حب مقيَّد بالشرف _جنة آرام_

#2 تابع

بقلمي #مروى
البارت الثاني 🥂
الحلقة 2:🌹 بقلم مروى🌹
وصلت عند  لعروس  الى دلوها عليها كبارات عشيرة والى مدحو فاها انها من ودود والولود خبروها انو سلالتها تجيب الذكور وكيما كان حال تبارك الله زينها ضاوي تبسمت معاها لالة
ارواحي اقعدي جنبي قامت عروس من بحدا امها وراحت قعدت بحداها أما لالة تاعنا  ماعجبهاش الحال  لازم تسلمي على يدي يابنتي ولا ماعلمتكش الأصول وتربية
وخزرت مع امها ماعلمتيهاش تتحرم لكبيرة لالاتكم تع العشيرة
ام عروس: حنات راسها لالا حاشة يالالة راهي صغيرة ماتعرفش بالشوية وتتعلم
خزرت مع بنتها قومي سلمي على يدها
حبستها بيدها مش لازم أما مرة جاية علماها راح تكون بنت راجل ومش اي راجل ولد كبير عشيرة شاورت بيدها للخدامة الى جات معاها دخلي اغراض الى جبناهم معانا كان  مستلزمات  عروس لحم على كل الانواع وفاكهة وكسوة العروس تقاليد عرفوها من جدود وقعدو يتعاملو بيها في كل مناسبة تصرا
مانسحقش مرت ولدي تكون ناقصة  من حتى حاجة كانت حريصة  على هذي امور ماتحبش يقولو مرت كبير عشيرة مقصرة في حق كنتها ..كان طبعها لايختلف عن طبعو ياسر هيا  مالامحها قاسية  رغم كبر سنها إلى أنها مزالت محافظة  على جمالها وهذا الى ميزها على باقي نساء عشيرة انو هيا  فقط  إلى تنجم توقف في وجهو   ولهذا سموها بالالة عشيرة كاتقدير لاها ولمحبتها
رجوعا للقصر
وين كان كل مستنفرين في خدمتهم
كان  همام جامع اولادو في زوج حسان وحازم ويحكي معاهم
حسان : خير يالحاج همام جمعتنا
حازم : اسكت خليه يحكي
همام : بعد عمر طويل ان شاء الله قررت نعمل وصيتي بعد زوجك اكيد
حاب خليفتي بعد موتي والى هوا راح يكون اول حفيد ليا
نطقو في زوج مع بعض : بعد عمر طويل الحاج ماتخممش مزالت براكة
همام : حسان انت مانخافش عليك
أما خوك حازم غير راسه قاسح ومايسمعش لكلام
حازم : حتى راسو في الارض تعرفني الحاج مانفكرش كيفكم انا مانحبش عشيرة على هذي فضلت المدينة اني نعيش فيها
حسان : ماتخممش مزال صغير والا مايرجع لوعيو
همام : انا الى عندي قولتو نحب احفاد قبل مانغمض عيني
على دخلتها سمعت هذي لكلمة شهقت وغرغرت عينيها بالدموع تلفتو كل ليها
همام : جيتي الالة زهرة
زهرة : بعيد شر عليك فالعدو وطبطبت بيدها على لخشب الى تما
خزرو معاها في زوج وضحكو
زهرة : تضحكو يحكي معاكم هك وانتم  وتضحكو اذا عجبكم حال وشبعتو منو قلتو كبرنا انا مزال ماشبعتش منو (شيب ولعيب 😂😂)
همام : استغفر الله الالة واش لهدرة هذي
رانا كبار
زهرة : انت لكبير انا مزال عليا الحال
حسان : شفتي لعروس ها
زهرة : ممم زربان على رزقك
همام : انا الى زربان على الاحفاد
يلا احكي
زهرة جات راح تحكي في وقت هذاك دخلت
السلام عليكم .....يتبع