Who Just Started‽ [✔︎]

2.6»»

[Unicode]

"သတို့သား ဂျွန်ဂျောင်ကုသည် သတို့သမီး ဗျောလ်ဟာနူးလ်အား ဆင်းရဲသည်ဖြစ်စေ ၊ ချမ်းသာသည်ဖြစ်စေ ၊ အေးအတူပူအမျှဘဝကို အတူတူပျော်ရွှင်စွာ ဖြတ်သန်းသွားပါမယ်လို့ သစ္စာဆိုပါသလား?"

ရင်ထဲမှ လှိုက်ဖိုလာသော ပျော်ရွှင်မှုများကို ဟန်မဆောင်အား ၊ မတုန့်မဆိုင်းပဲ သူဆိုမိသည်။

" သစ္စာဆိုပါတယ်။ "

ခမ်းနားလှသော အဖြူရောင်အပြည့်နှင့် ကျက်သရေရှိလှစွာ ဖန်သားများဖြင့်စီချယ်ထားသော တလက်လက် မင်္ဂလာခန်းမကြီး၏အလယ်တွင် မင်္ဂလာပွဲ၏ အဓိက‌ဇာတ်လိုက်များဖြစ်ကြသော သတို့သားဂျွန်ဂျောင်ကု နှင့် သတို့သမီးဆိုသူဗျောဟာနူးတို့က ခမ်းနားလှစွာသော အဖြူရောင် မင်္ဂလာဝတ်စုံများအသီးသီးဖြင့် တခမ်းတနားဝတ်ဆင်ကာ ဖာသာ၏အရှေ့၌ နေရာယူကြသည်။

ကိုရီးယားနိုင်ငံ၏ အချမ်းသာဆုံးသောလုပ်ငန်းရှင်များစာရင်းဝင် ၊ ဂုဏ်ပုဒ် ၊ ရာထူးများနဲ့မလိုက် အသက်အရွယ်လည်းငယ်လွန်း၍ လူတိုင်းနီးပါး၏ အာရုံစူးစိုက်မှုကိုရရှိထားသော စီးပွားရေးလုပ်ငန်းရှင် ၊ စိတ်မရှည်တတ်၍ လူမှုဆက်ဆံရေးသိပ်မပြေပြစ်စေအုန်း ချစ်သူပင်ရှိသည်ဟုမကြားသိရသော ပျိုတိုင်းကြိုက်တဲ့ နှင်းဆီခိုင် J Group ၏ ပဲ့ကိုင်ရှင် CEO ဂျွန်ဂျောင်ကုသည် နဂိုတည်းက များလှစွာသော ဂုဏ်သတင်းများအလှိုင်လှိုင်ဖြင့် အဖက်ဖက်က ပြည့်စုံသည်ထက်ပင်ပိုနေသောသူဖြစ်သည်။

အနုပညာရှင်တစ်ယောက်မဟုတ် ၊ အဆိုတော်မဟုတ် ၊ မင်းသားလည်းမဟုတ်ပါသော်ငြား မိန်းကလေးများ၏ အိပ်မက်သတိုးသားလောင်းပင် ဖြစ်ကာ ရည်းစားရှိသည်ဟုပင် တစ်ခါမှ သတင်းမထွက်ခဲ့သော CEO ဂျွန်ဂျောင်ကုသည် ဆိုင်းမဆင့်ဗုံမဆင့်သော မင်္ဂလာပွဲသတင်းကြောင့် အားလုံးပင် ဆူဆူကျက်ကျက်မြည်အောင် ပွတ်လောရိုက်သွားစေခဲ့သည်။

မည်သူမျှမခန့်မှန်းမိခဲ့သည်က ဂျွန်ဂျောင်ကု လက်ထပ်မည့် မိန်းကလေးသည် သူ၏ Company မှ အတွင်းရေးမှူးမိန်းကလေးပင်။

CEO တစ်ယောက်ရဲ့ မင်္ဂလာဆောင်က လိုအပ်သည်ထပ်ပိုကာ သတင်းထောက်များနှင့် ကင်မရာများတဖျတ်ဖျတ်ရိုက်နေကြသည်။