Unicode & Zawgyi
Unicode
သက်ပြင်းတစ်ချချနဲ့အိမ်ပြန်ခဲ့လိုက်တော့စောင့်ကြိုနေသည်ကခါတိုင်းလိုမှောင်မဲနေသောဧည့်ခန်းမဟုတ်။အပြုံးချိုချိုနဲ့ကောင်လေးဖြစ်သည်။အနည်းဆုံးတော့အထီးကျန်စရာမလိုဘဲအဖော်ရတာပေါ့ဟုသာတွေးထားလိုက်သည်။
"ကူး.....ထမင်းစားမလား.....ကျွန်တော်ချက်ထားပေးတယ်"
"ဟင်.....မင်းက......ဘယ်လို"
"သေချာအာရုံစိုက်ပြီးလုပ်ရင်ကျွန်တော်ကပစ္စည်းတွေကိုကိုင်နိုင်တယ်"
"ဟုတ်ပါပြီ.....ဒါဆိုကိုယ်ရေသွားချိုးလိုက်မယ်.....ထမင်းပြင်ထားပေး"
"ဟုတ်ကဲ့"
သူတို့ပုံစံကကြင်စဉီးဇနီးမောင်နှံလေးနဲ့တူကြောင်းတွေးမိသွားတော့ကျဆင်းနေတဲ့ရေစက်တွေကြားမှပင်ဂျောင်ကုပြုံးလိုက်မိသေးသည်။မဖြစ်နိုင်မှန်းဆက်တွေးမိလိုက်တော့မျက်နှာကိုခပ်ကြမ်းကြမ်းဖိပွတ်ပစ်လိုက်သည်။ဒီလိုစိတ်ကူးမယဉ်သင့်ပါ။တကယ်ဆိုထိုကောင်လေးကလူသားတစ်ယောက်တောင်မဟုတ်။အချစ်မှာပျော်ဝင်နေဖို့အတွက်လည်းဂျောင်ကုတွင်အချိန်မရှိ။
"သတိထားစမ်းဂျွန်ဂျောင်ကု......မဖြစ်နိုင်တာကိုစိတ်ကူးမယဉ်နဲ့"
မှန်ထဲတွင်ပေါ်နေတဲ့ကိုယ့်ပုံရိပ်ကိုပြန်ကြည့်ကာသတိပေးလိုက်သည်။ကိုယ့်ပုံရိပ်ကိုကြည့်ရင်းနဲ့ပင်ကိုကို့ကိုလွမ်းလာပြန်သည်။အချိန်တွေကြာလာတာနှင့်အမျှကိုကို့အပေါ်ထားရှိတဲ့အလွမ်းထုထည်ပမာဏသည်ပို၍ပို၍ကြီးလာသည်။
ထားမသွားပါဘူးလို့ကတိတွေအထပ်ထပ်ပေးခဲ့တဲ့ကိုကို။ကတိမတည်တဲ့ကိုကို။ပြန်လာခဲ့မယ်လို့ပြောပေမဲ့ပြန်မလာခဲ့တော့တာဒီနေ့ဆိုနှစ်နှစ်ကျော်ပြီ။ရာသီတွေအလီလီပြောင်းလို့၊အချိန်တွေတစ်ရွေ့ရွေ့လည်ပတ်နေပေမယ့်ကိုကိုကတော့ပြန်မလာခဲ့ပါဘူး။
ကိုကို့အစားရောက်လာပေးတဲ့သူကတော့ကိုကို့လိုထပ်ထားမသွားဘူးမို့လား။
YOU ARE READING
LOVE MAZE ||KOOKJIN|| [Completed]
Fanfictionချစ်ရသူအတွက်အချစ်ကိုစတေးရာမှအချစ်ဝင်္ကပါထဲတွင်ပျောက်ဆုံးသွားသောနှလုံးသားများ ခ်စ္ရသူအတြက္အခ်စ္ကိုစေတးရာမွအခ်စ္ဝကၤပါထဲတြင္ေပ်ာက္ဆုံးသြားေသာႏွလုံးသားမ်ား