روتيڤال🌑♥️

البارت العشرون..(20)

*نادر:* متأكد إنك متعرفش ولا بتكدب عليا؟!
*عمرو:* وأنا هكدب عليك ليه يعني؟
*نادر:* طيب يا عمرو.. ماشي.
*عمرو:* انت أول مرة تتخانق معايا، وعشان إيه مش فاهم!
__________________________________
*ليلى:* خلصتي عياط؟
*رسيل بضحك:* ثواني اتأكد لسة في دموع ولا لسة.
*ليلى:* حتى لو فيه أنا معدش معايا مناديل، مناديل الشهر حضرتك خلصتيهم في ١٠ دقايق!!
(ضحكت على طريقتها وحضنتها، أنا دلوقتي بس عرفت إني بحب ليلى وأتمنى نفضل صحاب، مبقتش زعلني من يوم الحادثة إياها وبقت جنبي في كل وقت باحتاجها فيه)
*ليلى:* الحفلة ابتدت يا رسيل.. يلا بينا.
*رسيل:* يلا.
(بدأت الحفلة وفي فرقة طلعت غنّت وعزفت، حقيقي كانت بداية جميلة واحساس حلو، فضلنا كدا وقت طويل شوية، ثم إن إلي حصل بعد كدا.. طلع مدير كل مدرسة خاص بالمرحلة بتاعته، وأعلن عن أسماء الأوائل بتوعه، تخيلوا المفاجأة.. عمرو طلع الأول ونادر الأول مكرر في ٢ثانوي، في تالتة اعدادي بسنت طلعت التانية، ليلى طلعت التالتة ورنا كانت الخامسة، أنا بقا كنت.. التاسعة، وأحمد أخو ليلى طلع التاني على دفعته في ٦ ابتدائي، طبعًا التكريم في المدارس الانترناشونال بيكون لأول خمس مراتب بس من كل مرحلة، يعني أنا كنت برة منظومة، إحساس إنهم كلهم على مسرح المدرسة بيتكرموا وواخدين هدايا وبوكيهات ورد وأنا بس إلي واقفة تحت وبتفرج، تخيلوا احساسي)
*سمر:* رسيل حبيبة قلب ماما.
*رسيل:* هه؟ أيوة يا ماما؟
*سمر:* أنا فخورة بيكي جدًا بالدرجة إلي جبتيها، وهديتك عندي يا جميلتي.
*رسيل بحب:* شكرًا يا ماما.
(رجعت تاني قعدت مكاني عالطرابيزة إلي ورا، قعدت اتفرج من بعيد لحد ما سرحت مع نفسي شوية، معرفش مر من الوقت قد إيه لحد ما لقيت حد واقف قدامي وبيديني بوكيه الورد!)
__________________________________
*بسنت:* مبروك يا نادر.
*نادر:* متشكر.
*رنا:* نادر ممكن أقعد معاك شوية؟
*نادر:* آسف.
*بسنت:* ليه بس داحنا كنا كلنا سوا.
*نادر:* بجد؟ كلكم مين؟
*بسنت:* كلنا يا نادر، أنا وانت ورنا وعمرو وكريم.
*نادر:* واختك فين؟
*بسنت:* معرفش، بتسأل ليه؟
*نادر:* مش المفروض تقعد معانا؟
*رنا بعصبية:* وتقعد معانا ليه يعني! هي لا اتفوقت زينا ولا أخدت هدايا ولا اتكرمت ولا أي حاجة...
*نادر:* بس يا رنا كفاية.
*رنا:* يعني فوق ماهي وحشة لأ طلعت فاشلة كمان!!
*نادر بزعيق:* قلتلك كفااية.
*رنا بصدمة:* أنا أول مرة اشوفك عصبي!
*نادر:* عشان أنا ميت مرة نبّهت عليكي متجبيش سيرتها بحاجة وحشة.
*رنا:*.......
*نادر:* أنا ماشي، وياريت تراجعوا نفسكم في تفكيركم من تاني.
*بسنت:* يا نادر استنى بس..
*نادر:* سلام.
(سابهم نادر وراح يدور على رسيل، فكر في طريقة يكسب بيها رسيل ويحاول يفرحها ويقرب منها، هيناولها الهدية إلي استلمها عشان متبقاش أقل من حد، ويطلب منها يكونوا أصحاب، ولكن اتفاجئ برسيل أول ما شافها، شاف بنت جميلة بطبيعتها، قاعدة لوحدها بعيد شبه الأميرات، مترددش لحظة في إنه يروحلها، وفي أثناء خطواته ليها..حصل إلي مكنش يتوقعه)
__________________________________
*رسيل:* دا إيه؟
*عمرو:* بوكيه ورد!
*رسيل:* أيوة ليه؟
*عمرو:* بصراحة كدا يا أخت رسيل..
*رسيل:* أيوة؟؟ 
*عمرو:* أنا مش قابل فكرة إني ولد وماسك بوكيه ورد دي، ففكرت تفكير عميق للغاية بإني أستفيد بيه واقدمهولك أنا.. وبسكدا.
*رسيل:* عشان أنا الوحيدة إلي مش معايا بوكيه يعني؟ لأ شكرًا أنا مش عايزاه.
*عمرو:* هما مرضيوش يدوكي واحد عشان ينولني أنا الشرف دا، إيش فهمك إنتي.
*رسيل بضحك:* يا راااجل بيجااد؟
*عمرو:* اه طبعًا، يلا خلي عندك شوية زوق واقبليه بقا، شكلي وحش وانتي معلقاني كدا، يرضيكي؟
*رسيل:* لأ طبعًا ميرضنيش.
(وقبلت منه الورد ومش هنكر إني حقيقي كنت مبسوطة، ومكنش عندي مانع برضو إني أبين انبساطي كبنت في سن مراهقة بتحب الحاجات دي)
*عمرو:* بقولك إيه؟
*رسيل:* اتفضل.
*عمرو:* تعالي ننادي عليهم كلهم ونتصور كام صورة تذكارية مع بعض.
*رسيل:* الله~~ طب يلا أنا موافقة.
*عمرو:* روحي انتي نادي على مامتك ومامتي وعمو جلال وأنا هنادي على الباقي.
*رسيل:* اوكييه.
(وبالفعل روحت وأنا مبسوطة جدًا من الفكرة أنادي على ماما وطنط جيهان وعمو جلال إلي كانوا قاعدين يتكلموا مع بعض، أصلي أول مرة هيبقالي صور تذكارية مع حد متخيلين! وانبساطي زاد أوي ساعة ما وافقوا وجم معايا، في الناحية التانية عمرو راح ينادي على بسنت ورنا أخته وليلى وأخوها أحمد وكريم صاحبه، جابهم كلهم، ولكن قعد يدور على نادر بعدها ومن ساعتها ملقاهوش، فكّر إن ممكن يكون مشي بعد التكريم علطول، فقرر يستسلم عن التدوير ويرجع للجماعة ويقعد معاهم، وأول ما لف وشّو.. اتفاجئ بنادر واقف قدامه، كان لسة هيكلمه ولكن.. نادر ضربه بالبوكس!.. يا ترى ضربه ليه؟)

*استنونا البارت الجااي🌚😁*