حب مقيَّد بالشرف _جنة آرام_

ادم البارت 27

الحلقة 27:🌹بقلم مروى🌹
تكملة الأحداث السابقة
تمشاو مع بعض لحتى وصلو لالة زهرة خديجة تقدمت منها لالة شوف شكون جاء خزرت معاها زهرة وتسأل بعينها شكون خديجة اولاد اختي  كلثوم عرفتيها زهرة اممم وخزرت معاهم من فوق لتحت
نخزت خديجة دارين وخزرت معاها وخرزت مع يدين لآلة زهرة بمعنى سلمي على يدها جات تقدم  راح تبوس يديها بالوقت وصلت طوموبيل جنة شدت فران قاوي خلت كل الانضار تلف ليها
أدم في الوقت هذاك هز عينيه فيها ونطق ممم شكون لقطوسة هذيك
زهرة وقت تلفتت واشفتها خزرت معاه خلي  خماجك بعيد عليها تنطرت ليها وخلات دارين هكاك (حلت عينيها صحافي من جاست الى عملاتو  وكلام خوها  الى عصبها  وخلاها تغلي  كأنها حست انو راح تصير منافسة على قلب الاسد  وصارت تنفخ وتلفتت لخديجة لقاتها مهبطة راسها ضربت رجلاها في الارض ورجعت شعرها لور ودخلت للقصر) أما أدم حك لحيتو وتبسم بالشر مممم وحكى قطوسة لازم نروضوها في تلك لحظة نزلت مريم وجنة من طوموبيل
تلفتت لياسر وضحكت معاه خزر معاها ودرلها جاست بعينيه بمعنى ( راني معاك )
تقدمت زهرة ليهم اهلا اهلا بالغوالي شرفتو لقصر
مريم ضحكت على جنب والله لو كنت نعرف راح ترحبي بيا هك كنت جيت من قبل
زهرة حكمتلها يدها ورتبت عليها ونطقت خلينا ننساو الى صرا قبل فاتو سنين وكل غلطنا
مريم بالوقت نفضت يدها منها وتقدمت لوذنها ونطقت واش ننسى حسابلك ساهلة الى مر عليا ننسى انو خرجتوني من قصر وقت ولدت بيها نسى انو حازم في جرتكم مات ها واش ننسى شفتيها كيفاه واقفة واشرت على بنتها لوكان تفيق بيكم راح تهد قصر على روسكم
زهرة حست مرارة في ريقها صح لوكان جات علابالها ماتشوفهاش واقفة لهنا سخرت على مريم وتقدمت ليها
حفيدتي لغالية اهلا بيك لقصر نور ورجعت روحو من اول وجديد
جنة ماعملت حتى ردت فعل بقات ساكتة وتخزر معاها
زهرة خزرت معاها ونطقت مش راح تجي تبوسي ميمتك ( جنة وخرت خطوة لور مكانتش مستعدة لهذي مواجهة كانت محظرة واش راح تقولها أما وقت لمحت عينيها أرام من شرفة القصر وتقابلت الأعين مع بعض نسات كلشي كانها حست بحاجة وفرشات الى  زغدت في كرشها أما ماهتمش للأمر ) رجعت للواقع وقت حكمتها امها ميمة واش بيك تحبي نرجعو ها قولي زهرة وجهة تخلخل جرات ليها نطلبو طبيب اذا مريضة علاه ترجعو
جنة رصت على سنيها راني مليحة ماتخافوش
زهرة جات راح تحضنها وخرت عليها امي يلا ندخلو وخزرت مع زهرة الى نطقت راح تتعودي علينا أبنتي ماعدتيش غريبة اصلا من قبل مشك غريبة انت بنت كبدتي بنت لغالي حازم الى تحرقت وتشوات كبدتي عليه
بالوقت نزلو دموع من عينها في ساع مامسحتها حتى هيا تمنات انو يكون معاها وتتربى بيناتهم مش عايشة كيف منبوذة تماما حست انو ذنيا ضلمتها وديما عكستها تقدمو ماشين للقصر وعين كل عليهم الى يشوفها كلمة وحدة ينطقها تبارك الله خلات كل يشهد على جمالها وبرئتها وشحال من واحد تمنها أن تكون زوجتو ويناسب العيلة آل الڨاسمي.....يتبع