LOVE MAZE ||KOOKJIN|| [Completed]

Final

Unicode & Zawgyi

Unicode

ရွှေဝါရောင်နေမင်းသည်တာဝန်ကျေပွန်စွာဖြင့်လူသားတို့ရှင်သန်နေထိုင်ရာကမ္ဘာမြေပေါ်အားတာဝန်ကျေပွန်စွာဖြင့်အလင်ပေးလျှက်ရှိသည်။နေ့လည်မွန်းတည့်ခါနီးအချိန်ဖြစ်သည့်အလျှောက်အပူရှိန်သည်လည်းတရိပ်ရိပ်တက်လာကာအမြင့်ဆုံးသောအချိန်တစ်ခုအားစောင့်ဆိုင်းနေလျှက်ရှိသည်။ဆောင်း၏အဖော်မွန်ဖြစ်သောနှင်းစက်​တို့ကျဆင်းနေပေမယ့်နေရောင်နွေးဖျဖျဝင်ရောက်လာသောအခါတွင်တော့ရေမှုန်ရေမွှားလေးများအဖြစ်ပြိုကွဲရတော့သည်။

ထို့အတူချစ်သူရည်းစားဆက်ဆံရေးတစ်ခုတွင်လည်းဒုတိယအကြိမ်ဆိုသောရင်ခုန်သံမွေးဖွားလာပါကအတူရှိခဲ့သောအချိန်တွေဘယ်လောက်ပင်များခဲ့ပါစေထိုကာလများသည်ရေမှုန်ရေမွှားများအဖြစ်ပျောက်ကွယ်ရမည်သာ။

Incheon International Airport

ဆောင်းတွင်းဖြစ်တာကြောင့်ဆွယ်တာအထပ်ထပ်၊Coatအထပ်ထပ်နဲ့အအေးဒဏ်ကိုအံတုနေကြပါသော်လည်းထိုအထဲတွင်တော့လူအများနှင့်ဆန့်ကျင်စွာချွေးဒီးဒီးကျနေသောလူတစ်ယောက်။ပို၍တိကျစွာပြောရပါလျှင်ကောင်လေးတစ်ယောက်။လေဆိပ်အလယ်တွင်ရပ်ကာလူတစ်ကိုယ်လုံးကို360°ပြည့်အောင်လည့်ပတ်နေပြီးလူတစ်ယောက်ကိုရှာနေပုံမှာထိုလူကိုသာရှာမတွေ့ပါကတစ်ဘဝလုံးနောင်တတရားကိုသာအဖော်ပြုရတော့မယောင်။

ဘယ်တွေသွားနေလို့၊ဘယ်တွေရောက်နေပြီလဲယောင်းရာ။ငါ့ကိုဒီလိုကြီးထားသွားတာတော့မဟုတ်ဘူးလေယောင်းရယ်။နားလည်ပေမယ့်.....စွန့်ပစ်သွားမလားဆိုပြီးကြောက်လန့်တုန်လှုပ်နေတဲ့မင်းခံစားချက်ကိုနားလည်ပေမယ့်ဒါကြီးကတော့မဟုတ်သေးဘူးလေကွာ။

ယခုလောလောဆယ်ရှာဖွေနေတဲ့နေရာမှာမတွေ့သေးတာကြောက့်နောက်တစ်နေရာပြောင်းရှာဖို့ဆုံးဖြတ်လိုက်သည်။ဒါကြောင့်USခရီးသည်များစီတန်းရာနေရာသို့အပြေးသွားလိုက်ပြီးတစ်ဖက်သက်ဆုံးဖြတ်ချက်ဖြင့်ထွက်သွားခဲ့ပါသောကောင်လေးငယ်အားလိုက်၍ရှာနေမိသည်။