روتيڤال🌑♥️

البارت الثاني عشر..(12)

(صحيت من النوم كنت هبطانة جدًا من كتر عياطي في الليلة إلي فاتت، وصحيت بردو بدأت يومي بقرار أخدته وهبدأ أمشي عليه من النهاردة، وهو إني معودتش هتكلم مع حد تاني، معودتش هرد إلّا على قد السؤال بس، معودتش هقف مع حد تاني، روحت غيرت هدومي واستعديت الامتحان، أول ما باص المدرسة وصل استنيت لحد ما بسنت نزل وروحت نزلت وراها)
*سمر:* اي دا انتي هتروحي بالباص؟
*رسيل:* اه.
(اكتفيت بكدا ونزلت علطول، أول ما طلعت الباص لقيت رنا وعمرو ونادر وبسنت كمان مستغربين إني هروح معاهم المرادي، لأني كنت بروح مع ماما وباجي عالامتحان علطول، مسمحتش لأي حد إنه يتكلم معايا وروحت قعدت في آخر الباص ورا خالص لوحدي، شوية ولقيت نادر جه قعد جنبي، هو جاي ليه؟!)
*نادر:* حركة شجاعة منك تيجي لوحدك.
*رسيل:*........
*نادر:* ياريت تتشجعي أكتر وتقلعي الكمامة والشال كمان.
*رسيل:*........
(غارت رنا وبسنت من رسيل لما نادر راح قعد ورا معاها، جت رنا تقوم تروحله بس عمرو وقفها)
*عمرو:* راحة فين؟
__________________________________
*ليلى:* أنا خلصت.
*جلال:* خلصتي فطار؟
*أحمد:* خلصت ضرب فيا يا والدي، ااااي ضهري يؤلمني.
*ليلى:* أحسن، تعيش وتاخد غيرها.
*أحمد:* عاجبك كدا يا بابا؟
*جلال:* ليلى معلش صالحي أخوكي.
*أحمد:* اه يلا صالحيني بقا.
*ليلى:*!!!!!!
*جلال:* يلا بقا خليكي انتي الكبيرة.
*ليلى بغيظ:* حاضر، أنا آسفة يا حمودي.
*أحمد:* بابا قال صالحيني مش اعتذريلي!
*ليلى:* مش فاهمة، منا اعتذرتلك عشان أصالحك، إيه الغلط بقا؟!
*أحمد:* إنتي داخلة ثانوي السنة الجاية إزاي بس أنا مش فاهم.
*ليلى:*........!
*أحمد:* الاعتذار بيبقى كلمة نلفظها وهي عبارة عن "أنا آسف"، إنما المصالحة ممكن تكون مادية مثلًا!
*ليلى:* والمطلوب؟
*أحمد:* واحد شيبسي.
___________________________________
*في الباص*
*رنا:* في إيه يا عمرو قلتلك هروح أقعد مع رسيل بس.
*عمرو:* وأنا قلتلك لأ، قربنا نوصل عالمدرسة أهو ابقي اتكلمي معاها هناك زي مانتي عايزة.
*رنا:* وفيها إيه لما أروح دلوقتي بقا مش فاهمة؟
*عمرو:* فيها إني قلت لأ يا رنا، ومتخليش صوتي يعلى بقا.
*رنا:* بجد أنا مش فاهماك.
*بسنت:* بس أنا فاهماكي.
__________________________________
(استغفر الله العظيم يارب، قاعد جنبي بترغي في إييييه؟!!! يابني أنا مش هرد عليك والله قوم غور من وشي بقااا، كفاية أسئلة خلاااص)
*نادر:* طب ذاكرتي كويس لامتحان النهاردة؟
*رسيل:*.........
*نادر:* اممم شكلك مذاكرتيش كويس، طب على فكرة لسة عالامتحان ساعتين كمان تقدري تراجعي.
*رسيل:*..........
*نادر:* أنا حاسس كدا إني مدايقك.
(بيحس!! دا بيحس!! ازاااي؟؟ أبوس إيد الست الوالدة قوم أقعد مكانك والنبي)
*نادر:* اممم طالما مردتيش يبقى مش مدايقة، صح؟
*رسيل:*!!!!!!!!!!!!!
*نادر:* اه اه منا عارف، أصل زي ما بيقولوا كدا السكوت علامة الرضا.
(ربي إني لا اسألك رد القضاء ولكن أسألك العفو والعافية وإن البني آدم اللا شعوري دا يقوم من هنا يارب يارب)
*نادر:* طب طالما انتي بتحبي تسمعي وأنا بحب اتكلم هحكيلك شوية عن نفسي.
*رسيل:*!!!!!!!!!!!!!!!
(يخربيييييييتك)
*نادر:* بصي يا ستي، أنا اسمي نادر ومعاكي في نفس مجمع المدارس ولكن في مدرسة الثانوي، أنا اصلًا تانية ثانوي السنادي وأبقى صاحب عمرو أخو رنا زميلتك، وفصلي في الدور التاني أول فصل عالشمال، معنديش اخوات و....
(كفااااية، كفااااااااااية، منك لله يا بعيد قلبتلي دمااغي، نسيتني أم الكلمتين إلي كنت هدخل بيهم الامتحان، أسئلتك أكتر من أسئلة الامتحان نفسه، بوقك مش بيوجعك طيب؟ يخريتك)
*نادر:* في أي حاجة حابة تعرفيها تاني؟!
*رسيل:*.......
(انجدني يارب، أنا كان مالي ومال البهدلة دي! ماكنت بنزل مع ماما بكرامتي)
*نادر:* لسة بردو مش هتردي؟ طيب أنا آسف يا ستي.
(إي دا بجد خلص كلام؟؟ طب هيقوم ولا إيه طيب!)
*نادر:* طب تحبي نتكلم في حاجة تانية طيب؟؟
(كدا متبقاش إلّا حل واحد بس، وطبعًا بلجأله في المواقف الصعبة إلي زي دي، للأسف هضطر اضطرار شديد في أستخدامه، تفتكروا هعمل إيه؟؟)

*استنونا البارت الجااي🌚😁*