حب مقيَّد بالشرف _جنة آرام_

بارت 66

الحلقة 76
فاتت ليلة بحلوها ....ومرها كيف اي ليلة ...وجا نهار جديد ...يصنع الامل لبزاف ناس ...وكيف كاين ناس ..يتمناو انو ليلة ماتخلاصش ...ويقعدو هاربين من الواقع ....الشمس ...طلت على شرفة الجنة إلى كانت  ...كيف العادة ...راقدة من سهرية البارح ....الى قضوها هيا وسمر حتى طلوع الفجر ....وهوما يحكو ويضحكو ...وقت هذا ضوء ضرب في عينيها حرم عليها النوم ...فتحت عينيها لقات سمر راقدة جنبها ...تبسمت على جنب ورفدت مخدة ضربتها بيها ...أما لا حياة لمن تنادي ...زيد تعدلت في رقدتها ...ودارت لجيهة الأخرى ...جنة بقات حالة فمها ...وخطرتلها فكرة شيطانية ....تبسمت وقامت من على سرير ... ركبها جنون وجاتها فكرة جنونية ....هزت كاس تع ماء... من بحداها... وطلعت فوق سرير.... وقساتو على سمر ...الى تهزت وتنفظت في بلاصتها ....وتطلقتها برغية زعزعت بيها  القصر.... وطاحت على جنةة بالضرب وقريس ولخرة تضحك على طول صوتها ...هبلت  كي شافت ماثرش علاها ضرب... ڨرستها ڨرسة قاوية اي اححح ...وجعتيني ياهم دقائق وهوما هكاك من بعد خزرو مع بعضاهم وطرشقو بالضحك قدمت... سمر لجنةوطبعت بوسة على خدها...  ربي يخليك ليا ياحسن اخت في دنيا ...ماما مريم  عملت مليح كي جباتك... حضنو بعضاهم من بعد تفكرت جنة المشروع ... شهقت ونوضتها ....ناضو يتسابقو على حمام ...دخلت جنة هيا الأولى عملت روتينها ...ودوشت في ي ساع وخرجت...تعدات لدرسينغ ...لبست غوب  كحلة ....بالاكمام على يديها ..وتجي مزيرة على خصرها من تحت ... وفتحة في صدر ....اختار طالون  في الاسود ... وفردت شعرها على طولو بعد ماشيحاتو  ....في هذاك الوقت سمر ...خرجت بعد ماكملت دوش ...أما هيا تعدات للفاليز تاعها ...لبست مريول ومعاه جاكات جينز  ...وجيب شقة حتى لخصرها .... هزت شعرها على شكل ديل للحصان ...وخلاتو على طولو بعد ...ماعملو مكياج خفيف ....شافو في بعض ولوحو بوسة لبعض في الهواء ....وخرجو ...تقول ليوم عرسهم ....في هذاك الوقت آرام كان خارج من شومبرة وقت شافهم ...حل فمه وشاف فيهم من فوق لتحت....عينيه ترشقو....طول على شق صدرها ...الى كان باين من فتحة ....قعدو مدة على حال هذيك ....يحس في ريقو نشف على  صباح ....تخطاهم من غير لاسلام ولا كلام....لوكان يزيد دقيقة راح تصرى كارثة ومش راح يظمن روحو واش راح يعمل ....بقاو يشوفو معاه ....من بعد شافو مع بعض....
سمر: واش بيه هذا....
جنة هزت كتافها...منعرف ....هيا نهبطو ....خلينا منو....
سمر أومتلها براسها....وهبطو مع بعض ....
في هذاك الوقت كانو ....عايلة كل مجتمعين على طاولة لفطور ....الى كان على رأسها همام ....بقى يشوف مع جنة ....كيفاش كبرت ...وتربات بعيدة عليه ....وعلى عادات وتقاليد....الى ترباو عليهم ....فيقاتو من سرحتو وقت طبعت بوسة على خدو....فجأتو بيها ....ضحك ورفد يديه عداها على راسها ...وحكى الله يرضى عليك يا بنتي .... لالا زهرة شافت معاها ...نطقت وانا ماليش نصيب من بوسة ولا ....جنة وساعت ضحكتها....وراحت ترمات ...في حضنها ...انت حب كل ...يا احلى ميمة في دنيا ....زهرة تفكرت وقت حازم كان ديما يقولهالها ....عينيها غرقو بالدموع ...كيفاش عطاها قلبها تسلم في قطعة من روح وليدها .... كبست علاها في حضنها...لحتى توصللها انو راح تعوضها على كل شيء...وراح تكون جنبها....ربث همام على يدها كان حاسس بالوجيعتها....هو تاني مسؤول ....في جيهة أخرى مريم ....ام جنة ماكنتش ....تختلف عليهم برشا في تفكير ...انو من وقت جات جنة لهنا تبدلت برشا صوالح فيها ....صارت تضحك برشا ....وجو عايلة فادها ...اما في جيهة اخرى كان كاين ...شكون قاعد على نار ....ومش عاجبو لعجب ...شافت فيهم وقلبت خليقتها ....وتلفتت تمتم تحت نيفها ....من بعد تلفتت لولدها ....الى رفد لها يدها وطبع بوسة علاها ...وقف خارج ...اما وقفو صوتها ....نحب نمشي معاك لشريكة ....ارام تلفت ليها ....بالعرض بطيء...وشاف معاها وشاف مع جدو ....الى رمشلو بعينيه ....دليل على موافقتو ...شاف معاها ...في يدك خمس دقايق باش نستناك لبرا....جنة ماستنش حتى يكمل كلامو كانت خلاص سبقاتو ....خلاتو من وراها ...يشوف في عجايب ربي ....ولالة زهرة من هيك تصيح علاها  باه ترجع تكمل فطورها ....اما مع شكون تحكي ....كانت صاي تنطرت من قدامها  ....يتبع