الحلقة 77 :
تكملة الاحداث السابقة
طلعت جنة في طوموبيل بعد ماسكرت الباب بالقوة ...الى صوت وصل لوذنين ارام....قطب حاجبو ...وراح ناحيتها ...شاف معاها بالنضرة باردة ...وطلع ركب في جيهة الاخرى ...بعد ما عطى الامر لشيفور لحتى يمشي ... فاتو دقايق وهوما ساكتين حتى ...وين جنة كسرت السكوت....ومدت يديها لي شيفور ....وصلت لهذا لعنوان ...شاف معاها شيفور ومن بعد رجع عينيه لآرام ...وعلامة الاستفهام على وجهو ...
ارام بعدم فهم ... مش قلتي رايحة لشريكة....
جنة شافت معاه بالعفوية اه رايحة لشريكة...اما ماقلتش وانا شريكة ....بقاو يشوفو في عينين بعضاهم ...لثواني حتى قاطعهم شيفور،...وقت حمحم ...مدام وصلنا ....تبسمت جنة على جنب...مادموازل من فضلك ... ولا جنة حاف بدون القاب ....ارام كان مركز عينيه على شريكة ...قبل مايتلفت ليها ....ويسألها لقاها ....خلاص طارت من قدامو ونزلت ...بسرعة البرق ...تتفادى اسئلة ارام ....
هزت راسها لشريكة ....لقات بناية ....كبيرة بزاف وكامل مرايات. ...لدرجة انك تقدر تشوف كلشي لبرا ...تمشات بخطوات ثابتة واثقة من نفسها ...حتى وصلت لقات سيكريتريا...جنة : صباح الخير....مسيو ثيم *** لهنا ..ً.شافت معاها سكريتيرا ... عندك موعد ...جنة ...هو صراحة لا ...انا جيت من طرف ادم شمسي ....شافت معاها سكريتيرا لحضة ....بعد ماعملت اتصال لثيم تخبر ...فيه انو كاين ضيفة من طرف ادم ...وساعت تبسيمتو ...ممم. خليها تتفضل... ترسمت على وجهو ابتسامة خبيثة ... وحكى ...والله يادم عملتها ...ضاهر لازم نعاود حسباتي معاك ....
نرجعو للقصر...الى بعد ماكملو لفطور ...كل واحد شد خدمتو. ..في هذاك الوقت سمر كانت قاعدة في صالون مع مريم....ولالة زهرة ...الى من قعدت ...معاها وهيا تسال فيها. ...وهذيك تجاوب. ..لعنت زهرها كانت ناوية تخرج هيا و جنة ...اما فرخة صدقت رايحة مع آرام ...وخلاتها هيا لهنا ...في هذيك اللحظة...دارين كانت نازلة ومتجهة لصالون ...وصوت طالونها سابقها ....شافت مع سمر من فوق لتحت ....وتبسمت على جنب ....من بعد قعدت فوق فوتاي ...مقابلتها ...وعملت رجل فوق رجل ...تقول راهي في دارها...رفدت مجلة ...ولات تقلب فيها ...تشوف في صفحة المشهورين ...تحوس على فضيحة لحتى تقدر تتسلى بيها ...وتغدي ولوجزء بسيط من عقلها لمريض ....سمر في هذاك الوقت استاذنت منهم ...وطلعت برا قصر ...قابلتها من هيك مزرعة ....ماحتاجتش تفكر مرتين ....طول لقات رجليها هازينها وحدها....غافلة على لعينين الى يتبعو ...فيها ويتفحص في كل شبر من جسمها ...تنهد ومسح على وجهو ...بعد مافاق على روحو ...رمى سيجارو من يدو ....وراح يتبع فيها.... في هذاك الوقت سمر ...حسن بواحد يتبع فيها ...تلفتت تشوف شكون....لقات هوا ...شكون غيرو ...يقدر يتجرأ ...يدخل لقصر همام ...شافت فيه من فوق لتحت...ضربت شعرها رجعاتو وراء وذنيها ....وتبسمت تبسيمة استهزاء ...وكملت تمشي ...ياسر شاف جاست الى عملاتو ...وهمس ممم...قطة لازمها ترويض...
كيما كان الحال ....سمر كملت تمشي ... وقلبها يقفز من فرحة ... وتهمس بينها وبين نفسها ...راح ندمك ...توا تشوف واش نعمل فيك ...ولا مانتسماش سمر ....مافقتش بروحها.... حتى وصلت للبحيرة ....كانت قريبة للمزرعة ....خطات خطوة اخرى ...اوب تجي طايحة .... في وسط الماء يتبع
أنت تقرأ
حب مقيَّد بالشرف _جنة آرام_
Mystery / Thrillerتمهلي سيدتي.... فانا رجل شرقي بربري ..... تحكمه غرائزه حيوانية ..... لاافقه لغة الحب .... بل اجيد لغة الجسد ..... تمهل سيدي فانا امرأة خلقت من طين .... كرمني الاسلام .... وأوصى بي الرسول ..... وسورة انزلت من القرآن..... تمهلي سيدتي ..... فان...
