روتيڤال🌑♥️

البارت السادس..(6)

*بسنت:* ما ترد يا نادر، ساكت ليه؟
*رناد:* أيوة حضرتك المكان بتاعها.
(بسنت ضحكت ضحكة سخرية وبصت للبنت بطريقة وحشة، وراحت قعدت جنب نادر، وانبساطها زاد لما نادر قالها تقعد هي جنب الشباك ولكن سرعان ما مزاجها قلب ١٨٠° بسبب إن نادر قال للبنت تقعد جنب بسنت وراح هو قعد ورا على كرسي تاني) "لئيم أوي نادر ناحية البنات🙂".
__________________________________
*في البيت عند جلال:*
*ليلى:* بابا.. يا بابا.
*جلال:* أهلًا أهلًا حبيبة بابا جت بالسلامة.
*أحمد:* على فكرة أنا جيت معاها بردو!
*جلال:* مانت حبيب بابا بردو يا جدع، تعالوا يلا حطوا شنطكم وغيروا هدومكم واغسلوا ايديكم عشان نتغدى سوا.
*أحمد:* هناكل إيه النهاردة بقا؟
*جلال:* انتو كان نفسكم تاكلوا إيه إمبارح؟
*أحمد:* كشري كشري كشري.
*جلال:* ماشي يا عم جبتهولك.
*أحمد بفرحة:* يااهووو.
*جلال:* وانتي يا ليلى؟
*ليلى:*.......
*جلال:* ليلى؟ يا ليلى!
*ليلى:* هه! أيوة يا بابا.
*جلال:* سرحانة في إيه؟
*ليلى:* لأ أنا مش سرحانة أنا معاكم أهو.
*أحمد:* لأ كنتي سرحانة، وعلى فكرة يا بابا ليلى في الباص مكلمتش حد بردو وصحابها زعلوا منها.
*جلال:* ليه كدا؟
*ليلى:* بس يا أحمد، مفيش حاجة يا بابا أنا كويسة.
*جلال:* طب روحوا خلصوا يلا عشان ناكل وبعدين نتكلم.
*ليلى وأحمد:* حاضر يا بابا.
__________________________________
*في البيت عند رسيل:*
(بعد ما خلصت مذاكرة قلت أروح آخد شاور عما بسنت تيجي من المدرسة ونتغدى، أول ما دخلت الحمام وبصيت في المراية... انصدمت!) 
*رسيل:* يا ماااااااممماااااااااااا.
*سمر بخضة :* في إيه؟ إيه إلي حصل؟؟
*رسيل:* شوفي وشي!!!!
(نفس البقع إلي كانت في جسمي ودراعاتي لقيتها بدأت تظهر على وشي، طب جسمي وكنت بغطيه بأي حاجة، وشي هغطيه إزاي؟!)
*سمر:* طب اهدي اهدي خلاص مافيش حاجة، ما احنا كنا عارفين إن هيحصل في يوم من الأيام صح؟
*رسيل بعياط:* جه بسرعة أوي يا ماما، جه وأنا مش مستعدة له، نفس احساسي زمان بيتكرر يا ماما، أنا خايفة أوي.
*سمر:* لأ متخافيش عادي يعني، متاخفيش خاالص، دا قدر ربنا إلي إحنا بنؤمن بيه يا رسيل، يبقى لازم نقول إيه؟
*رسيل بعياط:* الحمد لله، بس أنا هغطي وشي إزاي دلوقتي قدام الناس؟
*سمر:* هنلاقي حل يا حبيبة ماما ولا يهمك.
*رسيل:*.........
*سمر:* يلا يا حبيبتي اقفلي الباب وخدي الشاور عادي بقا واخرجي عشان نتغدى.
*رسيل بحزن:* حاضر يا ماما.
__________________________________
*في البيت عند عمرو*
(رنا دخلت البيت وقفلت الباب بقوة وجريت على أوضتها وهي متعصبة جدًا من تصرف نادر ناحيتها، وفضلت تكرر بينها وبين نفسها كلام كتير بعصبية)
*رنا:* أنا هوريكي يا رسيل، أنا هعلمك إزاي متبصيش لحاجة مش بتاعتك تاني!
(معدّاش وقت طويل ومامتها راحت تنادي عليها عشان الغدا)
*جيهان:* بت يا رنا.. يا رنااا.
*رنا:* أيوة يا ماما.
*جيهان:* مالك يا رنا متعصبة كدا ليه؟ في حاجة دايقتك؟
*رنا:* هه؟ لأ خالص أنا بس شديت في الكلام شوية مع صحابي في الباص.
*جيهان:* ودا يخليكي تدخلي البيت متعصبة كدا ومتقوليش السلام عليكم حتى؟!
*رنا بزهق:* خلاص بقا يا ماما أنا آسفة.
*جيهان:* استهدي بالله كدا وغيري هدومك وتعالي عشان تتغدي يلا.
*رنا:* حاضر، بس هو عمرو فين؟
*جيهان:* قاعد برة مع باباكي.
*رنا:* ماشي أنا جاية أهو.
_________________________________
*بعد مرور شهر ونص*
(عدّا الوقت بالنسبالي بسرعة أوي أوي، الحقيقة كان كافي جدًا بالنسبة لمذاكرتي، بس أنا تركيزي كله في إن إزاي هخفي البقع إلي طلعت في وشي دي؟ إزاي هغطيه؟! المشكلة إن بكرة أول يوم امتحانات وأنا مش خايفة من الامتحان قد ما أنا خايفة من المواجهة، زمايلي هيبصولي إزاي بعد كدا!!)
*سمر:* ركزوا معايا، بكرة قبل ما تبدأو الامتحانات نقرأ آية الكرسي ونذكر ربنا كتير وندعي ربنا يوفقنا ونسمي الله قبل ما نبدأ.
*رسيل وبسنت:* حاضر يا ماما.
*سمر:* ياريت يا بسنت تكوني ذاكرتي كويس عشان متطريش تغشي زي كل مرة.
*بسنت:* وليه بتقوليلي أنا بس، لأ بقا أنا مذاكرة كويس وهجيب نمر كويسة.
*سمر:* يارب تجيبوا نِمَر كويسة يارب يارب، يلا تصبحوا على خير.
*رسيل وبسنت:* وانتي من أهل الخير.
(كل واحدة دخلت أوضتها وبدأت تستعد للنوم عشان الامتحان الصبح، بس أنا مجاليش نوم من كتر التفكير في بكرة، مجرد التخيّل بيخوفني وبحس إني عايزة استخبى منهم، قطع تفكيري صوت تخبيط عالباب)
*رسيل:* أدخل.
*سمر:* لسة صاحية؟
*بسنت:* اه.
*سمر:* كويس عشان كنت جيالك في حاجة.
*رسيل:* إيه هي؟

*استنونا البارت الجااي🌚😁*