"မမသွယ်...ခေါက်ဆွဲသုပ်တော့မကျန်တော့ဘူးတဲ့၊အဲ့ဒါနဲ့ မုန့်ဖတ်သုပ်ပဲဝယ်လာတယ်...ရတယ်မလား၊အစပ်လျော့ခိုင်းထားတယ်"
ထက်ထက်တစ်ယောက် သွယ်သွယ်စေခိုင်းမှုကြောင့် ဆိုင်ရှိလူများစားရန်အတွက် လမ်းထိပ်မှရခိုင်မုန့်တီဆိုင်က အသုပ်များဝယ်ပြီးပြန်လာရင်း အကြောင်းပြန်သည်။
"အေးအေးရတယ်"
သွယ်သွယ် အသုံးမလိုတော့သောပြန့်ကျဲနေသည့် တိုလီထွာလီပိတ်စများကို စုသိမ်းရင်းပြောသည်။
ဆောင်းဦးကတော့ ကာစတန်မာတစ်ယောက်၏ ကိုယ်တိုင်းကိုယူရင်းစကားစမြည်ပြောနေသည်။
"ဝတ်ရည်ကဘာစကင်းကဲသုံးတာလဲဟင်၊အသားအရည်ကောင်းလိုက်တာ"
တက်သစ်စသရုပ်ဆောင်ဖောက်သည်မလေးကဆောင်းမျက်နှာကိုစေ့စေ့ပေါက်ပေါက်ကြည့်ရင်းမေးသည်။ရုတ်တရက်အမေးခံရသဖြင့် ဆောင်းဦးအနည်းငယ်ပင်ရှက်ပြီးမျက်နှာပူမိသည်။
"ဘာမှတော့တကူးတကမသုံးဖြစ်ဘူး။မျက်နှာသစ်ရယ်၊တခါတလေမသွယ်ပေးထားတဲ့အစိုဓာတ်ဖြည့်ခရင်မ်ပဲသုံးဖြစ်တာ"
ဧည့်သည်မလေးက အံ့သြအားကျသည့်မျက်လုံးတောက်တောက်များနှင့်ကြည့်ပြီး...
"ဘာမှမသုံးပဲဒီမျက်နှာရှိတာ အားကျလိုက်တာ...မီးဆိုရင် စကင်းကဲပေါင်းသောင်းခြောက်ထောင်သုံးလည်း မရပါဘူး။ရေဆိုတာကလည်းသောက်လိုက်ရတာရှူးပိုပေါက်ရတာပဲအဖတ်တင်တယ်၊ ဘုတွေထစ်တွေကထွက်လိုက် အမာရွတ်ကျန်လိုက်နဲ့၊အခုတောင်ဆေးခန်းနဲ့သေချာပြနိုင်လို့ဒီလောက်ပဲဖြစ်နေတာ...ရှူတင်မှာကမိတ်ကပ်နဲ့ဖုံးနိုင်ပေမဲ့ အမြဲတမ်းကျဘယ်အဆင်ပြေမလဲနော်....ပင်ကိုအသားအရည်ပါကောင်းနေမှရတာ၊အားကျလိုက်တာ...ပြောင်ရှင်းနေရော"
"ကျေးဇူးတင်ပါတယ်၊ဒါနဲ့ mv ကဘယ်တော့ထွက်မှာလဲ"
"နောက်လကျမှထွက်မှာ...ထွက်ရင်အားပေးဦးနော်"
"ဒါပေါ့...အားပေးရမှာပေါ့"
ဆောင်းဦးသည်လည်း အလုပ်ရပြီးနောက် ဝင်ဆန့်ရသည့်နယ်ပယ်က ကျယ်လာလေလေ အတွေ့အကြုံကသင်ပေးလေကြောင့် ယခင်ကထက် ပို၍လူမှုပေါင်းသင်းဆက်ဆံရေးပြေပြစ်လာခဲ့သည်။အရာရာကိုမကြောက်မရွံ့ရင်ဆိုင်နိုင်သည့် သတ္တိမရှိသေးသည့်တိုင် ယခင်ကထက်တော့ကိစ္စတိုင်းအပေါ်ကြောက်မနေတော့ဘဲ ယုံကြည်မှုလည်းပိုရှိလာခဲ့ပြီဖြစ်သည်။
ESTÁS LEYENDO
ဆောင်းတို့သည်လည်း မအေးတော့ပြီ
Novela Juvenil(on going) ဆောင်းဟူသည် အေးချမ်းသောအရာဟု တင့်စားပါလျှင် ကိုယ့်ဆောင်း သည်အဘယ်ကြောင့်ပူလောင်ရပါသနည်း... ဆောငျးဟူသညျ အေးခမြျးသောအရာဟု တငျ့စားပါလြှငျ ကိုယျ့ဆောငျး သညျအဘယျကွောငျ့ပူလောငျရပါသနညျး...
