Attraction Series 5: Enemies Affection (Completed)

Kabanata 8

Girlfriend

"ARAY!"

Atungal ko ng maramdaman ang sakit sa paa dahil sa ingrown na nakuha sa kuko. Halos kanina pa ako maiyak-iyak habang nililinisan ang kuko sa mga kamay tapos ngayon naman pati sa mga daliri sa paa.

"A-Ayoko na..." naiiyak na sambit ko ng makitang namumula na ang paa ko.

"Ma'am, saglit na lang po, matatapos na rin," sabi ng manikyurista at naiilang na ngumiti.

Humaba ang nguso ko at lumingon kay Clyde na prenteng nakaupo habang nagbabasa ng magazine.

"Kanina pa kasi eh. Bakit naman kapag naglilinis ako ng kuko hindi masakit?" anas ko sabay kagat ng labi.

Napansin ko agad ang paghulma ng ngiti sa labi ni Clyde kaya lalong sumimangot ang mukha ko at napairap ako sa kawalan.

"Just be patient, Francine. You'll be done there later," mahinang sinabi niya.

Natahimik na lang ako at muling nakagat ang labi dahil sa panibagong ingrown na natanggal sa kuko. "Pahinga sleeping pills!" mariin na sinabi ko.

Napabalimg ako kay Clyde nang mapansin ko sa sulok ng kanang mata ang pagtayo niya. Nakangisi siya habang naglalakad palapit sa akin. Napalunok ako at agad namula ang mukha ng sumilip sa paa kong nililinis.

"Ang dumi naman kasi ng paa mo," komento niya.

"Eh, wala kang pake!" asik ko at inirapan siya.

Narinig ko na lamang ang mahina niyang halakhak akala ko aalis na siya ngunit nagulat ako ng hinila niya ang isang upuan at tumabi sa akin, binalingan ko ulit siya na hindi nawawala ang ngisi sa labi.

"You want to ease the pain?" biglang tanong niya.

Kumunot ang noo ko habang nakatitig sa mukha niya na may mapaglarong ngisi sa labi. Inirapan ko siya at bumaling sa paa ko ngunit napasigaw muli ako. "Ayoko na talaga-"

Naputol sa ere ang sinasabi ko nang biglang may malambot na bagay ang lumapat sa bibig ko at kasabay nang pamimilog ng mga mata ko sa gulat. Dahan-dahan siyang lumayo sa akin at bahagya pang pinasadahan ng dila ang kaniyang labi.

"See? You shut your mouth," mahinang sinabi niya at bahagyang humalakhak.

Napakurap-kurap ako hanggang sa unti-unting bumalik sa reyalidad. "How dare you to kiss me?!"

Sa gulat ko ay hindi ko napigilan ang mapasigaw ngunit agad niyang tinakpan ang bibig ko gamit ang kamay niya at pumungay ang mata.

"Stop shouting, you're disturbing other customer...." anito.

Sinamaan ko agad siya ng tingin at kinagat ang kanyang kamay kaya mahina siyang napadaing sa sakit. "Bakit mo ako hinalikan?!" mahina ngunit mariin na sinabi ko.

Tumaas ang isang kilay niya bago tinitingnan ang palad niya na mabasa-basa dahil sa laway ko. Napatikom ang bibig ko at nag-iwas ng tingin dahil sa kahihiyan hanggang sa makita ko ang tissue sa gilid ko, inabot ko iyon at ibinigay sa kaniya.

Sinimangutan ko siya ng mapansing nakatitig na naman siya sa akin. Umiiling-iling ang kanyang ulo at tinanggap ang tissue bago muling bumulong-bulong.

"It's just a kiss Francine, but you act like we didn't do anything more than that."

Mabilis na nag-init ang mukha ko at luminga-linga sa paligid at napansin kong nakatingin sa amin ang manikyuro\ista na may ngiti sa kanyang labi.

"Ang sweet n'yo ni sir, Ma'am..."

Yumuko na lang ako at natahimik, hindi na nagsalita pa. bahala siya diyan ang dami niya kasing alam. Kung hindi niya ba naman ako dinala rito sa salon eh, hindi ako magsisigaw sa sakit.