الحلقة 46:
بقلمي#مروى
في الوقت هذاك جنة قامت لحظة استغربت وين راهي فيقها من سرحتها وقت حكى معاها بحة
آرام صباح الخير
جنة وقت سمعت الصوت تلفتت ليه وفرشات هذيك رجعت تزغد من اول وجديد كيفاه حتى وصلت لهنا
آرام واش تحسي في روحك لباس
جنة امتلو براسها ماجوبتينيش
آرام وجهو صار احمر من لعصب رص على سنيه كان راح ينطق أما قاطعاتو الخدامة
الاغا مدام سمر وصلت
آرام خليها تدخل وخزر مع جنة لقاها حالة فمها من بعد نحكو عندنا هدرة بزاف تقدم فتح الباب وجا خارج بينما سمر في لحظة هذيك دخلت
جرات طول ليها عنقتها ممم اميرة نايمة في جناح الأمير
جنة مش وقتك تعرفي ورفدت لمخدة ضربتها بيها وقلبها صار يدق من اول وجديد راح يخرج من بلاصتو وهذيك فرشات رجعت
خزرت مع سمر كانت راح تسقسيها أما تراجعت من بعد تشجعت
جنة سمر وقت تحكي مع حد وقلبك يبدى يدق وفرشات تزغد في كرشك وكل مايقرب تتوتري واش معناها
سمر استغربت من السؤال نكون نحبو ولا معجبة بيه علاه
جنة وقت سمعت كلامها تأكدت هيا تحبو لا مجال انها تكذب على روحها
سمر هاي نحكي معاك وين رحتي لاتكون هاااا وشقت
جنة فست عليها وحبت تلفها واش حوالها خالتي والجامعة ممم
سمر فاقت بيها ولات تضحك تلفي فيا مش هك باهي ياسيدي ماما مليحة مسلمة عليك والجامعة عادي تعرفي ماسطة بلابيك بزاف خليتي بلاصتك نحس روحي وحدي
جنة راح نرجع ماتخافيش بينما جنة وسمر يحكو على أمورهم ......
كان آرام وياسر يحكو علي أمور الخدمة
آرام راح تدخل سلعة جديدة نحب كلش مريقل
ياسر حاضر
آرام نحب تشوفلي حد يعاون مريم في شريكة من غير ماتعرف أنهم من طرفي
ياسر اعتبرو تم
آرام باهي تقدر تروح
ياسر متاكد متحتاج شيء
آرام لا وقت نحتاجك نعيطلك
ياسر اوكي يلا سلام
في لحظة هذيك ناردين رفدت تليفون كمبوزات نيمرو وتستنى فيه يرد من وقت جات ماحكاتش معاه توحشاتو بزاف
آرام خير صار شيء في القصر
دارين لازم تكون صارت حاجة لحتى نسمع صوتك
آرام قطب حواجبو كان كره من هدرتها وكوبا طول
ناردين نسفت لفوق راح تكون ليا وعد مني ....يتبع
أنت تقرأ
حب مقيَّد بالشرف _جنة آرام_
Mystery / Thrillerتمهلي سيدتي.... فانا رجل شرقي بربري ..... تحكمه غرائزه حيوانية ..... لاافقه لغة الحب .... بل اجيد لغة الجسد ..... تمهل سيدي فانا امرأة خلقت من طين .... كرمني الاسلام .... وأوصى بي الرسول ..... وسورة انزلت من القرآن..... تمهلي سيدتي ..... فان...
