حب مقيَّد بالشرف _جنة آرام_

الحفيدة جنة حازم آل همام

الحلقة 15:🌹بقلم مروى🌹
تكملة الأحداث السابقة
بينما جنة كانت تواجه هذا المستفز الى ظهر اماهها فجأة كيف كابوس وبدون سابق انذار ..روجوعا للقصر آل همام الڨاسمي وين كان ممدود فوق سرير وآلات دايرة بيه
زهرة : كانت تشوف فيه كيف صار عندو 3سنين هو على حالة هذي  ومكانش تحسن حتى أطباء عجزو على حالتو دخلت خديجة في لحظة هذيك
خديجة لالة وقت لفطور
زهرة كيفاه نوكل والحاج هك
خديجة قضاء الله وقدر لالة راح يرجع بيناتنا كيما قبل
زهرة : امين ولدي آرام ماعيطش
خديجة : ماعيطش لالة مكان حتى خبر علاها 
زهرة ماتقوليش هك نحنا الى غلطنا وطردناهم منا الحاج من نهار سمعنا بموت ولدو وهو هاز في قلبو لي صار بالحالة هذي
خديجة هيا سباب كلشي كيفاه راح ترجع ودور بيناتنا عادي كانو ماصرا والو
زهرة انا حابة حفيدتي الى ماشبعتش من ريحتها هذيك ريحة غالي ونزلت دمعت ام حزين على كبدتها
خديجة رتبت على كتافها فيها خير يلا نروحو نفطرو
زهرة اسبقيني درك نجي بقات تخزر بعيد 
                     **فلاش باك**
همام : طلقها ولا تخرج من قصر لاك ابني ولا نعرفك
حازم : نخرج الحاج موحال نسلم فيها
همام : عمري لاراح نسامحك انت خيرتي ق*** هذيك على عائلتك
حازم : عندها اسم مرتي هذيك
انا مش كيفكم انا مانحب والو من غيرها
وقت تلاقيت باها صارت حياتي عندها معنى
همام دور راسو عليه اخرج منا منزيدش نشوف وجهك
حازم :راح يجي نهار وتندم وخرج
جات زهرة فايتة خزرت معاه وراحت كأنها تلوم فيه على  إلى عملو وماحسبلها حتى حساب
حازم : رايح وجهي معادش تشوفوه وتقدم مشاء راح لمريم يلا نروحو
مريم : علاه
حازم : بقاتش لينا قعدة لهنا
قامو راحو أما مريم حست انها تسرعت وتسببت في مشكلة لحازم فاتو الايام عادية
همام كانت فرحتو ماتوصفش وقت سمع لخبر وانو راح يجيهم حفيد
فالحضة تفكر ولدو حازم وانو حتى هوا راح يرزق بالولد لتما راح يحس واش حس هو واكيد راح يعذرو وي سامحو أما للقدر كان رأي آخر ....
                **نهاية فلاش باك**
نرجعو للحاضر وين مريم كانت خلصت شغل وروحت لدار
أما تفاجئت انها مازالت دورك مزالت ماجات من بعد تفكرت سمر صحبت جنة من صغر هوما مع بعض حتى طلعو للجامعة وماتفارقوش ولا لحظة
صارت دور على رقم تاعها من بعد لقاته
مريم :سمر بنتي جنة معاك
سمر : لا خالتي انا ليوم مارحتش للجامعة تكون تشدت في الكور هذا مكان ماتقلقيش روحك
مريم :باهي يابنتي اذا تصلت بيك خبريني
سمر: اكيد خالتي ماتقلقيش وكوبات
وصارت تعيط لجنة أما مارفدتش وينك وينك اوووف
في الوقت هذاك وين كان كل مشغول عليها
كانت هيا خلاص خرجت من قصر
آرام : راح يوصلك
جنة : راحت ركبت طول. في طونوبيل
بلا ماحكات ولا كلمة
آرام شر للقارد وصلوها لدار طول وردو بالكم عليها
قارد: حاضر الاغا انطلقت طونوبيل ديراكسيو لبيت جنة وهيا تتخبط في تفكيرها
توافق ولا ترفض هاي جاتني فرصة لحتى ننتقم منهم كامل جات فرصتي لحت. نرجع حق بابا الى مات بحسرتو...يتبع