روتيڤال🌑♥️

البارت الخامس..(5)

*صباح اليوم التالي*
*رسيل:* صباح الخيييير.
*سمر:* صباح النور يا قلب ماما، يلا تعالي افطري.
*رسيل:* هي بسنت فين؟
*سمر:* وديتها المدرسة بدري النهاردة و روحت معاها مضيتلك الأجازة.
*رسيل:* تمام يعني أنا قدامي شهر ونص عما أروح المدرسة تاني.
*سمر:* بكدا معندكيش أي التزامات غير مذاكرتك، رتبي وقتك واتجدعني بقا.
*رسيل:* حاضر يا ماما.
(حسيت براحة كبيرة جوايا إني هبعد فترة عن المدرسة والناس إلي فيها، يمكن الفترة دي تساعدهم في نسياني ونسيان إلي شافوه، الحقيقة لسة مأثر جوايا تصرف ليلى وعند قراري إني مش هسامحها، بس في نفس الوقت فاكرة كويس نظرة الزعل إلي بانت في عينيها على تصرفها نحيتي، حقيقي أتمنى مع الوقت أنسى كل دا.)
__________________________________
*في فسحة المدرسة*
*كريم:* إيه ياعم مش عوايدك يعني تقعد معانا وتسيب عمرو لوحده.
*نادر:* مهو مجاش النهاردة.
*كريم:* إي دا بجد؟ ليه كدا؟
*نادر:* عنده مشاكل في العمود الفقري والقصبة الهوائية وشد عضلي في السمانة و...
*كريم:* كفاية.. كفااااية، أنا غلطان إني سألت عليه، أنا كان مالي ومالو، أنا مليش دعوة.
*نادر:* متنساش تزورو بقا.
*كريم:* هعدي عليه وانا مروح.
*نادر:* ابعتلوا سلامي معاك.
__________________________________
*في الفصل*
*ليلى:* إزيك يا بسنت؟
*بسنت:*.....
*ليلى:* مش بتردي ليه؟ زعلانة مني في حاجة؟
*بسنت:* طبعًا زعلانة منك، مش كنتي امبارح هتقولي لنادر كل حاجة؟
*ليلى:* أيوة يا بسنت، إنتي اتسببتي في زعل أختك مني، وأنا لازم اعتذرلها.
*بسنت:* ريحي نفسك هي معدتش جاية إلّا عالامتحانات.
*ليلى:* اه منا عرفت.
*بسنت:* عرفتي منين؟
*ليلى:* نادر قالي.
*بسنت:* وانتي مالك وماال ناادر؟؟؟
*ليلى:* هو إلي كان واقف مع مامتك الصبح وهي ماشية، وعمّا وصلتلهم كانت طنط سمر مشيت، فهو إلي قالي عشان..
*بسنت:* عشان إيه؟
*ليلى:* عادي يعني قالي أبقى أشوف لو في ملاحظات مهمة في المواد عندنا وكدا وابقى ابعتهالو.
*بسنت:* مقالش ليكي عايز الملاحظات دي ليه؟
*ليلى:* لأ الحقيقة مقاليش.
*بسنت بفرحة شديدة:* أنا عارفة هو عايزها ليه.
_________________________________
*في البيت عند رسيل:*
*رسيل:* ااااااه تعبت أوي أوي، بقالي أكتر من خمس ساعات بذاكر.
*سمر:* انتي قعدتك في البيت جت عليا بخسارة.
*رسيل:* ليه بقا؟
*سمر:* خلصتيلي مخزون البيت كله من شاي بلبن وبسكوتات وفاكهة و...إلخ.
*رسيل ببراءة:* مي تو مي: بالهنا والشفا.
*سمر:* طيب في حاجة صعبة وقفت معاكي اشرحهالك تاني؟
*رسيل:* لاا كدا فل أوي، بس ممكن آخد بريك بقا؟
*سمر:* خدي بريك.
*رسيل:* تمام اسمحيلي بقا أنا هاخده معاكي.
(وروحت قعدت جنبها في الصالون وحضنتها)
*سمر:* إلّا قوليلي يا رسيل.
*رسيل:* نعم يا ماما.
*سمر:* انتي لما بتكوني في المدرسة بيبقى في حد بتقعدي معاه بتتكلمي معاه وكدا؟
