الحلقة 48
اصبحنا واصبح الملك لله ...جا نهار جديد وأعلن على أمل وبداية جديدة لناس كل ...واشرقت الشمس مرة أخرى ...واشعتها الى تسلت لغرفة آرام ..كان راقد ...أما ضوء الشمس جهرو وحرم عليه نوم ...نفخ بقوة وخر عليه لغطاء وقام ...دخل طول لدوش فتح لماء وخلاه يبهط على كامل الجسم نتاعو
ماتعداش برشا وقت وخرج في ساع ...لبس كوستيم في لبلو ...ونزل من دروج الوقت هذاك كانت طاولة الفطور منصوبة وكل شد بلاصتو من غير جنة الى مزالت مافاقت ...
آرام :صباح الخير وتقدم من الجد ورفد يديه وطبع بوسة على يده
الكل :صباح النور
همام : خزر مع آرام وقت تكمل فطور نحتاجك
آرام : باهي تحب نحكو ضرك
همام قام ومشى قدامه هو تابعو من وراه...
في غرفة الجنة الى هذاك وين فاقت بقات قاعدة في فرشها وسارحة بعيد هذا نهار جديد ...وراح تبدى بداية جديدة راح تكون شخص آخر غير الى تعودو عليه ...قامت من بلاصتها عملت روتينها اليومي.....فاتت لديرسينغ لبست قشها وخرجت نزلت من دروج تعدات طول للكوزينة لحتى تفطر كانت كهرت ماحبتش تفطر معاهم على نفس الطاولة
الخادمة مدام جنة تحتاج حاجة
جنة اه نحب نفطر في هذاك الوقت دخلت خديجة خزرت مع خادمة ونطقت لفطور عندو وقت محدد الى يحب يفطر يقوم في الوقت
جنة نسفت مش لازم تسديت
خديجة نشوف فيك رجعت ممم
جنة خزرت معاها من فوق للتحت وتقدمت ليها ماقدرتش بلابيك تعرفي وجات خارجة
خديجة خزرت مع الخادمة لقاتها تخزر تبحلق فيها شوفي خدمتك
خادمة هبطة راسها ودارت لحتى تكمل شغلها..
جنة خرجت لبرا لقصر كانت تمشي لحتى بانلها الإسطبل وقت لمحت لخيول عينيها لمعو من وقت كانت صغيرة كانت تتمنى يكون عندها واحد لمحت عينها حصان الابيض مشات دخلت قربت ليه لقات واحد من عمال تما يوكل فيه
تقدمت منو ....
جنة نقدر نوكلو
العامل نعم مد ليها علف في يدها وصارت توكل فيه كانت فرحانة يكمن هذي اول مرة تضحك من وقت جات للقصر
جنة :نقدر نركب على واحد
العامل :بقى يخزر معاها سمحيلي ممنوع
جنة :بوزت شفافها وصارت تتدلع عليه بليز
العامل ضحك بتردد اوملها براسها
جنة فرحت مشات خرجت اجمل الأحصنة في اللون الابيض ...فيه سرج من الجلد الاكحل وقفت تشوف فيه وتبسمت .... وقت هذاك كان الجد بحد النافدة يحكي مع آرام لمحها وقت كانت تمسح على شعر الحصان يحكي مع آرام وعينو علاها
كانت تشبه حازم في كلشي عنادها تبسم على جنب
همام تقدر تروح درك
آرام جدي جنة واش قاطعو قبل مايكمل كلامو
همام مش درك آرام نحب نقعد وحدي
أرام باهي وقام خرج
همام تقدم للبيرو رفد تليفون ونطق حظرلي برق ...يتبع
أنت تقرأ
حب مقيَّد بالشرف _جنة آرام_
Mystery / Thrillerتمهلي سيدتي.... فانا رجل شرقي بربري ..... تحكمه غرائزه حيوانية ..... لاافقه لغة الحب .... بل اجيد لغة الجسد ..... تمهل سيدي فانا امرأة خلقت من طين .... كرمني الاسلام .... وأوصى بي الرسول ..... وسورة انزلت من القرآن..... تمهلي سيدتي ..... فان...
