روتيڤال🌑♥️

البارت الرابع عشر..(14)

*بعد انتهاء الامتحان*
(قعدت طول الامتحان متوترة، مش عارفة أركز نهائي، كل إلي بفكر فيه هل هو فعلًا هيستناني برة؟! طب هو عايزني ليه؟ طب أنا أتصرف إزاي؟ طب أروحله ولا لأ؟)
*المراقب:* فاضل ربع ساعة على انتهاء الوقت، قبل ما حد يسلم ورقته يراجعها كويس، محدش يستعجل.
*ليلى بصوت واطي:* خلصتي؟
*رسيل:* تؤ.
*ليلي:* لأ سرعي شوية معدش وقت!
*رسيل:* ح..حاضر.
(ركزي في الامتحان بالله ركزي ركزي)
__________________________________
*في فصل نادر وعمرو*
(عمرو خلص قبل انتهاء الوقت بنص ساعة وراح عشان يسلم ورقته، ولكن نادر وقفه)
*نادر بصوت واطي* رايح فين؟
*عمرو:* أسلم ورقتي.
*نادر:* انت أول مرة تخلص قبل الوقت ما يخلص!
*عمرو:* مستعجل عندي حاجة لازم أعملها.
*نادر:* حاجة إيه؟
*المراقب:* ها يا عمرو هتسلم ورقتك؟
*عمرو:* اه.
(عمرو غمز لنادر بمعنى: بعدين هقولك)
__________________________________
*أحمد:* بابا إحنا هنروح نجيب ليلى النهاردة من المدرسة؟
*جلال:* اه يا حبيبي زي كل يوم.
*أحمد:* طب ممكن نروح لماما المكان بتاعها؟
*جلال:* عايز تروحلها ليه دلوقتي؟ خلينا نأجلها بعد امتحانات أختك.
*أحمد:* لأ يا بابا مينفعش، النهاردة عيد ميلاد ماما ولازم نروحلها.
*جلال:* حاضر يا حبيبي هنروحلها.
*أحمد:* بس أنا مش عارف نجيبلها هدية إيه.
*جلال:* المفروض إن ماما بتحتفل بعيدها في الجنة دلوقتي خلاص، هديتنا إلي المفروض نديهالها هي إننا ندعيلها دايمًا، ونطلع صدقة على روحها، نقرألها قرآن...إلخ.
*أحمد:* ماشي أنا عايز أطلع صدقة، بس أنا معييش فلوس.
*جلال:* أنا هديلك إلي انت عايزو.
(فرح أحمد جدًا إن باباه هيساعده ويديله فلوس عشان يطلعها صدقة هدية لمامته، وجري حضن باباه وهو فرحان)
*أحمد:* أنا بحبك أوي يا بابا.
*جلال:* وأنا كمان بحبك يابني.
___________________________________
*بسنت:* مستر عايزة أسلم ورقتي، آجي؟
*المراقب:* اه هاتيها وتعالي.
(راحت بسنت تسلم ورقتها ولمحت رسيل بطرف عينها، لقيتها متوترة جامد وقلقانة زي ما يكون الامتحان صعب عليها ومش عارفة تحل، تجاهلتلها وسلمت ورقتها ومشيت، نزلت على تحت لقت عمرو واقف على البوابة الرئيسية، فهمت من كدا إنه واقف مستني نادر عشان يمشوا سوا، فقررت تلطف معاه بحيث إن كدا ممكن تقرب من نادر أكتر)
*بسنت:* ممكن أقف معاك؟
*عمرو:* اتفضلي.
*بسنت:* عملت إيه في امتحانك طيب؟ أصل أول مرة تخرج بدري.
*عمرو:* كان كويس، أنا بس مستني حد في حاجة معينة.
*بسنت:* طب هو صاحبك مخلصش ولا إيه؟
*عمرو:* معرفش.
(حسّت بسنت إن وجودها غير مرغوب فيه، وإن عمرو مش مرتاح لوقفتها معاه، صح هو مش فارق معاها بس التصرف دا دايقها، فقررت تمشي وهي زعلانة)
*بسنت:* طيب أنا آسفة إني دايقتك بوجودي، عامةً أنا همشي.
*عمرو:* أنا مش مدايق أصلًا!
*بسنت بابتسامة:* شكرًا
__________________________________
*ليلى:* رسيل خلصتي؟
*رسيل:* ا..اه اه يلا أنا خلصت أهو.
(كنا بنقوم سوا واحنا ماشيين ليلى بصت في ورقتي بالغلط)
*ليلى بصوت واطي:* رسيل، عندك سؤال انتي حلّاه غلط!!
*رسيل:* بجد؟! أعمل إيه والنبي أعمل إيه؟؟!
*ليلى:* خدي ورقتي، خدي بسرعة عدّليه.
*رسيل:* لأ لأ مستحيل أعمل كدا مستحيل.
*ليلى:* يلا يا رسيل مفيش وقت!!
(بصراحة أول مرة اتحط في موقف زي دا، المفروض دلوقتي أعمل إيه؟ يارب ساعدني)
__________________________________
*جلال:* جاهز يا أحمد؟
*أحمد:* اه يا بابا أنا جاهز أهو.
*جلال:* طب يلا عشان نتحرك.
*أحمد:* حاضر.
__________________________________
*بسنت:* هو نادر هيتأخر؟
*عمرو:* لأ هو زمانه خلص ومشي.
*بسنت:* اي دا أومال مستنيه هنا ليه؟
*عمرو:* أنا مقولتش أصلًا إني مستني نادر.
*بسنت:* أومال مين؟؟
(كان هيرد عليها بس شاف رسيل بتعيط وهي ماشية مع ليلى، فافتكر إن ممكن تكون ليلى زعلتها للمرة التانية)
*بسنت:* مش بترد ليه؟ عمرو؟.. عمرو!!!
*عمرو:* ها؟ معلش يا بسنت مطر أمشي.
(سابها من غير ما يستنى ردّها ومشي ناحية رسيل وليلى)
__________________________________
*رنا:* هو أنا ليه كل ما اجي أسألك عليه تقولي خلص ومشي من بدري؟!
*كريم:* عشان هو فعلًا خلص ومشي من بدري!
*رنا:* لأ عشان انت كداب.
*كريم بعصبية:* رنا!! أولًا أنا مش كداب، ثانيًا معودتيش تيجي تسأليني عن أي حاجة، لو عايزة حاجة من حد المفروض عندك أخوكي.
(وسابها وراح يلم حاجته)
*رنا:* طب انت زعلان مني ليه دلوقتي؟
*كريم:* أولًا لأن لسانك طويل يا رنا، وأنا المفروض أكبر منك وتحترميني، ثانيًا احنا مش صحاب أصًلا عشان كل شوية تنطي عندي بالشكل دا.
*رنا:* بس انت صاحب أخويا يبقى عادي.
*كريم:* لأ يا رنا مش عادي، صحابك حاجة وصحاب أخوكي حاجة تانية، يا ريتك تفهمي.
*رنا:* يعني إيه؟
*كريم:* يعني سلام.

*استنونا البارت الجااي🌚😁*