على خدو ...وشمت ريحتو ..من ريحت الغوالي ...راجلها ولدها
تيم بادلها الحضن وطبع بوسة على جبينها...مهما كبر ...راح في اخر نهار يجي لحضنها ...من وقت كان صغير مافارقهاش ...وخصوصي وقت شهد على جثة خوه ...الى كانت مرمية قدامو ...وامو تعرضت لضرب ...لوكان تطلب عينيه راح يمدهوملها ...هو الوحيد الى شهد على حالها ...ويمكن كيما يقولو تجري الرياح بما لا تشتهي السفن....
أسدل ليل رداء نتاعو ...وكل روح لبيتو ...لحتى يريح من تعب النهار ..وطبعا ماتحلى اللمة من غير العايلة...وهذا كان حال عايلة همام .انو طلب منهم يتلمو كامل على لعشاء ...كانت زهرة كيف لعادة ...فوق روس الخدم وحبت يكون عشاء سبيسيال ...لحتى يكمل مع واش راح يعلن همام ...تلمو كامل على طاولة من غير همام ...الى كان تما يحضر في الأوراق .... من بعد ماكمل كامل الملف...قرر ينزل ...لحتى يعلن هذا الخبر  ...ويفرح مع عائلة تاعو ...ممكن يكون قاسي من برا ...أما فرحة الى يشاركها مع العيلة وقت تكون ملمومة ماتسوى ...شيء قدام هذا الكل ...تقدم كيف العادة بالكامل هيبة ...هيبة الاغا وما أدراك وحم حم ...تلفتو كامل ليه ...تقدم للكرسي وقعد ...كان على رأس الطاولة ..وبحذاه على يمينو زهرة وعلى يسارو آرام الحفيد الأكبر ...من بعد  دارين إلى موحال تسلم في بلاصتها ...جنة كانت قاعدة بعدة زهرة ...هيا تاني خذات قرار ...وقررت انو تفاتحهم فيه ...من بعد تجي بقية العيلة ...اوملهم براسو لحتى يبداو ياكلو ...في سكات ...ماتسمع كان صوت تقربيع ...تع مغارف ...كسر سكوت وقت حكى
همام كل يعرف انو كل ثلات سنوات كاين تجديد في انتخابات الرئاسة العشيرة ولهذا قررت نترشح مرة أخرى كان يحكي واثق من نفسو كيف كل مرة راح يربح ويكون منصب من نصيبو ...هذي العائلة الى من وقت طويل ماخسرتش في الانتخاب ...لكن مرة هذي يمكن الأمور تغيرت وتغيرت بزاف تاني ....
كل مكانش تحت صدمة وخصوصي انو متعودين على هذا الشيء
زهرة يخليك تاج فوق روسنا ورأس عشيرة كامل وطبعت بوسة على يده
حسان ناض من بلاصتو تقدم لبوه لحتى يهنيه وكانو متاكد وتحسم الأمر ليه
آرام كان مش مختلف عليهم هو الآخر كان متاكد ...
جنة استغربت من فرحة هذي ...وقررت تقاطعهم وترجعهم على الأرض الواقع. .
جنة نفهمو انو خلاص انت الى فزت وربحت الانتخابات قبل ماتصير
همام قطب حواجبو بالنبرة كلها ثقة وتحدي عمري ماخسرت ولا حد تجرأ ورشح نفسو معايا ...واصلا واحد مايتجرأ...
جنة رجعت تاكل ومستغربة من هذي الامور ...الى كانت الاول مرة تعيشها....
ولاكن ماهمهاش ياسر ...الأمر ...وقررت انو تحكي في قرارها الى خداتو ...وخصوصي انو كل ملمومين ...
وحكات دفعة وحدة
جنة :جدي انا موافقة انو ناخد حقي ...
مش هذا برك ...ونسبة الأرباح تع قبل كاملة ...
خديجة وقت سمعت شرقت وحصلت ليها ماكلة (سامحوني )
جنة تلفتت ليها رفدت كاس ماء اشربي عمتي وكول بالشوية تتخنق راهو
خديجة حستها تنبيزة خذات عليها ماء وتبسمت معاها تبسيمة صفرة ونطقت لفعة هذي
همام فرح انت تطلب ونحنا نفدو مش خصارة فيك ...همام كان حاب ينسيها فالي تعدى عليها ...وهذا حقها ...وحق بوها...
حسان وقت سمع باباه واش قال نطر كرسي ...وقف كيفاه هذي الأرباح السنوية تع قبل ...وقت انا كنت نتعب تعرف بوك وينو ...كان يغرم في زمانو مع امك ...وجاية درك طالب بالارباح
همام وقت شافو بدى يعلي في صوتو ويصيح ضرب بالعكازو على الأرض ونطق ماتنساش نفسك تحكي مع شكون وفي حضوري صوتك مايعلاش
حسان بابا انا
همام قاطعو باليديه وقت رفعها فوق كلمتي ماتكونش كلمة أخرى
حسان دمر برجليه كرسي وتعدى طول لغرفتو  ...في هذاك الوقت استئذنت ..خديجة...ولحقت عليه ...
كانت حابة تصب زيت على نار
خديجة شفت اللفعة ...في وقت قصير قدرت ...تلعب على عائلة كاملة ...وجبدت كل في صفها
حسان كان على اعصابو ...وزيد زادت عليه ...تقرب منها وحكمها على رقبتها ...كلو الى صرا من تحت راسك ...انت بسبتك ...بابا ماعادش يشوف في وجهي...من وقت صرا الى صرا بسبابك انت ...رجعت بيه ذاكرة وقت تفكر واش قاتلو....كانت يعاود لها بالحرف لحتى يفكرها  ..واش عملت ...في هذاك الوقت كانت جنة بالصدفة طالعة لغرفتها ...بعد مناقشات حادة الى صرات على طاولة الاكل ...بالصدفة وقفت قدام شمبرة...وقعدت تسمع في كل كلمة ...دموعها خانوها وخصوصي وقت سمعت الفاجعة لكبيرة ...توقعت كل حاجة إلى هذي ...غدرة تتوقعها من غريب ...أما لقريب موحال تتوقعها منو ...لكن في وقتنا هذا صرا العكس وتقلبت قاع الموازين والاية...موحال تتوقع انو يجي نهار وتسمع هذا الاعتراف....يتبع