Attraction Series 5: Enemies Affection (Completed)

Kabanata 23

Pursue

Nakatanaw ako mula sa labas ng simbahan habang kasalukuyang ikinakasal si Christine at si Clyde. Bumaba ang tingin ko sa umbok niyang tiyan kaya hindi ko maiwasang masaktan.

Marahang humaplos ang palad ko sa tiyan na medyo umbok na rin. Hindi ko maiwasang mapatitig sa mukha ni Clyde na masayang-masaya habang papalapit sa kaniya si Christine.

Mahina akong napahikbi habang pinapanood ang pangyayari. "Akala ko ba gusto mo ako? Bakit hindi ka gumawa ng paraan para magustuhan din kita?" bulong ko sa kawalan.

Nanatili ako sa kinaroroonan ko habang patuloy na bumabagsak ang luha mula sa mata. Yumuko ako at hindi mapigilan ang paninikip ng dibdib.

"Baby, paano kaya kung binigyan natin ng chance si daddy mo noon? Ikakasal pa rin kaya siya ngayon?" kausap ko sa batang sinapupunan ko.

Bumalik ang tingin ko sa harap ng simbahan. Muling bumuhos ang luha ko bago dahan-dahang tumalikod.

"B-Baka nga binigay ka lang talaga ni Lord, para may kasama ako sa buhay. Baby huwag mo na akong iiwan ha? Iniwan na ako ng lahat, sana ikaw... huwag mo rin akong iwanan..."

Biglang bumuhos ang malakas na ulan at hinayaan ko itong bumasa sa akin kaya lumakas pa lalo ang hagulgol ko. "Thank you, Rainy. Lagi ka talagang dumarating sa tuwing kailangan kita..."

"Francine, Francine., wake up..."

Mahina akong napadaing nang maramdaman ang magaspang na palad ang humahaplos sa mukha ko. I slowly opened my eyes but I quickly closed it 'cause I saw a blurb version.

Muling humaplos ang palad sa pisngi ko na para bang pinapahiran ang luha sa mata. Dumilat muli ako at sa pagkakataong 'to, malinaw na ang paningin ko kaya kitang-kita ko ang taong bumungad sa paningin ko.

Napabangon ako at diretsong tiningnan siya.

"Anong ginagawa mo rito?! 'Di ba kinakasal ka na?!" singhal ko sa kaniya.

Kumunot ang noon niya pero unti-unting napalitan nang pagngisi. "Umiiyak ka dahil ikakasal ako?"

Nagsalubong ang kilay ko nang hawakan ko ang pisngi ko. At bakas nga ang tuyong luha.

I heard him chuckling so I glanced back at him. "Don't tell me, you've dreamed of me about my wedding?" namamanghang anito.

Umismid ako sa kaniya at tumingin sa labas ng bintana kaya lalong lumakas ang tawa niya. "O baka naman gusto mong ikasal na tayo?"

Bumalik ang tingin ko sa kaniya at sinamaan ng tingin. "Nababaliw ka na!" asik ko.

"Yeah, baliw na baliw sa'yo..."

Biglang nag-init ang mukha ko kaya mabilis akong tumayo upang itago ang pamumula nito.

"Pwede ba umalis ka na! Ano bang ginagawa mo rito?!" inis na tanong ko.

"Eh, ikaw anong ginagawa mo rito?" tanong niya pabalik.

Napabuntong hininga ako at inis na kumuyom ang kamao. "Malamang nandito ako kasi bahay namin 'to!"

He laughed. "Malamang din nandito ako dahil sinusundo ko ang reyna ko," anito.

Mabilis akong bumaling sa kaniya at ngayon ko lang napansin na wala pala siyang pang-itaas na damit. Pawisan din ang kaniyang katawan na nagpapakintab sa magandang hubog ng kaniyang pangangatawan lalo na ang pumuputok na pandesal.

Napalunok ako habnag nakatitig doon. Para akong natutuyuan ng laway sa lalamunan.

"You can touch it, Francine. You can also taste it," he whispered in my ears sensually.