روتيڤال🌑♥️

البارت التالت..(3)

*بسنت:* ممكن أعرف رنا كانت هنا ليه؟
*رسيل:* كانت بتزورني.
*بسنت:* احنا هنضحك على بعض؟ من امتى وفي حد بيزورك أصلًا!
*رسيل:* بلاش توجعيني بالكلام أوي كدا.
*بسنت:* دا على أساس إنك بتحسي؟!
*رسيل:* لو سمحتي كفاية يا بسنت، و اه رنا هنا كانت بتزورني وتطمن عليا بعد إلي حصل النهاردة في المدرسة، مع إن المفروض تكوني أول واحدة في صفي وتوقفي المهزلة دي، لكن إنتي قبلتي إن أختك تتهزأ وانتي واقفة عادي.
*بسنت:* ميت مرة أقولك متكرريش كلمة أختي دي تاني، أنا مش عايزة نكون اخوات.
*رسيل:* ليه يا بسنت؟
*بسنت:* عشان أنا مبحبكيش.
*رسيل:* مبتحبنيش ليه بس؟
*بسنت:* لأنه على الرغم من إنك واحدة مريضة وشكلك وحش لكن بردو واخدة كل الناس في صفك، كله بيشكر فيكي، والناس كلها شايفين إن أنا وحشة، مع إنك إنتي إلي وحشة.
*رسيل:* أنا وحشة؟ وحشة في إيه؟
*بسنت:* روحي بصي لنفسك في المراية وانتي تعرفي، شوفي جسمك فيه كام لون، شوفي شكلك باهت علطول إزاي، شوفي إن شعرك مفيهوش لون خالص، وحتى عنيكي وحشة، مش عشان إنهم كل واحدة لون فهما حلوين! بالعكس انتي شكلك بالعربي كدا: مقرف.
(مقدرتش أستنى واناهد فيها أكتر من كدا فسبتها ودخلت أوضتي وقفلت الباب، صح معيطتش قدامها واتكلمت معاها عادي وحاولت بردو إني أفهم سبب معاملتها القاسية معايا، بس الحقيقي صدمني كلامها، أنا مكونتش أعرف إن هي بتكرهني أوي كدا)
_________________________________
*في الجيم*
*نادر:* هي رنا مقالتلكش حاجة تانية عن رسيل؟
*عمرو:* اه قالتلي.
*نادر بحماس:* بجد؟؟ قالتلك إيه؟؟؟
(بسبب رد فعل نادر.. عمرو اتخض ووقع من عالمشاية)
*عمرو:* تعرف يا نادر، أنا بكفر عن ذنوبي بيك، بس عارف فين المشكلة؟
*نادر:* فين؟
*عمرو:* إن مفيش ذنوب اصلًا، ما شاء الله راحوا من أول ما بقينا صحاب.
*نادر:* قول الحمد لله.
*عمرو:* اه الحمد لله، وبالنسبة إنك صاحبي يعني مش ناوي تعمل حاجة مفيدة؟
*نادر:* زي إيه؟
*عمرو:* تقومني من عالأرض يا توحفة!
*نادر:* أهو يا أخي، قول بقا قالتلك إيه؟
*عمرو:* امم لأ خلاص مليش نفس اقولك.
*نادر:* بقا كدا! طب أهو. (وسابو يقع تاني)
*عمرو:* اااه ياااا ضهرااااااااااااي.
_________________________________
*في البيت عند رسيل*
*سمر:* أنا قلت لأ وخلاص دا آخر كلام عندي.
*بسنت:* لأ ليه؟ أنا مش هطول والله دا هي ساعة بعد المدرسة بس.
*سمر:* المفروض إنك تخاصمي البنت دي، مش تقوليلي هروحلها.
*بسنت:* وأخاصمها ليه بس، أنا مالي بالي هي عملته؟
*سمر:* أنا قلت آخر كلام عندي، و لو عايزة تذاكري مع حد ذاكري مع أختك جوا، متنسيش أنكو توأم وتقدروا تفيدوا وتساعدو بعض.
*بسنت:* دا أنا لو مش هذاكر خالص افضلي من إني أذاكر مع دي.
*سمر:* متتكلميش عن أختك بالطريقة الوحشة دي، وان كان مش عاجبك ف ذاكري لوحدك.
_________________________________
*بالليل في البيت عند جلال*
*جلال:* أحمد.
*أحمد:* أيوة يا بابا.
*جلال:* بتعمل إيه؟
*أحمد:* بذاكر علوم.
*جلال:* طب يا حبيبي شد حيلك بقا عشان تبقى واد شاطر كدا وتدخل الاعدادية زي اختك.
*أحمد:* حاضر يا بابا، بس اي.....
*جلال:* بس إيه؟
*أحمد:* اختي من ساعة ما جت من المدرسة النهاردة وهي قاعدة في اوضتها بتعيط.
*جلال:* بتعيط! بتعيط ليه؟
*أحمد:* مش عارف، أروح أناديها طيب؟
*جلال:* اه ناديها بسرعة قولها بابا عايزك.
(راح أحمد عشان ينادي على أخته، وقعد ويكلمها وهو بيخبط على الباب عشان تفتح)
*أحمد:* افتحي بقا.. بابا عايزك برة في الصالة... يا ستي افتحي بقا بابا..
(وأخيرًا فتحت)
*أحمد:* أخيرًا فتحتي! يلا تعالي كلمي بابا.
_ حاضر.
_________________________________
*نادر:* أبوس إيدك يا أخي اتكلم بقا يخربيتك.
*عمرو:* حتى اللقمة مش سايبني أتهنى عليها.
*نادر:* لقمة! لقمة واحدة؟! تلت ساندويتشات شاورما واتنين بيبسي و واحد باكت بطاطس، وتقولي لقمة!!!
*عمرو:* انت هتبصلي في الأكل كمان؟!
*نادر:* أبصلك في اييييه يخربيتك، أنا إلي دافع.
*عمرو:* ما علينا سيبني أكمل أكل بقا.
*نادر:* شوف تلاتة بالله مانت واكل لقمة زيادة إلا لما تقولي رنا قالتلك إيه.
*عمرو:* بس لو مكونتش تحلف، بص يا عم...
*نادر:* يا فرج الله، قول يا صاحبي قول يا حبيبي.. قول قول.. ماتقول بقا.
*عمرو:* اديني فرصة أقول وأنا مش هتأخر عليك وربنا.
*نادر:* خلاص سكت أهو اتنيل انطق بقاا نشفت دمي.
*عمرو:* رنا بتقول إن رسيل مش هتيجي المدرسة تاني إلا عالامتحانات ومامتها هتيجي المدرسة بكرة عشان تمضيلها الأجازة.
*نادر:* ها وبعدين؟
*عمرو:* وبسكدا.
(طبعًا مش محتاجة أوضح رد فعل نادر كان إيه، بس ادعو إن عمرو يعيش بعد العلقة إلي أخدها تاني.. يلا وبسكدا)

*استنونا البارت الجااي🌚😁*