حب مقيَّد بالشرف _جنة آرام_

البارت 21

الحقلة21🌹بقلم مروى🌹
اصبحنا واصبح الملك لله ...طلع نهار جديد واشرقت الشمس بعد ما تعدات ليلة باردة على الكل وخصوصا في بيت سمر كانت هذاك وين فاقت من نومها قامت دخلت لدوش تعمل روتينها اليومي وخدات دوش لحتى تسترخي من ليلة البارح بالزور ماقدرت ترقدها كملت تدواش حملت كاب لبساتو وخرجت لقاتها مزالت كيف خلاتها راقدة
سمر جنة ياروحي قوم راح علينا لحال
ورود امي خليني نزيد شويا
سمر عرفتها مش في عقلها خطرت على بالها فكرة جابت كاس تع ماء وصباتو عليها قوم درك
جنة قامت مفجوعة  وصاحت  عليها ياهم واش عملتي وجات قايمة أما تعكلت في لفراش الى كان مرمي وطاحت في الارض
سمر ماقدرتش تحكم روحها صارت تضحك على طول صوتها عليها الى يسمعهم يقول كاين حرب في شمبرة
جنة تغشت ونطقت في عوض ما تضحكي ارواحي عاونيني
جات راح تقومها جبدتها معاها لتحت وصارو يتعافرو مع بعض كل وحدة تقول لاختها اطلقيني
جنة اطلقي شعري والله نتفك ليوم
سمر ممم بشرط
جنة وزيد تتشرطي تاني
سمر اوكي على راحتك مانطلقش مالا
جنة اوكي اوكي واش هو
سمر نروح للجامعة وتعرضيني على غداء😋😋
جنة جامعة نروح أما لغداء مانوعدكش لازم نحكي مع امي كيما تعرفي لازم نحل هذي المشكلة في اقرب وقت
سمر اوكي أما نسالك حق غداء
جنة اوكي اطلقيني دوك طلقتها وكل وحدة وجدت روحها ونزلو مع بعض لقاو طاولة تع لفطور حاضرة
ام سمر: صباخ الخير كي صبحتو
سمر صباح النور
جنة بخير الحمد لله
ام سمر يلا اقعدو لفطور جاهز
كل وحدة خدات طرف من كل حاجة  وتقدمو منها وطبعو بوسة جنة صحيتي طاطا فطور يشهي أما لازم نروحو مابقاش وقت خرجو لبنات من دار ديراكت للجامعة وين كان يستنى فيهم يوم طويل من تحضيرات
في شركة الاعلانات والتسويق كانت مريم هذاك وين وصلت نزلت من طوموبيل  ديراكت طلعت في سونسار طول للبيرو تاعها  بلا ماتعبر حد لعيون كانت كامل عليها صحيح كبيرة شويا في لعمر أما مزال جمالها طاغي وملفت
دخلت للبيرو تاعها بالوقت لحقتها سكريتيرة بعد ماطلبت الاذن
مريم ادخل
سك: مدام ليوم عندك اجتماع مجلس الإدارة واجتماع اخر مع زبون
مريم حسنا هذا كل شيء
سك نعم
مريم تقدري تروحي دوك
سكريتيرة استأذنت  منها وخرجت
بعد ساعات رفد تليفون تاعو من بيرو وخرج من شريكة جاه قارد  يجري حللو لباب طوموبيل ركب ونطق شريكة الاعلانات والتسويق صارو يتغلو في شوارع مداش وقت بزاف ووصل لشريكة
توقف طومبيل نزل منها ودخل بالكامل وهرتو نضراتو مركزة على نقطة وحدة
أما لبنات الى يخدمو تما بقاو حلين فامهم خزر مع وحدة من فوق لتحت ونطق كاين ذبان اغلقي فمك ولا شاهية حاجة أخرى وغمزها
بنت قريب يغمى عليها وفوت لسانها على شفتها ضحك عليها وفات فالوقت هذاك مريم كانت قريب يخلاص  الاجتماع
مريم حسنا لقد اتفقنا اذا على كيفية تسويق هذا المنتج اريد هذي المرة شيء مختلف يلفت زبون في تلك اللحظة دخلت فتح باب ودخل الانضار كامل توجهت ليه
سكريتيرة مدام اسفة لقد حاولت منعه لاكنه أصر
مريم بقات تخزر معاه من انت وماذا تريد
آرام اضن انك لن تريد أن تتحدثي عن أمور شخصية هنا
مريم استغربت من انت انا لاعرفك
آرام انا آرام همام آل ڨاسمي
مريم مين كانت واقفة قعدت
خزر معاها بنظرة استهزاء ونطق في سرو اذا عرفت اسمي صرالها هك مالا كي تعرف علاه جيت واش دير وتبسيمة على شفافو الى تحت مريم رفدت كاس ماء وشرباتو على ضربة ونطقت يمكنكم المغادرة الان
تقدم منها آرام وهوما يخزرو معاه ونطق الم تسمعو جيدا يمكنكم الانصراف ماكمل كلامو كانو صاي  تبخرو من تما
مريم بقات تخزر معاه وهو جبد كرسي من تما وقعد مش راح ظيفيني مرت عمي
مريم مانظنش جيت تشرب قهوة ادخل في الموضوع واش حاجتك
آرام ممم ورسم ابتسامة على شفافو في بالي قاتلك بنتك ولا راني غالط
مريم واش راح تقولي بنتي
آرام علاه خرجت من دار مالا
مريم كان فاض بيها كاس وحسست كانو يهدد فيها راح حاط علينا عساس وقيل
آرام اي حاجة تخص آل الڨاسمي يكون عندي عليها علم المهم ماجيتش نحكي معاك جيت نعلمك وجدي روحك ليلة ترجعو لقصر عائلة
مريم ضحكتها لعلعت من كثرت الغيض جات راح تنطق قص عليها .... آرام نظن  مش حابة يصرى واش صرا قبل مش هك
مريم راك تهدد فيا
آرام افهيميها كيف ماحبيت
مريم لباب من وراك اخرج عليا
آرام نعرف وين لباب لعشية وجدو رواحكم وخرج ....يتبع