حب مقيَّد بالشرف _جنة آرام_

البارت 25

الحلقة 25🌹بقلم مروى🌹
نرجعو للقصر آل الڨاسمي وقت حست زهرة بيديه تحركت قفزت من بلاصتها وصارت تصيح ه‍مام راك تسمع فيا قوم يعيشك نعرف راك تسمع فيا هيا ياروحي قوم اذا تسمع فيا حرك يديك مرة أخرى هيا على خاطري نعرف انك تسمع فيا أما للحياة لمن تنادي لحظة حست روحها رجعت تتخيل وحدها
قامت من بلاصتها ونادت على الكل نحب يكون كلشي جاهز منا للعشية
خديجة استغربت جاينا حد قلبها مش مريحها من تليفون آرام
في الوقت هذاك كان ارام بعت شكون  لحتى يجيب جنة   كان يستنى في نفس لبلاصة  الى وصلها ليها قبل 3سنين اول مرة شافها وتعرف عليها استغرب بزاف أما في ساع ما ترخف يمكن تكون صدفة أو وحدة من تسكن بحداهم لكن ثواني وتحل لباب وخرجت منو وصدمة وقت شافها نزل يجري (جنة واش تعملي وين رايحة )
جنة استغربت ياسر واش تعمل لهنا اسفة ماخبرتكش بالي صرا
ياسر  واش صرا تاني بدى يدخلو شك علاه وين رايحة
جنة كنت حكيتلك قبل اني وافقت اني نروح على بيت جدي
ياسر قصدك للقصر آل الڨاسمي
جنة اه بصح كيفاه عرفت
ياسر مسح وجهو بالفدة انت الى كان يحوس عليها الاغا آرام
جنة اه انا بصح ماقتليش كيفاه تعرفو
ياسر انا نخدم عندو
فلاش باك
كان يوم الجمعة كيف اي عيلة وقت يكون عندها حد ميت يروحو يزروه  في هذاك الوقت كانت عند قبر بوها تقرأ في شويا قرآن أما كانت حرقة في قلبها كل يوم تزيد تكبر اكثر ومش راح تطفى لحتى يدفنوها بحداه قوات في البكية وشهقاتها علات الى يشوفها يقعد يخزر معاها غايضتهم حالة البنت الى محربش يمكن تقول راهي ثمتل تلفت على صوت شهقات تقدم ليها
ياسر اختي مايجيش هك الموت حق وهذي سنة الحياة ادعيلو بالرحمة هك تزيد من عذابو في قبرو
جنة تبكي وتحكي انا ماشبعتش منو ولا شفتو في حياتي من غير صور ولا لي حكايات الى تحكيهوملي امي عليه لهما حرقة عمرها ماتطفى تعرف شعور باليتم وقت كنت نروح للمدرسة ونشوف تلاميد مع آبائهم نغير كنت ديما نسال روحي علاه انا ماعنديش اب كيفهم كنت ماتعرضتش للحرقة وقت كنت نلعب مع لبنات كنت مايقولوليش انت ماعندكش بو تعرف هذا شعور عمرك لا راح تحس بيه كان راسها راح يطرشق بكت كانو جامي بكات في حياتها وقامت من عندو خطات خطوات أما سرعان ما شدتها دوخة جرا عندها بالوقت كبس على حزامها وهزها في حملتو وديراكسيو لسبيطار من وقت هذاك صارو اعز اصحاب ...نهاية فلاش باك
جنة استغربت وفي نفس لوقت فرحت مايهمهاش كيفاه الى يهمها انها راح تلقى شكون يكون معاها ومتحسش بالغربة وحدها وقت راح تروح وتخلي سمر وحدها تنطرت ليه تعنق وتبوس جنة فرحتني تعرف على أقل نتونس معاك
ياسر ضحك علاها وفرفشلها شعرها باهي اطلعي من بعد تلفت ليها رايحة وحدك في لحظة هذيك خرجت مريم
جنة امي رايحة معايا
ياسر اوكي يلا نروحو كل يستناو فيك
جنة ضحكت ضحكة صفرا ممم نعرف
ياسر على قد ماهو فرحان بصديقة الى تعرف علاها عقد ماهو خايف وقت يعرف الاغا انو كان يعرفها قبل وماجابلوش سيرا عليها اما هو مكانش يعرف الى هيا راح يفسرلو الموضوع وقت يحكي معاه ابا مايتفهمو .. كانو كل في القصر متشوقين لحتى يعرفو تحظيرات هذي لمن تعملت زهرة كانت تمد في تعليمات وحبت تشوف اخر لمسات الى صارت على القصر خديجة اممم تعرف عذبت روحك على لفاضي
لفعة هذيك مش راح يعجبها لعجب ولا تفكري انها راح تسامح
خزرت معاها زهرة روحي سقمي روحك كي لعباد  وانت كي لعجوز   وهذيك تجاعيد ماتبهدلينش قدامهم روحي يلاه   تخافي حسان يشوف كاش مرا منا ويرميك انت لبرا
خديجة صارت تعلى وتهبط لآلة واش هذي هدرة حسان عمرو مايعملها ويشوف مرا غيري
زهرة ممم خليني نروح نشوف ضيوف رآهم بداو يوصلو خلاتها وراحت تضحك عليها فقصتها كانت لازم تحطلها حظ ولا راح تتمادى اكثر مع شكون طاحت معولالة زهرة وماادراك بينما كانو ضيوف وصلو آرام شد فران قاوي بحد القصر لوهلة فكر انو غلط في القصر وقت شافو مزين ضحك على فكرة جداتو وشكون غيرها راح تعمل هك هبط بكامل وهرتو واناقتو عضلاتو مافتولة محبش يلبس لباس رسمى بمانو في قصر واحد ماراح يسالو ليس تيشورت وسروال جينز فالاسود ودخل الانضار كل تلفت ليه والرجال الى كانت تما تحي فيه والى تقدم يسلم على يديه اما هو هذي العادة الوحيدة الى يكرها وقداه من مرة يقولهم ماتعملوهاش ماتعداش برشا وقت وصلت طوموبيل خلاف وقت نزل هو الأول وهيا من وراه خرجو كل يجرو من القصؤ لحتى يشوفوها أما استغربو كل وقت شافوهم قدامهم .....يتبع