Who Just Started‽ [✔︎]

1.2»»

[Unicode]

တီတီ.....~

အိပ်ရာဘေးက စားပွဲခုံပေါ်တင်ထားတဲ့ နှိုးစက်နာရီကအသံကြောင့် ဟာနူး မျက်လုံးမဖွင့်ဘဲ လက်ကိုခုံပေါ်တစမ်းစမ်းဖြင့် နာရီကိုပိတ်လိုက်သည်။

*ဝှါးး~*

သမ်းဝေရင်း မျက်လုံးတစ်ဖက်ကိုလက်နဲ့ ခပ်ဖွဖွပွတ်ကာ နာရီကို ကြည့်လိုက်တော့ ၁၀ နာရီ....။

ဒီနေ့ကို ထူးထူးဆန်းဆန်း ခွင့်ရက်တစ်ရက်ပေးလိုက်တဲ့ CEO ကြီး ဂျွန်ဂျောင်ကုကြောင့် ဟာနူးပိတ်ရက်ကိုအပြည့်အဝခံစားကာ အများကြီးအိပ်လိုက်မိသည်။

အခုတော့ ပိတ်ရက်မှာသွားစရာရှိသည့်နေရာတစ်ခုရှိတာကြောင့် ဟာနူးအိပ်ရာပေါ်မှထလိုက်ကာ ဆံပင်ကို စားပွဲပေါ်က ခေါင်းစည်းကြိုးအညိုရောင်လေးကိုယူလိုက်ပြီး ခပ်ပွပွဖြစ်နေတဲ့ ဆံပင်တွေကို စုစည်းလိုက်သည်။
ထို့နောက် အိပ်ရာကို သပ်သပ်ရပ်ရပ်ခေါက်သိမ်းကာ ရေချိုးခန်းဘက်ကိုသွားလိုက်သည်။

~တောင်~

မျက်နှာသစ်အပြီး ရေချိုးခန်းထဲကနေမျက်နှာသုတ်ရင်းထွက်လာတုန်း ကြားလိုက်ရတဲ့ message အသံကြောင့် ဟာနူးမှန်တင်ခုံပေါ်တင်ထားတဲ့ ဖုန်းဆီကိုလျှောက်လာလိုက်ပြီး ဖုန်းကိုကြည့်လိုက်တော့

*မမဟာနူး ဒီနေ့လာမှာမလား*

ဦးလေးကန်ရဲ့သမီး ဂျီယာလေးဆီက message ကိုဖတ်လိုက်ကာ ဟာနူးတစ်ချက်ပြုံးလိုက်သည်။

ဒီကလေးမ ညကလည်း ဖုန်းလှမ်းဆက်သေးသည်။
ခုလည်း မလာမှာစိုးလို့ ထပ်မေးနေပြန်ပြီ။
ဟာနူးက ဂျီယာလေးတို့ဆီ နဂိုကမကြာမကြာ လာလည်ဖြစ်ပြီး ဂျီယာသေးသေးလေးတည်းကဟာနူးနဲ့ သိတာကြောင့် ဟာနူးကိုဂျီယာလေးက အလွန်ခင်ရှာသည်။
ခုနောက်ပိုင်း အလုပ်ဝင်ပြီးတည်းက ဦးလေးကန်တို့ မိသားစုဆီ အလည်မလာဖြစ်တော့တာ အတော်ကြာပြီမို့ ဂျီယာလေးတို့နဲ့ မတွေ့ရတာတောင် အတော်ကြာပြီဖြစ်သည်။