حب مقيَّد بالشرف _جنة آرام_

البارت31

الحلقة31: 🌹بقلم مروى 🌹
تكملة الأحداث السابقة
السماء تغير لونها  لبست ثوب الحداد ضلام اشتد ورياح تصفر وبرق كي  فلاش مرة على مرة نذير على عاصفة قوية  عن قريب تعلن قدومها وكانها تعاتب وتعبر على غضبها بطريقتها .....
قصر تهول ودخل رعب في نفوس الضيوف الى تما تحولت قاعة القصر الى حرب ماتسمع غير صوت الصياح والنساء تندب  كل  واحد خرج يجري حاول ينفد بجلدو
مريم  وقت استقرت عينها على جنة الى كانت مرمية  في الارض وبكلها دم راحت تجري ليها وتقدمت طاحت على ركايبها تندب وتظرب في فخاضها بنتي كبدتي ياناس تحرقت هذي مرة وجيعتها كانت أكثر من أي وجعية في دنيا قلبها تفتت وخرج من بلاصتو
مريم جنة يابنتي عيشك قومي ...تسمعي فيا.. ياريتني ماجبتك لهنا نعطيك روحي ياروحي غير قومي نوعدك نخرجك  منا هيا قوم يعيش بنتي
صاحت باسمها هدت الدنيا بصياحها على كبدتها الى تشوات حيطان القصر ماقدروش يمنعو  صوتها  يوصل لسابع سماء كبدتها تشوات  وحيدتها وسندها في لحياة راح تفقدها وماقادرة تعمل شيء واش وهيا طايحة  قدامها جثة بلاروح
في لحظة هذيك  وقت كان كل مشغول كان كاين شكون فرحان انو تمت لمهمة واخيرا راح ترقد وتتهنى
بينما آرام كان كيف مهبول عينيه تقدح نار شر يطاير من وجوهو شكون الي تجرأ وتحداه في قصرو وفي وجودو الا مايكون واحد مستغني على روحو 
تقدم لجنة يتحسس نبضها مزالت عايشة جيبو طبيب يلاه قلب يشوف فيها مين مجروحة أما تفاجيء دم مش  منها مش متصاوبة
زهرة كيفاه مين هذا الدم مالا جات تحول نضرها لجيهة أخرى  لقات خادمة مرمية على الأرض وهيا الى تلقت الرصاصات بدل عنها 
فلاش باك
وين كانو كل ملمومين على طاولة الاكل بينما الخدم الى تما يقدمو في وجبات لى يضيفوهم في الوقت هذاك كان الشخص رفد كابوس وأطلق ثلات رصاصات  أما  بالصدفة كانت خادمة وصلت عند جنة واستقرو رصاصات في جسمها بدل جنة
نهاية فلاش باك
قام آرام رافدها بين يديه ومريم تجري وراه مش مصدقة انها عايشة ضحكة وسط دموع وامل تولد من جديد انها عايشة
داها لاقرب غرفة تما وحطها على سرير ويضرب فيها بكفوف خفاف لعلها تفيق  ونادى على ياسر
الى كان واقف تما لحظة فكر انو خسرها خسر صديقة عمرو صحيح ماعندهاش برشا من الى عرفها أما عوضاتو عن غياب عائلة تاعو كان مصدوم ودموع محجر في عينيه
فيقو صوت آرام وقت صاح عليه
ياسر يلا جيب طبيب
ياسر يلا رايح وخرج يجري بسرعة خايف عليها لا يفقدها ...يتبع