حب مقيَّد بالشرف _جنة آرام_

البارت 29

الحلقة 29:🌹بقلم مروى🌹
تكملة الأحداث السابقة
تقدمت جنة لغرفتها وبالصدفة صادفت دارين خارجة من غرفت آرام أما مانتبهتش وقت لمحاتو راح يقفل الباب جمدت في بلاصتها خزر معاها من فوق لتحت وردخ لباب في وجها
جنة مشات وحست بهذيك فرشات رجعت من جديد وكيف لعادة تجهلتها تماما ونطقت واش بيه هذا تاني هبل ولا واش بالسم الله لاتكون في سبيطار لمهابل ودخلت لغرفتها كانت فاليز صاي طلعوها قبل فتحتها وحبت تخرج ليوم احلى وحدة هيا من قبل مكانش همها لبسة اما درك وقت شافت دارين حست بالغيرة أما مانجمتش تعرف علاه حست هك  شافت وحدة عجبتها حطتها فوق سرير ودخلت لحتى تعمل لدوش
فالوقت هذاك كان أرام خلاص لبس وخرج توجه طول لبيتها حل لباب وخرج وكانت هذاك وين خرجت من دوش
آرام جيت نحكي معاك
جنة بقات تخزر واش بيه هذا كالب هك ونطقت ماعلموكش دق لباب قبل لاتدخل
أرام ممم في قصري ألالة وزيد ندق ملاحة هذي
جنة في قصرك أما هذي صارت غرفتي وراح نعيش لهنا لمرة جاية دق لباب وهذا اذا سمحتلك  تدخل لغرفتي وتعلم ماتفوتش حدودك معايا ورفدت صبعها تهدد
آرام صار يقهقه لقطة كشرت على انيابها مممم وتقدم حكمها على صبعها وضغط عليه رص على سنيه لمرة جاية ماتعليش صوتك عليا واياك ترفدي صبعك هذا في وجهي وقتها تشوفي الآغا الى عمرك لا شفتيه ودمرها على سرير جات طايحة وطلع فوقها صدقيني الا انت مانحبش نفوت حدودي معاك وخزر مع شطر صدرها الى بان وقرب ليها مشك منوعي فهمتي
جنة صدرها صار يعلى ويهبط واحد بسيكوبات مريض اخرج من غرفتي
فالوقت هذاك دخلت مريم عندها لقات آرام راح يخرج خزر معاها من فوق لتحت وخرج
مريم تقدمت تجري لبنتها ميمة ياروحي راك لباس ها قولي عملك شيء وجات لحقاتو
كبست جنة على دراعها شيء أما توحشت بابا هذا مكان
بقات تمسحلها على شعرها تعرفها حساسة من وقت مات بوها اي كلمة تبكاها مريم يلا مابقاش وقت مش من اول نهار نخلوهم يحكو علينا خلي ليلة هذي تفوت على خير
جنة اه اسبقيني نبدل ونجي باستلها راسها وخرجت .....يتبع