روتيڤال🌑♥️

البارت التاسع والعشرون..(29)

*بسنت:* بصي بصراحة كدا أنا كنت خلصت محاضراتي وكلمت ماما وقلتلها إني جيالكم، وأنا في طريقي لهنا عطتشت فدخلت سوبر ماركت أجيب ماية أو عصير، وشوفت...
*ليلى:* شوفتي إيه؟
*بسنت:* شوفت مامتنا وباباكي مع بعض هناك.
*ليلى:* ويعدين؟
*بسنت:* وبسكدا.
*ليلى:* أيوة فين المشكلة إلي إنتي عاملة عليها القلق دا كله؟؟
*بسنت:* انتي مش مستغربة الموضوع؟
*ليلى:* لأ طبعًا، لأن المفروض إنك عارفة إن أقرب سوبرماركت لبيتي وبيتك هو السوبرماركت دا، فممكن يكونوا اتقابلوا صدفة ولا حاجة يعني وكل واحد بيجيب طلبات بيته، ولا إيه؟
*رسيل:* اممم لأ كدا بقا يا بسنت تقوليلها إلي انتي سمعتيه.
*ليلى:* سمعتي إيه يا بسنت؟
*بسنت:* في اجازة نص السنة إلي هي بعد شهر ولا شهر ونص دي هااا...
*ليلى:* ها إيه اخلصي!
*بسنت:* هيبلغونا قرار جوازهم هه.
*ليلى:*........
*بسنت ورسيل:*!!!!!!!!
*ليلى:* اه وبعدين؟!
*رسيل:* يابنتي إيه البرود إلي إنتي فيه دا؟!
*بسنت:* شكلك عارفة الموضوع، صح؟
*ليلى:* لا طبعًا مكونتش أعرف أو بالأصح مكونتش متأكدة يعني، بس مش شايفة إن الموضوع فيه مشكلة، ولا أنتو إيه رأيكم؟!
*بسنت:* بصراحة......
*ليلى:* إيه؟
*بسنت:* أنا معنديش إشكال.
*ليلى:* حلو أوي، وانتي يا رسيل؟
*رسيل:* أكيد حاجة كويسة جدًا لما نقرب ونبقى عيلة واحدة.. ويبقالي اختين توأم مش واحدة بس.
*ليلى:* وتوحفة صغير اسمه أحمد!
(ضحكنا أنا وليلى وبسنت، صحيح إيه إلي يمنع ماما أو عمو أحمد إنهم يتجوزا؟! أكيد ولا حاجة تقدر تمنعهم، طالما حبوا بعض ومتفاهمين، وطالما الجيل التاني (أولادهم) حلوين مع بعض والدنيا حلوة، ربنا يسعدهم♡)
*آلاء:* أنا جيييييت.
*رسيل:* اتأخرتي أوي.
*آلاء عمّا السندويتشات خلصت ياستي الاه!
*بسنت:* طب يلا ناكل عشان أنا جعانة من الصبح.
*ليلى:* طيب ممكن بقا واحنا بناكل نتكلم في الموضوع الأساسي.
*رسيل:* انهي موضوع؟
*ليلى:* عمرو!
*آلاء:* ممكن أحكي أنا؟
*رسيل:* اتفضلي.
(وبدأت آلاء تحكي ليلى وبسنت إلي حصل بيني وبين عمرو، وما شاء الله حكت التفاصيل إلي أنا نفسي منتبهتش لها، زي مثلًا أنه كان لابس حظاظة لونها أسود جنب الساعة في أيده الشمال! متخيلين؟! وبعد ما خلصت بدأت بسنت وليلى يبدوا رأيهم بالموضوع، وإلي كان كالآتي)
*بسنت:* طب ليه عمل كدا يعني إيه السبب في إنه يتصرف بالوقاحة دي؟
*رسيل:* مش عارفة بس دايمًا بيجيلي إحساس من ناحيته إنه قاصد يبعدني عن حاجة،
*آلاء:* إيه هي؟
*رسيل:* منا مش عارفة.
*ليلى:* بس أنا عارفة.
*رسيل:* عارفة إيه؟
(ساعتها بس ليلى افتكرت إنها مأخدتش رأي نادر في إنها تكشف وجوده للجميع أو لأ ودا شيء أربكها جدًا)
*ليلى:* هو عمرو يعرف إني حولت آداب هنا معاكي؟
*رسيل:* لأ الحقيقة مجاتش مناسبة إني أقوله.
*ليلى:* طب حلو أوي، كدا دوري جه.
*بسنت:* أنا مش فاهمة أي حاجة خالص.
*آلاء:* ولا أنا.
*رسيل:* بلس وان (+1).
*ليلى:* مهو أنا مش هقدر أقول أي حاجة دلوقتي عشان مظلمش حد.
*رسيل:* تظلمي مين؟
*ليلى:* بعدين هتعرفي كل حاجة.
(ساعتها نادر شاور ل ليلى إنه هيقفل المكالمة، ويوقفوا كلام في الموضوع ودا لأنه لقى طريقة يعرف بيها سر اللغز  دا)
___________________________________
*سمر:* هما البنات اتأخروا ليه؟
*جلال:* أنا كلمت ليلى من شوية وقالتلي إنهم هيتغدوا مع بعض برة.
*سمر:* طيب خلاص تمام مفيش مشكلة.
*جلال:* ماتيجي نتغدى مع بعض إحنا كمان؟
*سمر:* بيتك بيتك لو سمحت شكرًا إنك طلعتلي الشنط لحد هنا، يلا سلام.
*جلال:* الله الله الله~~~ دي أخرتها يعني! طب معودتش مساعدك في حاجة.
*سمر:* خالص؟
*جلال:* خاالص.
*سمر:* خالص خالص؟
*جلال:*.......
*سمر:* هاا؟
*جلال:* بطّلي دلع يا ست انتي بقا.
*سمر:* طب يلا ياعم من هنا، سلام.
(ودخلت وقفلت باب الشقة في وش جلال، بتدلع بقا وكدا..)
__________________________________
*ليلى:* سمعت بعنيك؟ شوفت بودنك إلي حصل؟
*نادر:*!!!
*ليلى:* لا بقا لمو آخذة وسّع كدهو..
*نادر:* أيوة؟
*ليلى:* صاحبك طلع واااطي!
*نادر:* طيب اسمعي بقا، الخطة كالتالي.
*ليلى:* إيه؟
*نادر:* حضرتك مش رايحة الكلية بكرة.
*ليلى:* ليه بقا؟
*نادر:* عشان رنا معندهاش حضور بكرة في كليتها.
*ليلى:* أيوة برضو إيه علاقة عدم حضوري برنا؟
*نادر:* هقولك.
*ليلى:* كل آذاني صاغية يا باشا.
(يا ترى هيعملوا إيه عشان يكشفوا عمرو؟)

*استنونا في آخر باارت🌚😁 *