روتيڤال🌑♥️

البارت التاني..(2)

*سمر:* رسيل.
*رسيل:* أيوة يا ماما.
*سمر:* في بنت برة جاية عشانك.
*رسيل:* عشاني أنا؟ مين؟
*سمر:* البسي واطلعي شوفيها.
*رسيل:* حاضر.
___________________________________
*عمرو:* مش كنا طلعنا معاها أحسن؟
*نادر:* هنطلع بصفتنا إيه؟
*عمرو:* صحابها مثلا!
*نادر:* إذا كانت هي مش بتصاحب بنات هتصاحب ولاد!!
*عمرو:* الله! منا كل صحابي بنات بس عادي يعني.
*نادر:* قصدك إنك بتعتبرني بنت؟!
*عمرو:* يلهوي.. لا طبعًا مقصدش.
*نادر:* أنا هعرفك تقصد ولا متقصدش. (واداله علقة محترمة).
___________________________________
*في البيت عند رسيل*
(لبست بيجامة بأكمام طويلة وفردت شعري وخرجت أشوف مين البنت إلي مستنياني في الصالون)
*رنا:* ازيك يا رسيل؟
*رسيل:* الحمد لله كويسة.
*رنا بابتسامة:* يدوم الحمد، بصي احنا بنعتذرلك عن إلي حصل النهاردة في المدرسة، وبصراحة كنا جايين نراضيكي.
*رسيل:*.....؟
*رنا:* في إيه؟
*رسيل:* بتتكلمي بصيغة جمع وانتي هنا لوحدك؟
*رنا:* لأ منا مش لوحدي.
*رسيل:* أومال معاكي مين؟
*رنا بارتباك:* مش معايا حد.
*رسيل:*........؟؟؟
(ماما جت قعدت معانا بعد ما جابت العصير)
*سمر:* اتفضلي يا حبيبتي العصير.
*رنا:* أنا آسفة مش هطول لأنهم مستنيني تحت.
*رسيل:* هما مين؟
*رنا:* أخويا وصاحبه.
*رسيل:* طب اشربي معايا العصير الأول.
*رنا:* المرة الجاية إن شاء الله عشان متأخرش بس.
*رسيل:* خلاص هستناكي.
*رنا:* أنا جيت سريعًا بس عشان أعتذرلك عن إلي حصل وأطيب بخاطرك.
*سمر:* متعتذريش يا حبيبتي الغلط مش غلطك.
*رنا:* مش مهم يكون غلطي أو لا المهم إنها متزعلش، عشان أنا بحب رسيل وعايزة أبقى صاحبتها.
*سمر:* ورسيل بتحبك بردو يا حبيبتي ربنا يديم الود والمعروف ما بينكو.
___________________________________
*عمرو:* يا عم ارحمني بقا هريتني ضرب.
*نادر:* ولو.. هموتك يعني هموتك.
*عمرو:* بجد مكونتش أعرف إنك قموصة كدا.
*عمرو:* يا جدع احترم نفسك بدل ما أموتك بجد.
(كانوا لسة بيهزروا مع بعض بس فجأة سكتو أول ما سمعوا صوت من وراهم بيقول:
_ نادر!
___________________________________
*رنا:* يعني رسيل معدتش هتيجي المدرسة تاني؟
*سمر:* لأ أنا هروح بكرة المدرسة أمضيلها أجازة لحد موعد الامتحانات.
*رنا بحزن:* طب أنا هشوفها تاني إزاي؟
*سمر:* البيت بيتك يا حبيبتي تشرفي في أي وقت.
*رسيل:* متقلقيش هستناكي تيجي تذاكري معايا في أي وقت.
*رنا:* بس أنا فاشلة في المذاكرة.
*رسيل:* وأنا!
(وبعدها أنا ورنا بصينا مع بعض لماما بنظرة استغاثة)
*سمر:* إيه البصة دي؟! أبدًا.. لا يمكن.. ولا أعرفكوا.
*رسيل ورنا ببراءة:* بلييييز.
*سمر:* أمري لله.. حاضر.
___________________________________
*نادر:* أنا مش فاهم بجد إنتي كدا إزاي!!
*بسنت:* جميلة صح؟
*نادر:* بسنت إنتي مستوعبة إنك تالتة اعدادي السنادي؟
*بسنت:* يعني إيه الكلام دا؟
*نادر:* يعني بصي لمذاكرتك يا بسنت،  امتحانات الترم الأول قربت، وانتي عارفة إن درجات السنة عندنا تراكمية "بمعنى: بينجحوا بمجموع درجات الترمين للسنة الواحدة"
*بسنت:* طيب ممكن تبقى تذاكرلي؟ أنا مش فاهمة أي حاجة خالص في المواد.
*نادر:* آسف، أنا تانية ثانوي السنادي لازم أذاكر كويس عشان أتأسس للسنة الجاية صح.
*بسنت:* ما عمرو بيذاكر لرنا عادي وهو تانية ثانوي وهي تالتة اعدادي بردو، يعني زينا أهو.
*نادر:* وياريته بيذاكرلها صح، دا واحد فاشل.
*عمرو:* وليه التهزيق طيب منا واقف ساكت ومؤدب أهو!
*نادر:* شوف البنت إلي فوق دي اتأخرت ليه يا عم خلينا نمشي.
*عمرو:* تلاقيهم عزمو عليها بطبق مشكّل فقعدت تاكل طبعًا. (بيلف وراه لقا رنا في وشه)
*رنا:* قصدك إيه؟
*عمرو:* ما تكُحّي يابنتي، خضتيني.
*رنا:* دى أنا مرضتش أشرب العصير عشان متأخرش عليكوا.
*عمرو:* وليه بس ما كنتي ناديتينا نشرب معاكي.
*نادر:* مانت لسة شارب عندي عصير وواكل جاتوه قبل ما نيجي هنا يا طفس.
*عمرو:* مييييت مرررة أقولك متهزقنيش قدام بنات.
*نادر بضحك:* نسيت.
*بسنت:* انتي كنتي بتعملي إيه فوق؟
*رنا:* كنت.. وانتي مالك!
*عمرو:* سيبك منها يا رنا يلا بينا.
(وبالفعل مشي نادر وعمرو ورنا وسابوا بسنت لوحدها متغاظة وبتاكل في نفسها، فكرت بسنت كتير جدًا قبل ما تطلع فوق وتسأل عن سبب زيارة رنا، بس في الآخر أخدت قرارها..)
___________________________________
*في البيت*
*سمر:* لطيفة أوي رنا.
*رسيل:* ااه، أنا متعاملتش معاها كتير بس حبيت زيارتها ليا.
*سمر:* صدقيني تصرفها دا بيقول إنها بنت كويسة.
*رسيل:* يعني ينفع نكون صحاب؟
*سمر:* لأ.. إنتي تجربي الأول قبل ما تحكمي ينفع ولا لأ، عشان عادي جدًا الشخص إلي قدامنا يكون كويس ومحترم، بس في نفس الوقت مش مناسب ليا كصاحب أو غيرو.
*رسيل:* مااشي، يارب تكون كويسة ومناسبة، عشان تبقى أول صاحبة ليا.
(قطع كلامي أنا وماما صوت جرس الباب، بس المرادي أنا إلي هروح أفتح)
*رسيل:* مين عالباب؟
_ افتحي يا رسيل.
*رسيل:* بسنت!!

*استنونا البارت الجااي🌚😁*