حب مقيَّد بالشرف _جنة آرام_

البارت 18

الحلقة 18:🌹بقلم مروى🌹
تكملة الأحداث السابقة
جنة نظن اني كبيرة ونعرف واش نعمل
في لحظة هذيك مريم فقدت اعصابها وتقدمت منها وعطاتها كف تخلخل وجها
اطلعي بيتك وماتخرجيش منها
جنة طلعت تجري لبيتها رفدت تليفون الو وينك ارواح  اديني منا
.... :واش اسكتي ويزي من لبكا واحكي واش بيك
جنة : مامي ضربتني اهيء اهيء اهيء
....:اش واش قلنا على لبكا فهميني واش كاين قبل وش صار احكي ربك ماتعصبينيش
جنة صارت تحكيلو من اول للآخر هاك عرفت وهذا الى صار
....:استغرب من لحكاية وكانو سامعها من قبل أما ماركزش ياسر فيها باهي  درك نبعتلك واحد يوصلك لدار
جنة : لا نحبك انت توصلني
....: جنة راني بعيد خارج لمدينة تعرفي خدمتي
جنة :باهي مالا قولو يوصلني عند سمر مانحبش نقعد وحدي
....: كيما تحبي امسحي دموعك درك واضحكي باهي ياروحي 
جنة : باهي نستناك ماطولش عليا كوبا عليها
جمعت جنة صوالحها وهبطت لقات مريم مزالت في صالون تخمم في الموضوع الى خرجتلها بيه بنتها بينما هيا في أفكارها فيقها صوت جنة نازلة وتكركر في فاليز
مريم : بقات تشوف معاها من بعد بلعت ريقها جاء ليوم إلى كانت خايفة منو ونطقت بالصوت خافت خايفة من الايجابة تع بنتها وخايفة اكثر انو تخسرها من بين يديها بعد ماحاربت الدنيا هذي كامل على جالها
مريم : وين ماشية
جنة : بقات تخزر معاها ماتخافيش ماشي هاربة من دار
مريم : جنة رد بالك على كلامك معايا
جنة : رايحة عند سمر عرفتي درك وجات خارجة
مريم : امشي اطلعي لغرفتك مكانش خروج وفي لوقت هذا راكي شابعة بروحك
راح يوصلوني ماتخافيش لوكان نقعد لهنا نتخنق
مريم : وشكون راح يوصلك ألالة ها من وقتاه صارو يوصلوك
جنة جات راح تجاوبها أما وصلت طونوبيل بالوقت كركرت فاليز وجات خارجة
نطقت مريم ارواح حازم وشوف بنتك واش ولات تعمل
سمعتها جنة توقفت ودارت ليها لقاتها طايحة على ركايبها وتبكي في لحظة هذيك خطات خطوة لقدام راح تجري تحظنها وتوقلها راني معاك موحال نخليك أما تراجعت ودارت راحت تجري لطوموبيل وركبت ديراكسيو لبيت سمر بعد مامدتلو لعنوان
ممكن يكون تصرف جنة اناني أما لكل وحدة وجهة نظر جنة في نظرها انها ترجع حقها وحق بوها وامها تاني وتحارب العادات والتقاليد أما مريم كانت خايفة لاتخسر بنتها وسط هذي العادات  كيف ماخسرت راجلها وسندها في الحياة....يتبع