حب مقيَّد بالشرف _جنة آرام_

البارت 47

الحلقة47:
فاتو يومين مكان حتى جديد غير انو الاجواء ليوم تحسنت على قبل معلنة على بداية دخلو فصل الربيع وناس وقت  هذا تستغلو لحتى يقضو فيه لحصاد نتاعهم لفصل الخريف ..... كيما كان الحال مريم في هذاك الوقت كانت تمشي شغلها عن طريق الانترنت فتحت لاب توب لحتى تحكي مع السكريتار
مريم مهذا بالحق الجحيم
السكريتار انها تصاميم
مريم اعلم من الذي صممها
السكريتار سلينا
ناضت من بلاصتها كنت اعلم انها هيا اطرديها من العمل واصرفي لها مبلغ مالي
السكريتار حاضر
مريم هل من شيء آخر
السكريتار هناك ضيف يريدو رؤيتك
مريم من هوا
السكريتار رفض الإفصاح عن الاسم يريد مقابلتك شخصيا
مريم حسنا قومي بإعطائه موعد آخر لاسبوع
السكريتار حسنا
مريم الى لقاء ....
طول طريق كانت ساكتة حاطة يدها على خدها ومتكية على ليكارو تع طوموبيل سارحة بعيد تخمم في حياتها والى وصلتلو  من ليوم ماراح تسمح لحد انو يهينها ولا يطاول عليها نهارين هذو الى بعدت فيهم ..خلاوها تدي بزاف قرارات...ومكانش رجوع منها ..مهما كانت الظروف...
هذا شيء كامل كان صاير تحت نضراتو الثاقبة إلى قدر يقرى أفكارها واش قاعد تخمم بدون حتى مايسألها ...
كانت سماء الصافية ...نجوم متلئلة ... طريق طويلة ماحستش على روحها وقت رقدت ....تلفت لور جبد..شال حطو على كتافها ...استحلتها وزادت تعدلت في رقدتها...كان ساهي في ملامحها البريئة...تفكر وقت يكون قريب منها كيفاه تتوتر وجها يصير احمر....ماحسش بالوقت غير لقى روحو وصل للقصر ...تشد فران قاوي قدام باب لقصر... تلفت ليها لقاها مزالت راقدة ...عينيه طول طاحت على شفافها ...الى كانو مبوزين واحمر كيف توت 😋😋... كانت فتنة قدامو ...تقدم وطبع بوسة على شفافها...كان راح يسخر أما حسها كي تفاعلت معاه ...وكانت قطرة الى فيظت الكاس ...رجع غطس اكثر في شفافها ...كان كيف لعطشان في وسط الصحراء ...يحب يرتوي اكثر من شهد رحيقها ...ماسخر عليها غير وقت بدات تتحرك ...نزل من طوموبيل ...ودار فتح ليها باب ...هزها في حملتو ودخل للقصر ...تعدى بيها طول للجناح نتاعها حطها في فراشها وخرج ....في لحظة هذيك كان كاين شكون سهران ...فوق في القصر ...وبالتحديد في غرفتها كانت واقفة بحد النافدة ....تعدى كلش على  عينها .... وقت لمحتهم في زوج مع بعض ...حست برجة في قلبها ...ونار غيرة  شعلت ...واه من الحب ... ومن عذابو ...وقت يكون من طرف واحد ...وخصوصا كي تشوف الاهتمام الى تتمناه ...يروح لغيرك ... مسحت دموعها الى عرفو طريق على خذها ...وخذات نفس لحتى تهدي روحها ...وصارت تتوعد فيها ...وعن قريب راح تندلع الحرب... يقولو كل شيء مباح في الحب والحرب وهذي القاعدة إلى راح تخدم بيها دارين ...لحتى توصل وين حابة ...يتبع