*رسيل:* مكونتش أعرف حد غير ليلى وكانت كويسة جدًا معايا، بس معرفش إيه إلي حصل بعد كدا خلاها تُصِر إنها تشد من عليا الشا... يا خبررر!
*سمر:* في إيه؟
*رسيل:* أنا لحد دلوقتي مجبتش الشال بتاعي!!
*سمر:* مش فاكرة سيبتيه فين آخر مرة؟
*رسيل:* لأ كان واقع على الأرض في الحوش وملحقتش أجيبه.
*سمر:* لما تيجي أختك هسألها جابته معاها ولا لأ.
*رسيل:* افتكر لو كانت جابته معاها كانت اداتهولي.
*سمر:* بردو لما تيجي هنسألها، المهم يعني مكونتيش تعرفي حد غير ليلى؟
*رسيل:* لأ كانت ليلى بس، ورنا مكونتش بتكلم معاها في حاجة غير "هاتي كراسة الواجب بتاعتك" لما كانت بتجمع الكراسات للمستر، والمرة إلي اتكلمنا فيها كانت لمّا جاتلي البيت امبارح.
*سمر:* طب...
*رسيل:* ماما.
*سمر:* نعم؟
*رسيل:* حضرتك مبتسأليش كتير كدا إلّا لو فيه حاجة، وأنا وقت البريك بتاعي هيخلص ولسة معملتش حاجة فممكن تقولي في إيه؟
*سمر:* طيب يا ستي خلاص هقولك... في ولدين النهاردة من المدرسة الثانوية   سألوا عنك.
*رسيل:* ولدين؟ سألوا عني أنا؟ مين دول؟
*سمر:* واحد اسمه نادر والتاني كان صحبه اسموو... نسيت!
*رسيل:* اسمه عمرو؟
*سمر:* مش متأكدة، الصراحة نسيت اسمه، المهم تعرفيهم منين؟
*رسيل:* عمرو دا يبقى أخو رنا ونادر يبقى صاحبه، وبيجوا يقعدوا ساعات مع بسنت وليلى ورنا عندنا في الفصل وساعات بيبقوا مع بعض في الفسحة.
*سمر:* وانتي مش بتكوني معاهم ليه؟
*رسيل:* أنا؟ لأ أنا مبحبش أقعد مع حد.
*سمر:* أومال بتعملي إيه في الوقت الفاضي؟
*رسيل:* بكون في المكتبة بقرأ في روايات.
*سمر:* بتحبي قراية الروايات؟
*رسيل:* بحبها جداا.
*سمر:* اممم.. ماشي.
*رسيل:* ماشي أنا هقوم اذاكر بقا.
*سمر:* ربنا معاكي، يلا شدي حيلك عشان ساعة واختك هتيجي ونتغدى.
*رسيل:* حاضر يا مامتي.
__________________________________
*في نهاية اليوم الدراسي*
*رنا:* نادر.. يا ناادر.
*نادر:* أيوة يا رنا، إزيك؟ وعمرو عامل إيه النهاردة؟
*رنا:* الحمد لله كويسة.
*نادر:* وعمرو؟
*رنا:* ها؟ ااه عمرو كويس الحمد لله.
*نادر:* طب أنا مروح عايزة حاجة!.. باي
(رنا اتدايقت جدًا من معاملة نادر ليها ومع ذلك قررت متستسلمش)
*رنا:* استنى بس أنا كنت عايزاك في حاجة مهمة.
*نادر:* خير؟
*رنا:* انت عارف إن عمرو مش هيجي المدرسة يومين تلاتة، فكنت بقول يعني ينفع تجمعلي الحاجات المطلوبة منكم وتدهالي عشان أوصلها لعمرو؟
*نادر:* متشغليش نفسك بأي حاجة غير مذاكرتك رجاءً، وبالنسبة لعمرو فأنا هبقى أبعتله المفيد عالواتس.. سلام.
(مشي نادر من قدام رنا حتى مستناش ردها عليه، وطلع ركب باص المدرسة وقعد ورا جنب الشّباك، وطلع الهيد فون بتاعته وكان لسة هيلبسها..)
_ ممكن أقعد هنا؟
(لسة كان هيرد عالبنت ولكن بسنت سبقته)
*بسنت:* آسفة دا مكاني.
_بس المكان كان فاضي!
*بسنت:* بس هو كان حاجزوهلي، مش كدا يا نادر؟
(تفتكروا نادر اتصرف إزاي؟)

*استنونا البارت الجااي🌚😁*