روتيڤال🌑♥️

البارت الحادي عشر..(11)

*عند بيت نادر*
(نادر كان مبسوط جدًا إنه عرف يمشي صحابه من عنده، وكان مبسوط أكتر لما الجرس بتاع البيت رن، أخيرًا إلي كان مستنيه من زمان وصل، راح فتح الباب)
*الدليفري:* السلام عليكم.
*نادر:* وعليكم السلام ورحمة الله وبركاته.
*الدليفري:* حضرتك كنت طلبت من ماك عرض ال****** دليفري يا فندم؟
*نادر:* أيوة مظبوط.
*الدليفري:* طلب حضرتك يا فندم.
*نادر:* تمام جدًا، اتفضل حسابك أهو.
*الدليفري:* شكرًا لحضرتك يا فندم، سلام عليكم.
*نادر:* وعليكم السلام ورحمة الله وبركاته.
(أخد منه شنطة الأكل وهو مبسوط جدًا وكان هيقفل الباب فوجئ بصحابه هاجمين عليه في البيت)
*عمرو:* جرااا اييييييه يا صاحبي، جرا إيه؟
*نادر بخضة:* سلام قول من رب رحيم، إيه إلي رجعكوا؟
*كريم:* مش مبسوط إنك شفتنا ولا إيه؟
*نادر:* بقا دا سؤال يا راجل!! لا طبعًا.
*عمرو:* إيه الريحة الجميلة دي، شم كدا يا واد يا كريم.
*كريم:* الله~~ دي ريحة ماكدونالدز!!
*عمرو:* إلّا مش احنا متفقين مناكولش فرايد شيكن من برة إلا في بعد الامتحان؟
*نادر:* متفقين.
*كريم:* أومال بنعمل زي العيال الصغيرة ونخلف اتفاقتنا ليه بقااا؟؟
*نادر:* إني آسف.
*عمرو:* بص يا صاحبي احنا مش هنبصلك في اللقمة لأ طبعًا.
*نادر:* صاحبي الأصيل.
*عمرو:* إحنا بس هناكل معاك.
*نادر:* نعم!! طب كل واحد يدفع حق إلي هياكله بقا.
*كريم:* إلي أخلف الاتفاق هو إلي بيتحمل العواقب، صح يا عمور؟
*عمرو:* صح يا صاحبي، بص كدا أسأل طنط أم نادر تجيبلنا طبقين من المطبخ جوا.
*كريم:* تمام ماشي.
*عمرو:* بص وانت جاي هتلاقي في باب التلاجة ازازة الكاتشب وهتلاقي علبة المخلل عالرف، هاتهم وانت جاي.
*نادر:*!!!!!!!!!!!
*عمر:* مستغرب ليه؟
*نادر:* انت عارف كل دا منين؟
*عمرو:* هو أنا أول مرة اجي بيتكو يعني؟!
*نادر:* بس مش لدرجة التلاجة!
*كريم:* جبت الحاجة أهو، بس أنا لقيت طبق تفاح عالرف جبته بالمرة.
*عمرو:* حلو أوي كدا، يلا نفرش وناكل.
*كريم:* نادر فين؟
*عمرو بضحك:* يبكي في الزاوية..
__________________________________
*في اوضة ليلى*
(جلال كان مخضوض جدًا على بنته فراح يشوف في إيه، دخل عليها أوضتها لقاها حاضنة صورة مامتها وقاعدة تعيط، فهم جلال إن ليلى مشتاقة لمامتها، قعد جنبها وفضل يواسيها)
*جلال:* إيه يا لولو يا قمر بتعيطي ليه؟
*ليلى بعياط:* ماما واحشاني أوي يا بابا.
(أخدها في حضنه وطبطب عليها وقالها:
*جلال:* طب ماشي اهدي طيب مفيش حاجة. 
*ليلى بعياط:* النهاردة عيد ميلادها التاني وهي مش معانا يا بابا.
*جلال:* حبيبتي إنتي كبيرة وعاقلة وعارفة إن ماما في مكان أحسن كتير أوي من هنا، ماما عند ربنا وهي على فكرة حاسة بيكي وبتحبك وشايفاكي، وأكيد مش حابة تشوفك كدا وإنتي بتعيطي صح؟
*ليلى:* صح، أنا آسفة يا بابا.
*جلال:* مفيش أسف يا حبيبة بابا، يلا قومي حطي صورة ماما الجميلة مكانها.
*ليلى:* حاضر.
(راحت ليلى رجعت صورة مامتها مكانها عالمكتب، ورجعت تاني لباباها)
*ليلى:* بابا.
*جلال:* نعم يا حبيبتي.
*ليلى:* أنا جعانة.
*جلال:* مين؟! مش سامع!!
(ضحكت ليلى وحضنت باباها وراحوا عشان يتعشوا سوا، وأول ما طلعوا اتفاجؤا بالي حصل، أحمد أكل البطاطس كلها لوحده!!)
*جلال:* لعلمك بقا أنا كنت عارف إنك هتعمل كدا ولذلك خبيت طبق بطاطس تاني، ومش هقولك مكانه هه.
*أحمد:* إلي كان في المايكرويف يعني!! متقلقش أنا بدأت بيه.
*جلال:*!!!!!!!!!
*ليلى:* بابا حضرتك طول عمرك بتخبي الأكل في المايكرويف أصلًا!!!
*جلال:* سأخبر الله بكل شيء، طب أنا كنت عايزة بطاطسياية طيب.
*أحمد:* معلش.
*جلال:* قهوة بوش.. يا رخم.
___________________________________
*تاني يوم الصبح:*
*ليلى:* صباح الخير على أجمل بابا في الدنيا.
*جلال:* صباح النور يا قلب بابا، يلا البسي واجهزي وتعالي عشان تفطري.
*ليلى:* حااضر يا بابا، أومال أحمد فين؟
*جلال:* لسة نايم.
*ليلى:* يا بختو بجد، امتى آخد أجازة زيو أنا كمان.
*جلال:* هي حصّلت تحقدي على أخوكي الكبير قدامي!!!
*ليلى:* أخويا الكبير إيه بس صلي عالنبي، دا لسة يدوبك لسالو ترم ويخلص الابتدائية.
*جلال:* عليه افضل الصلاة وأتم التسليم، بس بردو يعتبر أخوكي الكبير، هو في سااااااادسسس ابتدائي.
*ليلى:* وأنا في تاااااااللتةةةة اعدادي!!
*أحمد:* بطلي لماضة يا بنتي وروحي البسي.
*جلال:* الله! صحيت امتى يا حمادة؟
*أحمد:* وهو الواحد يعرف ينام اصلًا من صوت ليلى!
*ليلى:* بتتكاتروا عليا؟؟ طيب اصبروا عليا اخلص امتحانات بس وافضالكوا!
*أحمد بتريقة:* حاضر أنا صابر أهو.
*ليلى:* يابااااي، دا انت رخم بجد.
*أحمد:* من بعض ما عندكم هيهوهيهو.
(يا ترى ليلى أخدت وقت قد إيه عما خلصت ضرب في أحمد!!)

*استنونا البارت الجااي🌚😁