حب مقيَّد بالشرف _جنة آرام_

البارت 38

الحلقة 38:
تكملة الأحداث السابقة
بعد تقريب نصف ساعة
في مجلس العشاير وين كان كاين كل مجتمعين  منهم كبير العشيرة الى متراسهم ورؤساء العشاير الأخرى وكان ادم معاهم
آرام كان هذاك وين وصل قطب حواجبو وقت شافو
آرام شايفك لهنا
ادم عيلتك هيا عيلتي مش هك
آرام ماتلعبش بذيلك نمحيك تعرف
ادم واش لزوم لهذي لهدرة نحب نوقف معاك
آرام خزر معاه من فوق لتحت ضرب في كتافو وزاد لمكانو  من بكري مايحب حتى حد يدخل في مشاكلهم سيرتو وقت يخص عيلتو
كانو الكل الحاضرين من كبير عشيرة.... وبوه حسان  ....ورؤساء العشيرة الأخرى
كبير العشيرة سلام العليكم ندخل طول في الموضوع  راكم عارفين سبب الاجتماع تاعنا  سمعتو كامل بالي صرا البارح  تجرأ حد ودخل لقصر آل الڨاسمي ومش لهنا وبرك وقوص  عليهم تاني ...
كل كان يسمعو ليه الكل كانو في قفص الاتهام هذا يعتبر تهديد لينا قبل ليهم
نطق أحد الرؤساء العشيرة : نفهمو راك تتهم فينا تعرف نحنا وقت نفدو الثأر يكون في وجه مش في ظهر
كبير عشيرة : وقت نحكي مانحب حتى واحد يقاطعني ودرك اسمعوني مليح اذا حابين تعيشو نحبكم تجيبوه وتسلكو روسكم ....جاء يحكي حبسو باليديه وتلفت لارام عندك ماتزيد
آرام بعد كلام الى قلتو ماعندي مانحكي
كبير عشيرة : صحيت آولدي نحبك ديما هك راسك يكون مرفوع وجبل مايهزك ريح ...وديما ناصر المضلوم ....
ارام تربيتك ياكبيرنا ....
كبيرة عشيرة طبطبلو على كتفو وقامو مع بعض ...كل كان يغلي من لكلام الى سمعوه واحد ماتجرأ يرد عليه من بكري عائلة آل الڨاسمي خط احمر والى يتعدى عليها يشوف الويل ....
أرام اسمحلي لازم نرجع للقصر
كبير عشيرة روح ياولدي روح...
نرجعو للقصر في غرفة لآلة زهرة كانت راح تقوم من بلاصتها أما خديجة بالوقت كانت عندها مع سنيوة تع ماكلة
حطت سنيوة على جنب وتقدمت ليها تجري
خديجة وين قائمة مزالك مريضة
زهرة طمنيني على جنة حابة نشوفها
خديجة انت ريحي روحك لالة والباقي يحل مشاكلهم بعاد علينا
زهرة خزرت مع نجية من فوق لتحت وجات قايمة
خديجة قلت حاجة غالطة وتقدمت خدات ليها شال تاعها
زهرة خذاتو من عندها من بعد فاتت ضربتها في كتفها جات طايحة فوق السرير...
خديجة صارت تمتم بالفمها الله لاتربحك ياجنة قبل مريم ودرك انت الى مانوريك ليام بيناتنا وخرجت وسكرت الباب من وراها بالقاوي ....في هذاك الوقت كانت قاعدة حداها وتبوس في يدها وتدعي أنها تقوم  وترجع بخير ...تحب ترجع تحضنها من اول وجديد ...وتبقى جنبها في الوقت هذاك وصلت عندها زهرة فتحت الباب ودخلت ..وقت شافتها نسفت واش جابها هذي درك
زهرة واش حوالها
مريم على حالها وكملت راح تحكي حبستها باليدها مش وقتو خلينا في لي نحنا فيه وقت تفيق اعمل الى تحب راح تلقايني بالجنبك
مريم ضحكت كنت نتمنى نسمع هذي الكلمة قبل وقت حازم الله يرحمو مات ومابقالنا حد
زهرة كلنا غالطين ماش غير نحنا وانتي تاني غلطي ....يتبع