حب مقيَّد بالشرف _جنة آرام_

#تتمة

بقلمي#مروى
البارت الرابع🥂
الحلقة 4 :🌹بقلم مروى🌹
ليل عسعس على الدوار وكان كل واحد شد دارو لحتى تتلم عيلة كاملة يسهرو يضحكو مع بعض في جو عائلي ومن بعد كل واحد منهم يشد غرفتو لحتى يرتاح من تعب النهار
كان تقريب نص ليل ناس كامل راقدة وقت وين قررت بنت من دوار تاخد مصيرها وقرارها انها تهرب مع خادم
بنت : راني خايفة لا يشدونا تعرف مصيرنا
الخادم :اوثقي فيا مانخلي حتى حد يقرب منك
بنت : تعرف اني نحبك
الخادم :يلا مابقاش وقت
شدو في يد بعضاهم وجاو خارجين من باب الوراني لحتى حد مايشوفهم
كانو يجرو وكل مرة يتلفتو من وراهم لحتى يشوفو اذا كاين شكون يتبع فيهم أما هيهات فاقو بيهم وقام دوار ماقعد على صياح ناس الى كانت تصيح وكلمة وحدة تتسمع في دوار شدوهم راح يهربو مع بعض
في أثناء كان همام غاطس في نوم من تعب نهار كامل وهو يحضر في عرس ولدو
في وقت هذاك ندق الباب القصر بقوة مرة 
فاقت زهرة على صوت دقان الباب
زهرة : بسم الله شكون جاينا في هالوقت
شعلت الضوء فايوز كانت خايفة  درات لهمام  فيه
زهرة :   فيق باب يدق
همام :   و شكون يتجرأ و يجي في هذا الوقت
زهرة : اسمع هاورجع ندق من جديد
همام : والله صح باب يدق جاء يقوم فتح باب شمبرة من بعد رجع رفد كابوس في يده
وخز مع زهرة ارجعي ارقدي غدوة عندنا شغل بزاف
زهرة :حتى نطمن شكون إلى جاء
همام : كلمة وحدة مانعاودهاش
وجاء خارج بالوقت حل حسان لباب
شخص : سي حسان صارت مصيبة في دوار
حسان : كان هذاك وين فاق احكي واش صرا بلا مطول في تلاغبيب
شخص : بنت من عشيرة هربت
كان  وصل وقت سمع كلمة هذي جمد في بلاصته ويديه رفدت كابوس وأطلق رصاصات في لهواء ورجعت بيه ذكريات لوجع الماضي إلى دفنو في قلبو سنين هو كاتم عليه كلمة وحدة بنت هربت  وخلفت العار بقات تتعاود في وذنو شحال من مرة ياله من سخرية القدر كي يحطنا مرة أخرى في نفس الموقف أما هذا موقف مش من لحمك ودمك
همام بصوت كيف زئير مجروح اجمعو كبار عشير
حسان :نجي معاك  الحاج
همام : مش لازم ارجع للقصر واي حاجة خبرني
حسان :دخل حسان للقصر
جاء طالع وقفو صوت امو
غير خير واش كاين
حسان : والو ايما ارجعي ارقد
زهرة : نقرت لعصى تاعها في لرض نسال فيك مش صغيرة قدامك
حسان : بنت من عشيرة هربت
زهرة : مشات طول لغرفتها وسرحت في ذكرياتها مهما ثمتل القوة الا انو لازم تجي لحظات وين تختفي وتعيش لحظة ضعف وقت يكون جرح مزال مابراش ومش راح يبرى لاخر لعمر
اجتمعو كبار العشيرة في بيت بنت
همام : سلام على الجميع
معروف علاه اجتمعنا بلا تطوال الهدرة
ندخلو في صلب الموضوع
عاداتنا وتقاليدنا معروفين مكانش نيقاش فيهم
الكل : لازم نطبقو الاعدام على الخادم أما
بنت : معروف تختار خيارين إما تتزوج بالرجل كبير في السن ولا تشرب سم مكانش خيار ثالت
بنت وقت سمعت شيء هذا طاحت على طولها ونطقت نفضل سم
همام لهنا : تخيل صورة شخص وقت وقفت قدامو بكل جرأة وخذات جرعة السم وشرباتو
كانو زمان يعيد نفسو هاي بنت أخرى عملت نفس شيء وكان نفس مصير كل واحد رجع لبيتو شيء متحسر على بنت وشيء يقول تستاهل تحدات عداتنا والتقاليدنا.... يتبع