روتيڤال🌑♥️

البارت السابع والعشرون..(27)

*عمرو:* مكونتش عارف اسيبك زعلانة، فجيت اتأسفلك.
*رسيل:* لأ عادي محصلش حاجة.
*عمرو:* ط..طب انتي رايحة فين دلوقتي؟
*رسيل:* خلصت وهقعد ما صحابي البنات شوية.
*عمرو:* هتقعدوا فين؟
*رسيل:*........
*عمرو:* مش بتردي ليه؟
*آلاء:* لأ حضرتك انت زودتها أوي هو انت بتحقق معاها ولا إيه؟ انت مين أصلًا؟
*عمرو:* أنا.. أنا..ااا...
*رسيل:* عرفت إنك ولا حاجة؟ عرفت إنك مجرد صاحب وبس؟؟
(لقيته سكت شوية وبعدها..)
*عمرو:* رسيل.
*رسيل:* نعم؟
*عمرو:* أنا بحبك.
*رسيل بصدمة:* نعم!!!
__________________________________
(ليلى أول ماشافت عمرو بيقرب على رسيل أخدت بعضها ومشيت من غير ما حد يحس، وكانت مغطية وشها عشان عمرو ميعرفهاش، وكانت واقفة بعيد بتتصنت عليهم)
*ليلى:* هو عمرو شكله متغير كدا ليه؟ مبقاش وسيم زي الأول، ووشه عصبي ليه كدا؟ هما بيقولوا إيه؟؟ أنا غبية إني وقفت بعيد كان المفروض أقرب شوية.
_فعلًا عندك حق.
(بصت ليلى وراها وأول ما شافت مين الشخص إلي ما اتصدمت واتسمّرت في مكانها)
*ليلى:* يا خبر!!!
__________________________________
*عمرو:* ممكن متستعجليش في الرد تعالي نقعد نتكلم الأول.
*آلاء:* لو رسيل وافقت هاجي أقعد معاكوا.
*عمرو:* هو حضرتك مش ملاحظة أنك بتحشري نفسك في إلي ملكيش فيه؟
*آلاء:* انت عبيط ولا شارب حاجة؟ انت عايز تقعد معاها لوحدك إزاي؟ انت مش عارف إن العين على رسيل وممكن أي حاجة بسيطة تخدش كرامتها؟
*رسيل:* أيوة عندك حق يا آلاء.
*عمرو:* يعني إيه بقا؟
*رسيل:* يعني تراجع نفسك يا عمرو في كلامك وتصرفاتك، والجواب باين من عنوانه.
*عمرو:* بردو مش فاهم!
*رسيل:* ولا عمرك هتفهم، إلي بيحب بجد يا استاذ عمرو بيخاف على الإنسانة إلي بيحبها، على شكلها وصورتها وكرامتها وكل حاجة، ومش بيقعد معاها من ورا أهلها.
(كنت خلاص هاخد آلاء ونمشي من قدامه ولسة يدوب بتحرك لقيته مسك أيدي وهو بيتكلم ويقول..)
*عمرو:* استني بس أنا كنت..
*رسيل بعصبية:* سيب أيدي، انت اتجننت ولا إيه؟
*عمرو:* رسيل أنا...
*رسيل:* معودتش عايزة أسمع، يلا يا آلاء.
*آلاء:* يلا.
_________________________________
*مكالمة على الفون*
*بسنت:* أيوة يا ماما، إزيك؟
*سمر:* الحمد لله يا حبيبتي، انتي فين دلوقتي؟
*بسنت:* خلصت محاضراتي أهو وهعدي على رسيل شوية ونبقى نروح سوا.
(اتصدمت سمر كلام بنتها بسنت واستغربته بشدة وعلى قد صدمتها  كانت فرحانة بردو إن تفكير بنتها اتغير واتمنت من قلبها إن ربنا يهديها وتبقى قريبة من أختها)
*سمر:* ابقي سلميلي على أختك.
*بسنت:* حاضر يا ماما، حاجة تانية؟
*سمر:* خدي بالك من نفسك يا حبيبتي.
*بسنت:* عنيا يا سمورة.
__________________________________
*ليلى:* اتفضل ادينا قعدنا بعيد أهو فهمني بقا عشان أنا مخي وقف من التفكير.
*نادر:* لا المفروض انتي إلي تفهميني بقا انتي بتعملي إيه هنا انتي ورسيل!
*ليلى:* أنا ورسيل هنا في آداب ولكن أنا آداب انجليزي ورسيل عربي.
*نادر:* وأنا في آداب انجليزي بردو، بس عمرو قالي إنك تجارة في محافظة*** ورسيل قالي إنهم مبيتكلموش خالص فميعرفش هي راحت فين!
*ليلى:* لأ هو بيتكلم مع رسيل دايمًا ولما خلصتوا ثانوية عامة رسيل سألت عليك ولكن عمرو قالها إنك في محافظة**** مع كريم والكلام انقطع بيكو بسبب مشاغل الحياة والدراسة و...الخ.
*نادر:* قصدك إيه بكدا؟ إنه كدّاب! طب وكدب علينا كل دا ليه؟
*ليلى:* في حاجة مش مفهومة في النص، وهي لغز الموضوع كله.
*نادر:* إيه هي بقا؟
*ليلى:* يعني يا ابني هل انت عبيط؟! يعني أنا لو كنت أعرف مثلًا كنت هخبي عليك ليه؟
*نادر:* طيب خلاص يا فقيهة، هنعرف إزاي؟
*ليلى:* منا معرفش! بس في حاجة ممكن تساعدنا.
*نادر:* إيه هي؟؟
*ليلى:* عمرو لحد دلوقتي ميعرفش إني نقلت آداب هنا، ودا ممكن يعزز من فرصتي في تقمص البطولة شوية.
*نادر:* حلو أوي، كدا أنا عرفت هنعمل إيه!
*ليلى:* قولي طيب.
*نادر:* هقولك..
(يا ترى هيكشفوا عمرو إزاي؟)

*استنونا البارت الجااي🌚😁*